حاجه اول مره اخد بالي منها في الجيتا

**Mohamedjetta** · 26-04-2014 02:43 PM

ازيكم يا اعضاء فولكس والمنتدي من ساعت لما جيت و كل شويه اسألكم وتاعبكم معايا
انا معايا جيتا 1600cc الشكل القديم المهم امبارح كانت علي حرف p بعدين دوست بنزين لقيت العربيه اخرها 4rpmً طبعا استغربت اوي رحت سبت رجلي من الدواسه ورجعت دوست تاني ع الاخر و برضو وصلت 4rpm هل ده عادي ولا لا
مع انها مع الوالد بقالها تلت سنين وانا اللي دايما اسوقها وبرضو محدش اخد باله من الموضوع ده

ياريت حد يطمني يا جماعه لان لو فيها حاجه انا اللي حدبس فيها :)

**Ahmed Saad** · 26-04-2014 03:36 PM

يعني وانت واقف بتدوس بنزين فاخرها 4rpm وبعدين تفصل يعني تفصيل الموتور لو كده اكشف عليها بجهاز أعطال لأن الموضوع ده شفته في عربيه فيكترا وكان حساس كرنك غيره ظبطت معاه لأن في الانجشيكشن حساس الكرنك هو المسئول عن عداد ال rpm بجانب إرسال وضع الكرنك للكنترول علشان توقيت الاشتعال وخلي بالك ده من أعطال حساس الكرنك غير أنه يبوظ فالموتور مايدورش والفيصل في الموضوع ده سكان على العربيه بجهاز الأعطال وان شاء الله خير

**Mohamedjetta** · 26-04-2014 03:46 PM

المشاركة الأصلية كتبت بواسطة hitmangate

يعني وانت واقف بتدوس بنزين فاخرها 4rpm وبعدين تفصل يعني تفصيل الموتور لو كده اكشف عليها بجهاز أعطال لأن الموضوع ده شفته في عربيه فيكترا وكان حساس كرنك غيره ظبطت معاه لأن في الانجشيكشن حساس الكرنك هو المسئول عن عداد ال rpm بجانب إرسال وضع الكرنك للكنترول علشان توقيت الاشتعال وخلي بالك ده من أعطال حساس الكرنك غير أنه يبوظ فالموتور مايدورش والفيصل في الموضوع ده سكان على العربيه بجهاز الأعطال وان شاء الله خير

لا الوتور مش بيفصل وييفضل واصل لاربعه ومش عايز يزيد وهتأكد لما يجي الوالد اخد العربيه اشوفها بجد زعلت اوي عرييه موديل 2011 ماشيه 100 الف يحصلها كده
طب حضرتك سبب بوظانه ايه ؟!
العربيه الضمان بتاعها خلص بس الجير لسه عليه ضمان

**mohamed hussei** · 26-04-2014 03:50 PM

طب متجرب احرق وانت ماشي بالعربية

**Mohamedjetta** · 26-04-2014 03:56 PM

المشاركة الأصلية كتبت بواسطة mohamed hussei

طب متجرب احرق وانت ماشي بالعربية

حرقت حضرتك بعد لما لقيت كده والعربيه مفيش اي حاجه عاديه جدا

**karim gamal** · 26-04-2014 04:00 PM

بص يا باشا انا معايا استرا كوزمو نفس الحوار بردو مبيعديش ال٤ rpm ده سوفت وير الموتور كده علشان يحافظ علييه ،، مفيهاش قلق الالمان بيحفظوا علي مواتيرهم

**Mohamedjetta** · 26-04-2014 04:00 PM

ملاحظه ارجاله نسيت اكتبها انا اسف
كنت بيها ف مشوار ولما رجعت شميت ريحه بترول جامد اوي بعدين قفلتها وطلعت بعد خمس دقايق ابص ع العربيه لقيت نفس الريحه كل ده من غير ما ادورها لما لقيت كده رحت جبت p و دوست بنزين ومن ساعتها لاحظت موضوع الاربي ام

**Mohamedjetta** · 26-04-2014 04:02 PM

المشاركة الأصلية كتبت بواسطة karim gamal

بص يا باشا انا معايا استرا كوزمو نفس الحوار بردو مبيعديش ال٤ rpm ده سوفت وير الموتور كده علشان يحافظ علييه ،، مفيهاش قلق الالمان بيحفظوا علي مواتيرهم

طب الحمدلله يا باشا متشكرين منك اوي الصراحه انتو اعضاء ميه الميه والواحد بيحتاجكم اوي ومتشكرين لكل رد

**Mohamedjetta** · 26-04-2014 04:03 PM

بالنسبه لريحه البنزين وهي راكنه ايه سببها؟ دي اول مره اشمها

**a7medsh3rawi** · 26-04-2014 04:36 PM

بسيطه خلى حد يزود بنزين للآخر من عند بوابة الهواء فى الموتور وانت بص على الار بى ام فى العداد
لو وصل لغاية ما الموتور يبدأ يقسم يبقى البدال بتاع البنزين عندك محتاج يترجلش
لو نفس الار بى ام على اربعه برضه يبقى شوف حساس الكرنك وحساس الهواء