خبطة في إكصدام السيريون

**AHMEDCAR** · 08-10-2008 01:41 PM

الف سلامه عليكى و الحمد لله على كده الخبطه بسيطه جدا قدر الله و مشاء فعل عادى اى واحد بتاع فيبر هاظبطهولك على طول

**أبو عبدالله** · 08-10-2008 02:03 PM

قدر الله وماشاء فعل
متعمليش اي حاجه يا علا
دي عادية ولو حاولتي انتي بنفسك هترجعيها بأيدك ومفيش اي مشكلة خالص
ومفيش حاجه اتعوجت ولا اي حاجه
دي هترجع بأيدك من خلف الكارتيره عادي

فمفيش تهويل ولا حاجه دي بسيطة
ومتسمعيش كلام حد لو هول فيها

**OlaOsman** · 08-10-2008 02:07 PM

طيب لو مش هاقدر اروح الحرفيين، حد يعرف حد بتاع فايبر في شبرا او وسط البلد يردهالي؟

**Goodle** · 08-10-2008 04:09 PM

المشاركة الأصلية كتبت بواسطة أبو عبدالله

قدر الله وماشاء فعل

دي عادية ولو حاولتي انتي بنفسك،، هترجعيها بأيدك ومفيش اي مشكلة خالص
ومفيش حاجه اتعوجت ولا اي حاجه
دي هترجع بأيدك من خلف الكارتيره عادي

فمفيش تهويل ولا حاجه دي بسيطة
ومتسمعيش كلام حد لو هول فيها

الحمد لله على سلامتك يا أختي الكريمة
وفعلا الخبطة بسيطة وممكن تترد باليد عادي إن شاء الله

**MoToRiZeR** · 08-10-2008 05:35 PM

مش محتاجة أي واحد بتاع فبر ولا أي حاجة يا علا دي بسيطة خالص و لسة حاصلة عندي من يومين في الإكصدام اللي ورا نزلت من العربية رديت الإكصدام و ركبت كملت عادي :)

لأنها مش محتاجة تسخين أو أي حاجة دي هترجع زي ما كانت بالضبط من غير أي حاجة .. خلي بس حد يمد إيده ورا الكارتيرة يزق الإكصدام هيرجع زي ما كان و إشبكيه بإيدك عشان يبقي في مكانه بالضبط هتلاقي الكلبسات شبكت و رجع زي ما كان .

إكصدامات السيريون مرنة جداَ و الخبطات اللي زي دي بتبقي ولا حاجة .
بسيطة أوي يعني مش محتاجة تروحي التوكيل ولا حتي حد بتاع فبر لأن الإكصدام أصلا ميعتبرش فبر أعتقد بلاستيك .

**معاذ الشرباصى** · 08-10-2008 06:35 PM

اولا قدر الله و ما شاء فعل

الحمد لله انها حاجة بسيطة

على فكرة نفس الخبطة كانت عند على, و تم استعدالها بسهولة جدا

هى مش محتاجة بتاع فيبر او حاجة

بس اللى يستعدلها, بإيده مش بحاجة تانية, غير كده اى سمكرى ب 20 جنيه بالكتير هيعملها لك من غير اما يفك اى حاجة

هيدخل ايده من ورا الكارتيرة, و هيعدلها

ان شاء الله تبقى اخر الخبطات

**fahd_628** · 08-10-2008 06:51 PM

فداكى يا استاذة علا

و متخافيش الحمد لله بسيطة جدا جدا جدا و سهل جدا عدلها

**Hassan Khalil** · 08-10-2008 07:04 PM

بسيطة اوي يا علا ان شاء الله ..
عايزة تعمليها عند اي واحد .اعمليها ..مش حتكون محتاجة فن ..
و ممكن تنتظري في الصيانة الجاية في التوكيل و تعمليها .. و مش حياخدوا منك حاجة تذكر ..
المهم ..متقلقيش منها ..ابسط بكتير مما تتخيلي
---
بس انتي اللي غلطانة .. حد يجيب عربية حمرا اوي كده :)
ربنا يحفظهالك و يبارك لك فيها

**M.Mosaad** · 08-10-2008 11:06 PM

عادي خالص انا اخدت علي كدة غيرت الاكصدام في التوكيل قبل كدة و الحمد لله الجديد اتخبط برضة و انا خارج من المرور و مركب النمر الجديدة بس انا عندي الاكصدام اتخرم علشان واحد منه لله راكب متوسيكل
لو عرفتي تعمليه برة التوكيل يبقي احسن لانهم معندهمش اكصدامات دلوقتي و دوخني علي الاكصدام اللي فات بس احمدي ربنا دي خبطة بسيطه خالص
انا جتتي نحست خلاص
علي فكرة العربيه دي فيها حاجة غريبه لانها بتشد عنين الناس في كل مكان ربنا يستر علينا
انا ن ساعه ماجبتها ة بيحصلها حوادث غريبه مش عارف هي اللي ضعيفه و لا ايهبس لو عرفتي تستني و تعمليه في التوكيل بيرجع زي ماكن و احسن بصراحه اساتذه بس بيتارخروا اوي
و علي فكرة يا Mtak انا اخدت خبطة زي بتاعتك بالظبط تاني يوم جبت العربيه و غيرت فيها اكصدام و رفرف و فانوس
ربنا يحفظنا كلنا و يبارك في عربيتنا
لان الناحية اليمين واضح ان معمولها عمل لازم تبقي مخبوطه