مساعدة من اهل السوزوكي

**lllkldlll** · 27-04-2014 08:27 AM

السلام عليكم جميعا

ارجو المساعدة
ماروتي ٢٠٠٦، رشة برة عدا سقف، يوجد جزء بالعتب عند باب السائق مردود علي البارد، دواخل فبريكة، حالة الفرش جيدة، عند تشغيل السيارة حدثت رجة وراحت بعد تزويد بنزين ( هل ده طبيعي)، الشكمان طلع نقط مياه سودة علي ايدي( هل معني كده ان الموتور معمر)، مطلوب ٢٥٠٠٠، ما رايكم؟

**karim kemo** · 27-04-2014 11:32 AM

ده الطبيعي بتاع الماروتي لحد اما تتعود عليها

الصبح وهي باردة مش بتدور من اول مرة و بتجيب الشفاط علي 2 عشان يكبس بنزين للماتور

مرة جبت الشفاط علي 3 نزل من الشكمان نقط بنزين عشان كبس بنزين كتير

او الرجة عادية انتا بس شوف الماتور حالته ايه ف السحب و انتا ماشي ع الطريق العربية مظبوطة ولا لا و شوف البوجيهات لو عليها زيت مش بنزين

لو معلهاش زيت تبقي المكنة حلوة و ف الاول هتحس بعضة ف الفتيس لحد اما تحفظ اماكن التغير بظبط و متجبش مارشيدل و العربية بتتحرك وقف العربية و هات الغيار عشان الفتيش ميعضش