الموضوع: عندي مشكلة في رقم الشاسية!!! أرجو النصيحة

السلام عليكم
ربما يعام بعض الاخوة اني قد اشتريت من 3 ايام سيارة بولو 99

المهم وانا عند الميكانيكي امبارح قالي هل طابقت رقم الشاسية مع الرخصة ؟ قلت لة لا!
اخد الرخصة وبص لقى الرقم مختلف ووقعنا في حيص بيص وانا ركبي سابت!
المهم قلنا نبص على رقم الموتور بالمرة وكانت المفاجئة ان رقم الموتور مكتوب في الرخصة مكان رقم الشاسية! ولكن رقم الشاسية اللي مكتوب مكان رقم الموتور مش هوه!

بالصدفة وانا في هذة الحيرة وجدت تكت ملزوق جنب رقم الشاسية ويحمل عدة ارقام واوزان ويوجد رقم يشبة ال serial number بتاع الويندوز (حروف+ارقام) المهم قريت الرقم والمفاجئة التانية ان اخر 5 ارقام هي اللي مكتوبة في الرخصة على انها رقم الشاسية (بس في خانة الموتور) يا رب يكون حد فهمني!

دلوقتي انا اعمل اية في المشكلة دي؟ علما باني شاري من واحد بتوكيل وهو شاري بتوكيل والتوكيلين بيحملوا نفس الارقام الخطأ اللي في الرخصة!

ارجو الرد والافادة وجزاكم الله خير

goodwave