أشهر الأكاذيب اللي بيقولها الرجل للمرأه في مصر !!

**katkootaya** · 08-10-2008 03:45 AM

- بصراحه انت تستاهلي واحد احسن مني
- اهلي ضاغطين عليا علشان اتجوز بنت عمي ..او بنت خالتي
- خلينا اصحاب احسن
- علاقتنا مافيهاش كيميا
- انا هاظلمك لو قعدتك جمبي .. انا قدامي وقت كبير اكون فيه نفسي .. و اعمل حاجه مهمه
- انا هاقفل دلوقتي علشان داخل على لجنه
- معلش اصل الشحن فصل
- كنت قافل الموبايل علشان كنت في Meeting
- ماردتش اصلي كنت عند المدير
- انا في الطريق بس الكوبري واقف
- ماكنتش قافله بس كنت واقف في حته مافيهاش شبكه
- لا والله كلمتك امبارح ... بس موبايلك كان مقفول
- طيب قافل موبايلك ليه ؟؟ يقولك علشان كنت في عزا .. طيب عزا مييين ؟؟ يقولك ابو واحد زميلي في الشغل
- على فكره انت اكتر واحده فهمتيني في حياتي كلها ... غالبا يقصد ( انك اكتر واحده عرف يسيطر عليها )
- لسه جميله زي اول يوم شفتك فيه
- عمري ما هازعلك في حياتي
- لما ببص في عنيكي مابقدرش اكدب عليكي
- لعلمك .. الاختلاف اللي بينا ده .. هوه اللي هيقربنا من بعض اكثر
- حتى و انت عندك 80 سنه .. هتفضلي جميله و هافضل احبك
- بينا حاجه حلوه مش عارف هيه ايه .. ( بداية التلميح )
- عمري ما حسيت الاحساس ده قبل كده
- خلاص هاعمل اللي تقولي عليه
- دي مجرد صديقه
- تصدقي ده انا حتى مش فاكر اسمها
- اهلي بيموتوا فيكي
- وماما نفسها تشوفك قوي
- انا مش بعمل حاجه لنفسي .. كله ليكي و للأولاد
- لأ انا ماقلتش كده ... انا فاكر انا قولت ايه كويس
- ما انا كنت هاقولك
- الخروجه كلها رجالي
- لولا الشغل كنت روحت معاكي انت و الأولاد عند حماتي
- دي حتى حماتي واحشاني
- نسيت المحفظه في البيت
- مره او مرتين شربت مع اصحابي ... ( تفاريح يعني .. عيد ميلاد .. الخ )
- هاتأخر في الشغل شويه النهارده
- انا ماشفتهاش من ساعة ما سيبنا بعض
- انا ميت من التعب .. نشوف الموضوع ده بكره
- عمري ما هاتضايق لأنك بتقبضي مرتب اكبر من مرتبي
- انتي اتجننتي ! اعرف واحده غيرك ؟
- اول واحده حبيتها ماتت في حادثه .. اتجوزت وسابت مصر ... اهلها رفضوني .. الخ
- صدقيني لما اقولك كل حاجه ماشيه صح
- عقلك اكتر حاجه عجباني فيكي

ايه رأيكم في الكلام ده مظبوط ولا ده افتراء على الرجل ؟؟

:D:D:D:D:D

منقول من كتاب شكلها باظت للكاتب عمر طاهر

**elrasy** · 08-10-2008 04:00 AM

بشكرك على الموسوعة الجميلة دى
ولو انة افتراء رسمى على الرجالة,,, هوة فى اطيب من الرجالة:d

**badblood** · 08-10-2008 04:14 AM

معنى كده ان المرأة مخلوق ملائكي لايعرف للكذب طريق

**Noha.M** · 08-10-2008 04:22 AM

تصدقى ان انا سمعت تقريبا تلات اربع الجمل دى

اللى بجد بسمعها كتير بتاعه عمرى ما هزعلك ابدا و مفيش يا بنتى بعدها ب 3 ثوانى ندب الخناقة المتينة
و اصل انا فى حتة مفهاش شبكة !!!!!!!!!! و ماما بتحبك اوى و انا عارفة انها بتغير مووووووووت

الليستا طويلة والله

**الطنطاوي** · 08-10-2008 09:41 AM

اللهم احفظ بنات المسلمين من عبث العابثين

**brown-eyes** · 08-10-2008 10:46 AM

هو الواحد بعد الجواز هيتغير اوي كده !!!!!!!!!!
بس انتي نسيتي حاجة ال ليستة بتاعت الاكاذيب اللي بتقولها المراة للرجل

**SAbuhashem** · 08-10-2008 11:01 AM

الحمد لله مبقولش الكلام دة خالص لا قبل الجواز ولا بعده :)

لكن شكراً ليكي على الأعذار الجميله . والله شوية أعذار جامدين ينفعوا بردو

واللا أقولك بلاش الكدب مفيش أحسن من الصراحه بين الزوجين في كل حاجة حتى لو كان عايز ينفض لها ويقفل التليفون

يقول لها سلام دلوقتي علشان في وايتنج من واحده صحبتي
أو أنا دخلت الكافيه اللي صاحبتي مستنياني فيه سلام بقى علشان وقتك خلص .
أو حتى سلام بقى علشان كلامك تقيل دلوقتي على قلبي وفكك مني

انما لجنه بقى والشحن خلص كلام كدب وملوش لازمه
صح واللا أنا غلطان

Thanks
Eng.Sherif Shaker

**bee** · 08-10-2008 01:55 PM

شريف باشا شاكر يا مرحبا يا مرحبا
كلام سليم 100 100
وبعدين انا عايز اضيف حاجه وبتنكلم جد على فكره
مبقاش فيه بنت طيبة تصدق الحجج دي (الا من رحم ربي)
يعني م الاخر كده ساعات المرأة بتحب الي يعرف يقولها حجج هي عارفه انها كدب
مع اني مش مع الاسلوب ده .. :D وكفاية كلام في السياسة عشان انا مستهدف اساسا