بسم الله الرحمن الرحيم

النهاردة كنت في غبور ابو رواش بغير الكاسيت الزبالة بلاك فوليوم وركبت الكاسيت الجديد فيديو باص و المعاملة هناك من المهندس عبد الله بصراحة فوق الممتازة لاكن كبير المهندسين معاملتة زفت زفت زفت ولما دخلت بقول انا حاجز وبيقولو مفيش حجز باسمك فبشرح للمهندس ان حد كلمني وحجز معايا لاقيت دة داخل زي القطار في النص وبيقول انت بتزعق لية اتفضل مفيش دخول الي بيزعق مش هندخل عربيتة انا سمعت الكلمتين دول دمي اتحرق قلتلة طيب اقسم بالله اوقفلكم المركز كلة ومدخلش عربية المركز وبعدين مش انا الي حد يكلمني كدة وقمت قاعد علي الكرسي وحاطت رجل علي رجل ومطلع الرخصة وقلتلة اتفضل اعمل امر الشغل دور في الورق بتاعة لاقي الحجز بتاعي ودخلو العربية وانا خارج بصور المركز قام بيقلي بتصور اية وتعالي وهات الموبايل قلتلة لا قالي ممنوع تصور قلتلة خلاص بسيطة همسح الصور قالي لا هات الموبايل امسحها انا قلتلة اتفضل الموبايل قام واخدة وماشي بقلة رايح فين قالي رايح للمهندس اسامة باين مدير المركز قلتلة انت واخد موبايلي وماشي وفية حجات شخصية قالي مش هفتح حاجة قلتلة لا وقمت ماشي جمبة وواخد الموبايل ورايحين للمهندس اسامة وشرحتلة اني عاوز اعمل تقرير علي النت قالي لازم تعرفني الاول قلتلة انا بعتذر وحصل خير قالي خلاص مفيش مشاكل بس امسح الصور قلتلة اتفضل الموبايل قام ماسحها هوة و الموضوع انتهي بس مهندس **** و ****** يلا بلاش غلط المسامح كريم ودي صورة الكاسيت الجديد و الجيلي الهاتش باك لاقتها هناك قمت مصورها بالمرة
و للاسف العربية دخلت الساعة 12 وطلعت 3 رغم اني وانا بستلم قالولي خلصانة من ساعة ونص بس للاسف محدش بلغني الا الساعة 3
وصحيح عملت السوفت وير الجديد عشان التشيك انجين