ايه حكاية التصاريح و النمر المؤقتة

**Osama_soliman** · 28-10-2008 06:25 PM

النمر المؤقت فى وحدات المرور اللى مفيش فيها نمر جديد (حروف وارقام) يتم تركيب نمرة مؤقت (بجينة فى اليوم - وتجدد شهرياً ) فى حالة :
- السيارة جديدة وده اول ترخيص
- السيارة منقولة من محافظة اخرى

اما اذا كانت تابعة نفس المحافظة وعليها نمر قديمة تظل كما هى
(ده حصل معايا من شهرين)

**OlaOsman** · 28-10-2008 07:59 PM

يعني ايه تجدد شهريا؟ هو الواحد عنده وقت يضيعه كل شهر في المكان الممل ده اللي اسمه المرور؟ و لا همه بيعشقوا شكل الزحمة و الطوابير هناك؟ انا الحمد لله واخدة تصريح مؤقت لمدة 3 شهور بس هايخلصوا آخر شهر 11.. يا ترى هايجددوا لي 3 شهور كمان و لا شهر و لا ايه؟

الناس دي بتفنن في تعسير الأمور على الناس.. و اهي سبوبة ليهم برضه.

**kemo_edge** · 28-10-2008 08:02 PM

شكرا علي الإفاده يا شباب

**zalpany2000** · 28-10-2008 08:39 PM

الحمد لله
اخدت 3 شهور "مش سجن يا جماعة ... تجدييييد للرخص" بعد خناقة مع بتوع المرور، علشان كانوا عايزين يدوني شهر بس

**D . a .\ AYMAN** · 28-10-2008 09:29 PM

المشاركة الأصلية كتبت بواسطة IslamGen2

يا جماعة المشكلة لا فى المخالفة ولا فى الفلوس المشكلة فى الهبل والقرف والتلاكيك بتوع المرور وظباط المرور ، المنظومة كلها فاسدة بالكامل وعاوزة تتحرق بجاز وسخ لغاية دلوقتى مش عارف اجيب رخصى وموظف شباك الرخص المسحوبة يقوللى لسه ماجاتش ، امال هى فين؟ محدش عارف ، طب يا بنى آدم وصل الرخصة عدى عليه اسبوع وخلص جددهولى ، يقولى لا أصلهم لغوا جديد الوصلات ، طب أكلم مين؟ معرفش ، أمشى انا ازاى من غير رخصة والوصل مدته خلصت ؟؟ محدش عارف !!!! برود وتناكة وامخاخ زبالة مش بتفهم ، ربنا ينتقم منهم حاجة تقرف ...

امال انت ياباشا ماشي ازاي دلوقتي ده موظف متخلف عقليا انت المفروض كنت تدخل لوكيل النيابة جوة (تدخله بطاقتك أو كارنيهك) وتقول للعسكري اللى واقف عايز أدخل لوكيل النيابة وإفهم منه شخصيا وغالبا وكيل النيابة عايعملك التجديد وبيكونوا محترمين جدا وبيعملوا للواحد اللى هوة عايزه لو مافيهوش مخالفة صريحة

**sab3aawy** · 28-10-2008 09:46 PM

الحمد لله ..الحمد لله....الحمد لله
الحمد لله ..الحمد لله....الحمد لله
الحمد لله ..الحمد لله....الحمد لله
الحمد لله ..الحمد لله....الحمد لله
الحمد لله ..الحمد لله....الحمد لله
الحمد لله ..الحمد لله....الحمد لله
الحمد لله ..الحمد لله....الحمد لله
الحمد لله ..الحمد لله....الحمد لله
الحمد لله ..الحمد لله....الحمد لله
الحمد لله ..الحمد لله....الحمد لله
الحمد لله ..الحمد لله....الحمد لله
الحمد لله ..الحمد لله....الحمد لله

انا رحت المرور يوم الخميس الساعة 8:30 الصبح علشان ارخص الماروتى، خرجت 9:30 الصبح ومعايا الرخصة والنمر ام حروف وارقام، صحيح انى استعملت القاعدة الشهيرة:"الجنيه غلب الكارنيه"، بس لا انكر ان الدنيا كانت فعلا وردى وردى،

انا بدعى للكل ان ربنا يفك زنقتهم ويطرح النمر الجديدة فى كل المرارير(جمع مرور)

**Samir Elshahawy** · 31-10-2008 11:46 AM

انا علي فكرة ركبت النمر الجديدة من حوالي 10 ايام بعد معاناة استمرت 3 شهور كنت ماشي فيها بتصريح بس عايز اقولكم حاجة , اللي شوفته في موضوع التجديد ده قرفني من البلد و اللي فيها و خلاني كرهت نفسي و اليوم اللي طلعت فيه الرخصة