اقعدو بالعافية

**ميرو اسامه** · 23-04-2014 09:02 PM

مريت بجانب فرع البنك اللى بتعامل معاه من سنوات لقيت الافته اتغيرت والفرع بقى باسم بنك تانى !!! كده ...بدون عن اذنكم او اقعدو بالعافيه او عشرتكم كانت حلوه والله بس ورانا سبوبه فى بلد تانيه !!! البنك بى ان بى فرع المحلة الكبرى بأه باسم بنك الامارات ومشيت افكر طب انا كعميل وضعى ايه والحساب اتعامل معاه ازاى من نفس المكان واللا من البقال اللى جنب البنك يكونو سابو الفلوس معاه .. طب والشيكات اللى معايا باسم البنك القديم اعمل بيها ايه .. طب وده ينفع .. طب هما فى فرنسا بلد البنك الاصليه يقدرو يعملو كده بدون اخبار العميل .. طب انا مش عاوز اتعامل مع البنك الجديد !! يصح ينقلونى له كانى ماليش لازمه وبدون علمى ؟؟
جاتلى فكرة واتصلت بالرقم المختصر وقولت استفسر جالى الرد بالرسالة المسجلة كالعادة ولكن كانت بتقول ايه المرة دى كلام مختلف .. اذا كنت عميل ((بنك الامارات ))اضغط واحد . ياستى ولا اعرفك . والباقى رسالة عادية .. اضطريت اضغط واحد ( لما الشارع كله يكون شمال امشى شمال _ حكمة من عندى ) انتظرت كلمنى حد من خدمة العملاء وسالتة قاللى اه بنك الامارات استحوز على بى ان بى بس لسه كل حاجه زى الاول ماتغيرتش !! طب ده كلام !!! يرضى البنك انى أغير اسمى الصبح واروح اتعامل بنفس الحساب ؟؟ او يروح واحد صاحبى يتعامل على حسابى ويقولهم انى اديته الحساب هديه او بعتهوله
اللى مزعلنى فى الموضوع ان البنك أو الهيئات الاجنيبة لما تيجى مصر بتعاملنا بطريقتنا مش بطريقتهم !!! يعنى الاهمال وعدم المبالاة وعدم الاهتمام بالعميل .. !! ليه لانه مابيعرفش حقه ولا ليه هيئه فى بلده تحميه .

**محمد يوسف** · 23-04-2014 09:24 PM

بس فرع المهتدسين لسه اسمه بى ان بى باريبا زى ماهو

هو عموما كان بتك فاشل موت...والله ليا فيه حساب لسه من 2007 ماعرفش ايه وضعه..ولا أنا سألت ولا هما سألوا....بس كنت مصفره

**ميرو اسامه** · 23-04-2014 09:56 PM

المشاركة الأصلية كتبت بواسطة محمد يوسف

بس فرع المهتدسين لسه اسمه بى ان بى باريبا زى ماهو

هو عموما كان بتك فاشل موت...والله ليا فيه حساب لسه من 2007 ماعرفش ايه وضعه..ولا أنا سألت ولا هما سألوا....بس كنت مصفره

مش معقول يكونو هايخرجو من السوق المصرى نهائى .. انا اتعاملت مع فرع المنصورة وفرع المحلة وكانو معقولين .. اما حساب حضرتك اعتقد انه كده اتقفل من زمان بس كانو لازم يدوك خبر بخطاب مسجل او اتصال .

**mohamed_selim** · 23-04-2014 10:11 PM

البنك متباع من اكتر من سنه و يادوبك مغيرين الاسم
زيه زى nsgb اللى بقى بنك قطر الوطنى
بنك فرنسا ملوش دعوه لانه مساهم زيه زى اى مساهم فى البنك و هو اللى اخد قرار البيع مع الملاك الاخرين

**ميرو اسامه** · 23-04-2014 10:25 PM

المشاركة الأصلية كتبت بواسطة mohamed_selim

البنك متباع من اكتر من سنه و يادوبك مغيرين الاسم
زيه زى nsgb اللى بقى بنك قطر الوطنى
بنك فرنسا ملوش دعوه لانه مساهم زيه زى اى مساهم فى البنك و هو اللى اخد قرار البيع مع الملاك الاخرين

بنك فرنسا كان اعلى المساهمين بدليل الاسم ( بى ان بى باريبا )

**mohamed_selim** · 23-04-2014 10:32 PM

الاسم الاصلى بي ان بي باريبا لو كير و كان شراكه بين البنك الفرنسى و بنك القاهره و بعد فتره بنك القاهره باع نصيبه لمستثمرين و من ضمنها جزء من نصيب البنك الفرنسى و كان ليه نصيب كبير و لكنه ليس ٥١٪ و احتفظ بالاسم فقط ....