فوكاس 2014 ولا كورولا 2014

**Mohamed.Hany** · 27-04-2014 11:39 PM

المشاركة الأصلية كتبت بواسطة a.adel

لأ طبعا

التجميع حاجة والتصنيع حاجة

يعني bmw و mercedes في منهم تجميع مصري
بس مفيش حاجة بتصنع هنا
القطع بتيجي من بره وهنا بتجمع بس

انما لو بتصنع كلها في مصر يبقى تفرق

فيه فرق بين التجميع والتصنيع

التجميع مش معناه كل المكونات بتيجي من البلد الام .
التجميع بيبقي في نسبة محلية من البلد اللي بتتجمع فيه ممكن توصل ل ٦٠٪ .
يعني او افترضنا الكورولا مثلا هتلاقي ٤٠٪ من المكونات تركي و الباقي ياباني و بيتقال التصنيع و التجميع و بلد المنشأ تركيا

**A.Adel** · 27-04-2014 11:54 PM

المشاركة الأصلية كتبت بواسطة Mohamed.Hany

التجميع مش معناه كل المكونات بتيجي من البلد الام .
التجميع بيبقي في نسبة محلية من البلد اللي بتتجمع فيه ممكن توصل ل ٦٠٪ .
يعني او افترضنا الكورولا مثلا هتلاقي ٤٠٪ من المكونات تركي و الباقي ياباني و بيتقال التصنيع و التجميع و بلد المنشأ تركيا

أنا معرفش الكورولا إيه نظامها الصراحة

بس كلامك ده معناه إن bmw و mercedes فيها مكونات مصري !!!!!!!!!
أنا الصراحة مظنش ده ممكن يحصل

**Mohamed.Hany** · 28-04-2014 01:17 AM

المشاركة الأصلية كتبت بواسطة ENG\AHMED

اولا بالنسبة لموضوع بلد المنشأ للفورد
فورد ليها فرعين فورد امريكا وده الام وخاص بالعربيات الكبيرة وفورد المانيا وده مخصص للعربيات الصغيرة الموجهة للسوق الاوروبى زى الفوكاس والمونديو
الفوكاس القديمة تصنيع المانى والتجميع اسبانى انما الجديدة تصنيع وتجميع المانى

بالنسبة لنقطة الـ esp فا استاندرد فى كل فئات الفوكاس

موضوع التسارع معرفش بصراحة بس اللى متأكد منه ان الفوكاس الجديدة مختلفة عن القديمة فى النقطة دى تحديدا لأن القديمة كانت تقيلة وبالذات الطلعة وده راجع لوزن العربية

نقطة الستابيليتى والهاندلينج فا من غير ماجرب الكورولا النتيجة لصالح الفوكاس وبتفوق

نقطة قطع الغيار ياريت الناس متاخدش على السمع وتنزل تسأل على قطع الغيار اسعارها ايه صحيح هى مش مرطرطة فى كل حتة زى الكورى واليابانى ومش هتلاقى استيراد كتير بس الاأصلى هتلاقيه سواء فى التوكيل او برة واسعاره احسن من حاجات كتير كورى ويابانى حتى فى التوكيل ... المشكلة بس ان الناس بتسمع اسم فورد بتقشعر وخلاص

بالنسبة لل esp فهو مش ستاندرد في الفوكاس ٢٠١٤ و بتنزل في الهاي لاين فقط.
حضرتك ممكن تتاكد من التوكيل و انا هصورك بروشور العربية بيقول ان في الهاي لاين فقط .
اللي ستاندرد هي الفيستا

**Mohamed.Hany** · 28-04-2014 03:46 AM

المشاركة الأصلية كتبت بواسطة ENG\AHMED

اولا بالنسبة لموضوع بلد المنشأ للفورد
فورد ليها فرعين فورد امريكا وده الام وخاص بالعربيات الكبيرة وفورد المانيا وده مخصص للعربيات الصغيرة الموجهة للسوق الاوروبى زى الفوكاس والمونديو
الفوكاس القديمة تصنيع المانى والتجميع اسبانى انما الجديدة تصنيع وتجميع المانى

بالنسبة لنقطة الـ esp فا استاندرد فى كل فئات الفوكاس

موضوع التسارع معرفش بصراحة بس اللى متأكد منه ان الفوكاس الجديدة مختلفة عن القديمة فى النقطة دى تحديدا لأن القديمة كانت تقيلة وبالذات الطلعة وده راجع لوزن العربية

نقطة الستابيليتى والهاندلينج فا من غير ماجرب الكورولا النتيجة لصالح الفوكاس وبتفوق

نقطة قطع الغيار ياريت الناس متاخدش على السمع وتنزل تسأل على قطع الغيار اسعارها ايه صحيح هى مش مرطرطة فى كل حتة زى الكورى واليابانى ومش هتلاقى استيراد كتير بس الاأصلى هتلاقيه سواء فى التوكيل او برة واسعاره احسن من حاجات كتير كورى ويابانى حتى فى التوكيل ... المشكلة بس ان الناس بتسمع اسم فورد بتقشعر وخلاص

انا مش قصدي اشكك في معلومات حضرتك و الله يا بشمهندس احمد , ولكن انا رحت التوكيل السنة دي في شهر 2 تحديدا و شوفت العربية و ادوني البروشور بتاع النسخة المصرية و صورته لحضرتك بيقول ان ال ESP في الهاي لاين فقط !!

انا برضو حابب حضرتك متاخدش علي السمع و تجرب الكورولا الجديدة في الثبات والهاندلينج ,شئ مختلف تماما عن ما سبق .

تحياتي لشخصك الكريم