الموضوع: مشكلة في الكربراتير - مطلوب متخصص كربراتيرات في المنصورة

هذا هو الكربرتير نصفين بعد التنظيف بعلبة منظف كربرهات واحدة و طبعا واضح الفرق عن الأول فرق رهيب أستغرق منى حوالى 2 ساعة لأنه كان قذر جدا و محتاج علبة اخرى و ارجعة زيرو تانى
ارجوا من يستخدم هذا المنظف ان يلبس نظارة واقية لأنه خطر عل العين و الجلد
سؤال بقة الفتحات1 و2 هل الأثنين بهم اخرام ام الأخرام فى فتحة واحدة فقط.
و اين ينصح بالنفخ بالهواء

اللة ينور عليك انا بردة اتشجعت وفكيت الكربراتير ونضفتة وظبت السلانسية وكلة بفضل عم صبحى والسادة الاعضاء ووفرت 120جنية

مسمار السلانسيه بيركز على على اكس الاتش توك يعني لو الاكس رايح مش هتعرف تظبت السلانسيه لو لقيت في مشكلة ثبته بأمير وطفية سجائر

الفتحتين احداهما لدخول الهواء والثانية للحقن بالبنزين

أنا عندى فى الفتحتين واحدة بها ثقب (1) و الفتحة الأخرى(2) ليس بها ثقب ما الحل

غدا بأذن الله سأقوم بأعادة تركيب الكارباراتير مرة أخرى بعد أن نظفته نظافة الزيرو
فقط اريد ان أتأكد هل الخراطيم راكبة كدة صح لأنها أنسلتت منى و لا اتذكر جيدا مكانها و أعتقد أنها فى مكانها المظبوط لاكن زيادة التأكيد لن تضر و أتمنى أن تسير الأمور على ما يرام و شاكر لكم حسن تعاونكم

قمت بتركيب الكاربراتير بعد أن تم تنظيفه بثلاث علب منظف كارباراتير نظافة الزيرو و كذلك قمت بتنظيف جميع البكات,أستغرق فكه نصف ساعة و تنظيفة ثلاث ساعات أم تركيبه فأستغرق ساعة لأن جوان القاعدة القديم كان لاظق جامد جدا و هذه بعض الصور لأنصاص الكارباراتير من عدة زوايا حتى يتعرف عليه جيدا جميع الأعضاء






و هذا ايضا صورة كاملة للكاربراتير


و قبل أن أدور مارش ربط مسمار الهواء الى الأخر برفق ثم فكيته ثلاث لفات و وضعت بعض البنزين فى غرفة العوامة و كاريكت شوية و سميت و دورت دارت من اول تكة و مفيش دخان طالع من الشكمان الحمد الله,و بدأت أظبط السلنسيه لأقل سرعة ممكنة و كانت عملية متعبة لأن المفك الى معايا طويل ,ثم قفلت مسمار الهواء ربع لفة,ثم فتحته لفة,ثم بدأت أظبت البنزين حت تم التظبيط لكن لاحظت خروج الدخان مرة أخرى؟ فقمت بقفل الهواء على الأخر مرة أخرى فأختفى الدخان الأسود و رجعت ظبط البنزين مرة اخرى و كله تمام التمام صوت الموتور حاجة تانية خالص لكن صوت الموتور بيعلى و يوطى بسيط ؟هبقى أنظف الأسبراتير و نشوف.
و بالطبع مكنتش حعرف أعمل كل الحاجات دى إلا بمساعدتكم فألف شكر ليكم جميعا و خاصة أخونا الأستاذ صبحى و الأستاذ المنسى.