اسال الله ان يباركلك فيها اللهم امين
رقم العضوية : 13687
تاريخ التسجيل : 27Jun2008
المشاركات : 14,730
النوع : ذكر
الاقامة : Cairo - Doha
السيارة: Optra 2008 A/T
السيارة[2]: Kia Cerato K3 TopLine
دراجة بخارية: -
الحالة :
بسم الله الرحمن الرحيم
بفضل الله العربيه قاربت على إتمام ال 10 الاف كم بعد كيلومترات قليله
في الفتره دى إتاكدت من بعض النقاط اللى ذكرتها في تقريرى الأول والإنطباع المبدأى عنها والحمد لله مخيبتش ظنى فيها وربنا يبارك للجميع , بس اى حاجه في الدنيا ليها مميزاتها وعيوبها وفى التقرير دا هاحاول أركز أكتر على العيوب عشان مايبقاش كله مميزات مميزات :)
دا لينك التقرير الأول للى ماشفهوش قبل كدا
http://www.nilemotors.net/Nile/365948-2013.html
- الموتور ماعنديش كلام جديد أقوله من حيث الأداء لكن حابب أأكد ان العربيه ماتعتبرش من العربيات الموفره في إستهلاك البنزين يعنى استهلاكها عادى , أفضل رقم ممكن تعمله هو 10 كم في اللتر , انا سواقتى هاديه الى حد كبير مابعملش كيك داون كتير ولا باجرى بسرعات عاليه لفتره طويله , مجربتش اسافر بيها او امشى بيها مسافات طويله وعموما اكيد في السفر الإستهلاك هايكون أفضل
- الفتيس سلس في نقلاته ومريح الموتور لكن حصلت معايا مرتين او تلاته انى دوست كيك داون في وقت غلط تقريبا فالفتيس نتش , بصراحه ماكنتش مركز انا كنت ماشى على سرعة كام او على اى نقله , اللى عنده خبره في الموضوع دا ياريت يفيدنا , وعموما هي ماحصلتش معايا غير مرتين تقريبا او تلاته في خلال الفتره دى كلها , وفى الوضع الطبيعى مابيحصلش اى نتش بين اى نقله والتانيه سواء كنت حارق من اول نقله او دايس بالراحه
- العفشه زى ماقلت قبل كدا من أكبر المفاجأت في الموديل دا , وبخصوص الارتفاع عن الأرض فانا بصراحه كنت قلقان منه وحاسس ان مسيرها هاتحك منى لكن الحمد لله في ظروف مختلفه محكتش منى ولا مره
- بالنسبه للثبات اعلى سرعه وصلتلها كان 160 ودا ماحصلش كتير وماكنتش قلقان خالص ومتحكم في العربيه تماما , بس للأمانه في أيام بيبقى الهوا شديد جدا مابتقدرش توصل للسرعه دى ولتوضيح قوة الهوا فهو بيأثر في عربيات تانيه من فئة أعلى زى الأكورد
- العزل والفرامل , ممتازين مفيش جديد , والتكييف لحد دلوقتى كويس جدا درجة الحراره هنا بقت بتعدى ال 40 واحنا لسه في شهر 4 ربنا يستر :)
من فتره عملت الصيانه وهى عباره عن تغيير زيت وفلتر فقط وكانت مجانيه , الصيانه القادمه ان شاء الله عند 15 الف كم وفيها أيضا تغيير زيت وفلتر بالإضافه إلى فلتر الهوا والتكييف
نيجى للأهم من دا كله العربيه ظهر فيها عيبين واحد بسيط والتانى غير معتاد ومابيحصلش كتير ويعتبر عيب صناعه والحمد لله المشكلتين عدوا على خير
المشكله الأولى كانت ان الازاز الخلفى يمين مش شغال ولا من الباب نفسه ولا من وحدة تحكم السائق , وبزيارة التوكيل تم الكشف على المشكله وتغيير مكنة الازاز في الضمان مجانا
المشكله التانيه كانت غريبه ومفاجأه , كانت باحس برعشه خفيفه جدا في الطاره مع الفرامل على السرعات فوق ال 60 , بس ماكانتش مأثره على قوة الفرامل في حاجه , طبعا أول حاجه جت في دماغى دى أعراض طنابير ! بس قولت مستحيل , وبزيارة التوكيل تم الكشف على المشكله وفعلا تم تغيير الطنابير الأماميه والتيل الأمامى مجانا في الضمان !
طبعا دا 99 % عيب صناعه فردى لان حتى لو كان السبب هو غسيل الطنابير بالمياه وهى سخنه فصعب تبوظ على الكيلومتر القليل دا وانا أصلا باخد بالى من الحكايه دى , طيب هل التيل اللى كان فيه عيب وبوظ الطنابير ولا العكس الله اعلم ومش هاتفرق كتير
عموما الحمد لله بعد التغيير المشكله إختفت تماما , في الأول بس التيل الجديد كان بيصفر صفاره خفيفه جدا و إختفت بعدها بكام يوم
في النهايه أحب أنصح الجميع الضمان ثم الضمان ثم الضمان , حاجه زى دى لو مش في الضمان معرفش كانت هاتتكلف كام , وهى طبعا حاجه غريبه لان عربيتى السيراتو 2010 بايعها عامله 28 الف كم وماغيرتش تيل فرامل حتى وكانت زى الفل , فحاجه زى دى طبعا غريبه وغير متوقعه اى نعم عيوب الصناعه وارده وخصوصا ان عربيتى من أوائل الإنتاج في شهر 12 سنة 2012 واحيانا الحاجات دى بتحصل فى اول دفعات بس اتفاجأت طبعا , عموما الحمد لله انها ماجتش فى حاجه كبيره وأحب أضيف إن المشكله دى ماضايقتنيش من العربيه ولا هزت ثقتى فيها بالعكس دا وارد يحصل في اى ماركه وبالفعل في عربيات كتير من ماركات أخرى حصل فيها مشكلات مختلفه والحمد لله انها بتبقى عيوب فرديه بسيطه وبتعدى على خير
سيراتو عربيه ممتازه وتستحق الإقتناء وغير نادم عليها بالمره
تحياتى للجميع واى استفسار تحت أمركم
رقم العضوية : 145047
تاريخ التسجيل : 09Jun2013
المشاركات : 369
النوع : ذكر
الاقامة : بورسعيد
السيارة: لا يوجد
السيارة[2]: Verna 2013 GLS
الحالة :
اسال الله ان يباركلك فيها اللهم امين
رقم العضوية : 152562
تاريخ التسجيل : 01Dec2013
المشاركات : 798
النوع : ذكر
الاقامة : Egypt , Mansoura
السيارة: Kia Rio 2014
السيارة[2]: Lancer 2005
الحالة :
الف مبروك عليك ربنا يحفظهالك يارب
الــرد عـلـى الـسـفـيـه مـذلــة ...
[shr71=http://im20.gulfup.com/2012-06-08/1339153917583.jpg]���� : ��� ������ ����� �� ��� ���� ����� ����� ��� ���� ���[/shr71]
رقم العضوية : 30705
تاريخ التسجيل : 21Jan2009
المشاركات : 3,050
النوع : ذكر
الاقامة : Alexandria-Egypt
السيارة: Clio 1400cc
السيارة[2]: FLUENCE II-2014
الحالة :
الف مبروك حسام بيه و ربنا يباركلك فى عربيتك و يكفيك شرها و عقبال تقرير ال ١٠٠ الف كم
فعلاً كيا بقت متفوقة جداً فى موديلاتها و السيراتو الجديدة تعتبر طفرة من حيث التصميم حيث انها خرجت من القالب الأسيوى و اصبحت تضاهى جمال التصميم الأوروبى طبعاً ده غير أعتمادية كيا المشهورة.
موضوع الضمان ده عادى جداً و بيحصل فى كل العربيات بكافة أنواعها و حاجات اكتر من كده كمان و الضمان موجود مخصوص علشان كده و لا يفقد الثقة او الاستمتاع بالعربية أبداً
تحياتى
م/هانى سعد
Meggieboy سابقا
رقم العضوية : 152553
تاريخ التسجيل : 01Dec2013
المشاركات : 2,072
النوع : ذكر
الاقامة : القاهرة الجديدة
السيارة: skoda octavia a4
السيارة[2]: هيونداي اكسل
الحالة :
ربنا يباركلك فيها باذن اللة
السن ..16 سنة
رقم العضوية : 48939
تاريخ التسجيل : 05Oct2009
المشاركات : 4
النوع : ذكر
الاقامة : Egypt
السيارة: accent
السيارة[2]: Uno
دراجة بخارية: No
الحالة :
انا عندى سؤال عن الجنط ال17 انا سمعت ان عمره بيكون قصير و بتظهر فيه بلالين مع اى مطب او حفره .. هل ده صح؟
رقم العضوية : 13051
تاريخ التسجيل : 16Jun2008
المشاركات : 10,009
النوع : ذكر
الاقامة : اسكندريه
السيارة: كروز هاى لاين 2013 بفضل الله
السيارة[2]: هوندا ثم مرسيدس ثم بيجو 504 ثم نوبيرا 2 ثم نيسان صنى
دراجة بخارية: no
الحالة :
منور بالتقرير وعيوب الصناعه وارده جدا
انا معايا كروز زى ما انت عارف وبعد ستة شهور ومكنت لسه عملت صيانة 5000 التشيك انجين نور روحت التوكيل كشف وقالى تورمستات كوعه وتم تغييير الكوعه بالتورموستات بالكامل gm وجركن ايسى ديلكو تمنه 175 جنيه لوحده وفى الضمان لو كانت بره الضمان كانت حتتكلف فوق 1500 جنيه
رقم العضوية : 149683
تاريخ التسجيل : 06Oct2013
المشاركات : 218
النوع : ذكر
الاقامة : zagazig
السيارة: /mazda3/ELANTRA
السيارة[2]: ( previous (LANCER
الحالة :
ربنا يباركلك فيها
اللهم لا تتوفنا الا وانت راض عنا
رقم العضوية : 94704
تاريخ التسجيل : 14Apr2011
المشاركات : 12,403
النوع : ذكر
الاقامة : Haram - Giza
السيارة: OPEL VECTRA 2.0
السيارة[2]: Seat IBIZA 1999
دراجة بخارية: NO
الحالة :
الف مبروك العربية وربنا يباركلك فيها
وشكراً علي التقرير
تسلم ايدك
تحياتي
Eng. Mohamed Sayed | MS Networking TrainerIBIZA MK2 (Typ 6K) APQ 1.4 MPI R4 44KW - 60hp
صفحة القسم علي الفيس بوك
رقم العضوية : 290
تاريخ التسجيل : 27Apr2007
المشاركات : 694
النوع : ذكر
الاقامة : cairo
السيارة: fiat
السيارة[2]: polonez
دراجة بخارية: هوندا
الحالة :
متابعه ممتازه وعقبال المليون كيلو
المفضلات