كــــــروز 2015 مابين التحديث والتغيير الكامل اليكــم بالصـــور

**Hosam_Optrawy** · 27-04-2014 11:26 PM

للتوضيح ياجماعه الكروز الصينى مخصصه للسوق الصينى فقط وجنرال موتورز أكدت ان باقى الأسواق هايكون ليها إصدار مختلف , ممكن يبقى شبه الشكل دا اللى انه شايفه حلو مش وحش , لكن بالنسبه لنا هايبقى في الغالب تقفيل كورى كالمعتاد وبمواتير مختلفه , ولأمريكا تقفيل أمريكى

كروز الصين مواتيرها 1500 عادى مع فتيس 6 سرعات مانيوال او اوتو , و 1400 تربو مع فتيس جديد 7 سرعات DCG seven-speed dual-clutch transmission

مأعلنوش عن تفاصيل أكتر من كدا لان لسه العربيه مانزلتش للبيع في الصين

**hossam_elwani** · 30-04-2014 05:50 PM

وياترى يا استاذ حسام نوع الفتيس ده DCG seven له علاقه من الناحيه التصميميه ب dsg

**hossam_elwani** · 30-04-2014 05:51 PM

المشاركة الأصلية كتبت بواسطة yasser100

اه طبعا الفيس لفت اللى نزلت امريكا جميله , لكن الهبل اللى عاملينه فى موديل 2015 التانى ده هايدمر العربيه

فعلا حتدمر

**Rsarabia** · 30-04-2014 07:46 PM

يعنى كمان هتنزل بفتيس اشبه بال dsg ??
يبقى الكروز القديمة برقبتها و هتمسك سعر
و كدا خرجت برة المنافسة مع الالنترا و السيراتو :)

**Hosam_Optrawy** · 01-05-2014 01:04 AM

المشاركة الأصلية كتبت بواسطة hossam_elwani

وياترى يا استاذ حسام نوع الفتيس ده DCG seven له علاقه من الناحيه التصميميه ب dsg

ايوه هو فتيس اوتوماتيك 7 سرعات ب 2 دبرياج نفس فكرة ال DSG بتاع فولكس وال PowerShift بتاع فورد وغيرهم , ودا يعتبر أول فتيس Dual-Clutch من جنرال موتورز

بس الفتيس دا مستحيل نشوفه في مصر لأسباب كتير

أولا زى ماوضحت ان الكروز الصينى مخصصه للصين فقط

ثانيا حتى لو قرروا يصدروها لبعض الدول ومنها مصر مثلا فهى بتنزل بإختيارين من المواتير

الأول 1500 سى سى N/A مش تربو بقوة 115 حصان تقريبا مع فتيس مانيوال 6 سرعات أو الجيل التالت من الفتيس الأوتوماتيك ال 6 سرعات وإسمه S6 , دا اللى ممكن منصور في مصر ينزله بيها دا لو إفترضنا ذلك

أما الفتيس ال DCG فهو بينزل مع الموتور التانى 1400 سى سى تربو بقوة 150 حصان تقريبا وعزم 235 نيوتن ودا طبعا مستحيل نشوفه في مصر , مع إن الأرقام دى لو صح العربيه دى هاتزعل عربيات كتير اوى :)