اقتباس المشاركة الأصلية كتبت بواسطة borio1704 مشاهدة المشاركة

مع احترامي لكل اللي حضرتك سمعتلهم... اللي محير حضرتك إنك مدي ودنك للناس

أولا.. مفيش حاجة إسمها زيت بين البينين

الزيت حاجة من تلاتة.. معدني أو تخليقي أو شبه تخليقي

وشبه تخليقي دي مسألة واسعة.. ﻷن نسبة الزيت التخليقي لازم ما تقلش عن 70 %.. يعني من أول 70 % لحد 99% ده اسمه شبه تخليقي.

ثانيا... موضوع بخر الزيوت ده فيه مبالغة قوية... وإذا كان الزيت بيتبخر.. فده مش بسبب مشكلة في الزيت. .. إنما بسبب الاختيار الغلط أساسا لزيت مش مناسب لموتور عربيتك

ثالثا.. لازم ترجع لكتالوج عربيتك وتعرف إيه نوع الزيت المناسب.. واختيارك لزيت بمواصفات غير مناسبة بيسبب مشاكل انت في غنى عنها.

رابعا... لو لقيت الزيت متخزن لمدة أقل من 4 سنين.. ممكن تشتريه على اعتبار إنه حيشتغل معاك لمدة سنة في العربية.. ويبقى إجمالي عمره 5 سنين... ودي أقصى مدة تخزين للزيت قبل ما يفقد خواصه..

بس طبعا لازم تشتريه من مكان موثوق فيه ويكون عليه خصم محترم.


لو عايز معلومات ليها أساس علمي ومش جايه من السمع واﻹشاعات والآراء الشخصية... ادخل على الموضوع ده...
http://www.nilemotors.net/Nile/341680-a.html


انا متشكر لمداخلة حضرتك يا بشمهندس
انا قريت موضوع حضرتك قبل ما اجيب التخليقى اول مرة و مكنتش افهم حاجة عن الزيوت
حتى الناس اللى معاها عربيات من زمااااااااااان جدا معندهمش اى ثقافة عن الزيوت و لما تقول لحد زيت معدنى و زيت تخليقى بيتريقو و بيتقعدو ان الزيت التقيل احسن حتى للزيرو
طبعا من فاهم قصدى - و عدى على حضرتك كتير منهم طبعا
------------------
اما بالنسبة لى
انا زى ما ذكرت فى اول الموضوع انا مشيت بالفبريكة 1000 كم العادى بتاعة و بعد كدة فى التوكيل حطو موبيل 1 و نزلتة بعد ما مشيت علية 2600 كم و غير ل فالفولين 5w40
اللى مخلينى مش عايز غيرة انة منقص خالص عن المقاس اللى كان علية من اول ما اتحط
و ثانيا انا سافرت بية بورسعيد - العين السخنة - المنصورة - كلة دة كذا مرة و بنفس الزيت
و الزيت اغمق شوية لكن لسة اللون الذهبى فية و محتفظ بقوامة و لزوجتة و غير صوت الماتور خالص و هداة غير الكفاءة العامة للموتور من السحب و توفير البنزين - هغيرة بس علشان عدة علية سنة فى الموتور
انا كنت حاطة فى 30/4/2013 يعنى السنة اللى فاتت و مشيت علية 7500 كم
لسة مكمل 10.000 و كل دة فى سنة ونص من تاريخ شراء السيارة - مش مستهلكة بقوة
علشان كدة انا فى حيرة من امرى و معلش استحملنى
انا لقيت الجركن الرصاصى على موقع سوق دوت كوم - طبعا الزيت ابسط حاجة مبينزلش من سنة فمعرفش هيبقا مركون قد اية
ولا اجيب الجركن البرتقالى و هيدينى نفس الكفاءة اللى بتكلم عليها زى الجركن الرصاصى
--------------------------
و برة الموضوع
انا كنت غيرت زيت الفتيس للعربية مانيوال لزيت 75w90 - GL5
من شركة والف و فعلا الزيت دة حكاية فرق شاسع من بعدة فى السحب و لو فى حمولة كمان فى العربية فهل الزيت بتعاهم كدة بردو ولا اية - بس انا جربت فالفولين و مرتاح معاهم و لخبرتهم فى الزيوت
انا اسف على الاطالة لكن معلش اصلى مشتت من بعد ما اللى ارتحت معاة مش موجود
و فى الحياة العامة محدش بيفيد غير اللى فاهم زى حضرتك و الاعضاء هنا فى المنتدى
فارجو من حضرتك ترشدنى للاحسن - و الله هتقولى علية والله هنفذو
الجركن القديم من موقع سوق ولا الجركن البرتقالى ولا ماركة تكون فعلا احسن و متجربة
شكرا
اقتباس المشاركة الأصلية كتبت بواسطة a_mohamedsamir مشاهدة المشاركة
هههههههههههههههههههههه
معلش الموقع اللى دخلت علية معرفتش اشوف الكتابة اللى على الظهر
بس مش مكتوبة بوضوع زى الجركن القديم على الواجهة
شكرا جدا لاهتمامك فعلا