إستفسارات دقيقه عن الفلوينس

**scientist9508** · 28-04-2014 02:43 AM

بسم الله الرحمن الرحيم

الإخوه الأفاضل ملاكى رينو فلوينس

بعد فترة من التردد و إستشاره أهل و الرأى و الخبره رجحت كفة الرينوفلوينس و كسبت المقارنه أمام السوبارو و الأسترا و على الرغم من ذلك أخبرنى بعض الأصدقاء بأخبار أحب أن أتأكد من صحتها من حضراتكم و أتمنى أن ترشدونى للصواب أيآ كان

1- قالوا لى إن الرينو سياره قصيره العمر فستبدأ معك رائعه فى السنوات الأولى ثم تنقلب عليك مصاريف باهظه و أعطال كثيره متكرره و مفاجئه و خساره كبيره فى إعادة البيع . . . . هل هذا صحيح أم لا مع العلم إننى سمعت هذا الكلام من إثنين أحدهما عنده ميجان و الثانى عنده لاجونا

2 - إن كانت هذه الأخبار خاطئه فمن فضلكم أرشدونى لأفضل مكان أشترى منه الفلوينس

3 - وما هو قراءة عداد الكيلو مترى فى حالة أن تكون السياره جديده و على الزيرو؟

4 - و ماهو اللون الأفضل للفلوينس؟

5 - و ماهى تكلفة ترخيص الفلوينس لمدة 3 سنوات؟

6 - و ما هو أفضل نوع وقود للفلوينس؟

7 - هل ينصح أهل الخبره فى الرينو فلوينس بأى شىء فور شراء السياره كتغيير الكاوتش مثلآ أو ما شابه ؟

8 - إن لك يكن هناك أى تغييرات مطلوبه . . . هل ينصح خبراء الفلوينس بتفريغ الإطارات من الهواء و إعادة ملئها بالنيتروجين؟

9 - و ما هو أفضل مركز صيانه و خدمه للرينو فى القاهره و خارجها ؟

10 - السؤال الآتى هو الأهم و الأخطر بالنسبه لى على الإطلاق . . . هل المحرك محتاج إلى تليين أم أنه تم تليين المحرك فى المصنع و قبل خروج السياره للبيع؟

11 - إن كان مطلوب تليين المحرك فما هى المسافه النوذجيه للتليين؟

آسف على الإطاله و لكنى أحتاج فعلآ كل هذا الكم من المعلومات

السلام عليكم و رحمة الله و بركاته

**Khaled Khattab** · 28-04-2014 05:18 AM

المشاركة الأصلية كتبت بواسطة scientist9508

بسم الله الرحمن الرحيم

الإخوه الأفاضل ملاكى رينو فلوينس

بعد فترة من التردد و إستشاره أهل و الرأى و الخبره رجحت كفة الرينوفلوينس و كسبت المقارنه أمام السوبارو و الأسترا و على الرغم من ذلك أخبرنى بعض الأصدقاء بأخبار أحب أن أتأكد من صحتها من حضراتكم و أتمنى أن ترشدونى للصواب أيآ كان

1- قالوا لى إن الرينو سياره قصيره العمر فستبدأ معك رائعه فى السنوات الأولى ثم تنقلب عليك مصاريف باهظه و أعطال كثيره متكرره و مفاجئه و خساره كبيره فى إعادة البيع . . . . هل هذا صحيح أم لا مع العلم إننى سمعت هذا الكلام من إثنين أحدهما عنده ميجان و الثانى عنده لاجونا
بص حضرتك دي افتكاسات الميكانكيين المصريين
الميغان لما نزلت كانت بتكنولوجيا عالية زيها زي الستروين والموديلات الأروبي فيها كهرباء كتير وحساسات كتير
ومش أي حد يفهلها ده حتى في التوكيل كانوا بلح ساعتها
وكان الأسطى بلية الميكانيكي لما يغلب حماره يقولك العربية كده وأعطالها كتير
بس دلوقتي بقى فيه ميكانيكيين كتخصصين والتوكيل بقى أفضل لرينو
أما في نقطة إعادة البيع فالياباني والكوري هما أكتر حاجة ماسكين سعر وعندك برضه المرسيدس والبي إم

2 - إن كانت هذه الأخبار خاطئه فمن فضلكم أرشدونى لأفضل مكان أشترى منه الفلوينس

تقريبًا التوكيل حجز 3 شهور وفيه تسليم فوري في المعارض
انزل خدلك لفة

3 - وما هو قراءة عداد الكيلو مترى فى حالة أن تكون السياره جديده و على الزيرو؟
لو من التوكيل بيكون قليل جدًا ويمكن ما يعديش العشرة
لو من معرض ممكن يوصل ل15 كيلو وبعض المعارض بتوصل أكتر من 50 لأنه بيكون جايب العربية من الميناء سواقة

4 - و ماهو اللون الأفضل للفلوينس؟
أذواق لكني أفضل عليها الألوان الغامقة أو الفضي

5 - و ماهى تكلفة ترخيص الفلوينس لمدة 3 سنوات؟
الملاك إن شاء الله يجاوبوك عليها

6 - و ما هو أفضل نوع وقود للفلوينس؟
طبعًا 95 لكن شغالة ب92 زي الفل مفيش مشاكل

7 - هل ينصح أهل الخبره فى الرينو فلوينس بأى شىء فور شراء السياره كتغيير الكاوتش مثلآ أو ما شابه ؟

ولا الهواء كل حاجة زي ما الكتاب بيقول

8 - إن لك يكن هناك أى تغييرات مطلوبه . . . هل ينصح خبراء الفلوينس بتفريغ الإطارات من الهواء و إعادة ملئها بالنيتروجين؟

هو نيتروجين أفضل لكن أصلًا الهواء الجوي تقريبًا 75 بالمئة نيتروجين فالفرق مش كبير

9 - و ما هو أفضل مركز صيانه و خدمه للرينو فى القاهره و خارجها ؟
الملاك يجاوبوا حضرتك عليها

10 - السؤال الآتى هو الأهم و الأخطر بالنسبه لى على الإطلاق . . . هل المحرك محتاج إلى تليين أم أنه تم تليين المحرك فى المصنع و قبل خروج السياره للبيع؟

لا حضرتك هتلين وبرضه من باب زيادة الاحتياط

11 - إن كان مطلوب تليين المحرك فما هى المسافه النوذجيه للتليين؟

ألف كيكو إن شاء الله والعربية هتديلك أفضل أداء بعد 3000 كيكو

آسف على الإطاله و لكنى أحتاج فعلآ كل هذا الكم من المعلومات

ربنا يباركلك فيها مقدمًا ويبعدك عنك العين

السلام عليكم و رحمة الله و بركاته

**yasser100** · 28-04-2014 09:38 AM

1- الكلام ده قديم , زى ما الاخ الفاضل قبلى قال لك , كان الكلام ده على الميجان لانها كانت نازله فى 2004 و بتكنولوجيا عاليه جدا سابقه فيه كل فئاتها تقريبا ب 6 او 7 سنين و ما كانش حد فاهم فيها حاجه حتى التوكيل و كلها كان تعامل مع حساسات و سوفت وير , الفلوينس من 2010 ما فيش اى مشاكل و لا الهوا و التوكيل قوى جدا فيها و يكفى انه عامل خدمة اعطال 24 ساعه فى ال 7 ايام فى اى وقت حصل لك عطل هايجولك لغاية عندك .
2- سعر اعادة البيع اختلف تماما و ادخل كونتاكت كار و شوف المستعمل منها عامل ازاى فى السعر موديلات 2010,2011,2012 ,2013 الشكل القديم , الجديد ما فيش منه معروض اصلا الا قليل كسر زيرو و سعره عالى و صاحبك اللى عنده لاجونا شىء طبيعى لانها قليله جدا و كانت غاليه جدا
3-قراءة العداد لو من معرض تقريبا 15 كم و العداد بتاعها ما بيتلعبش فيه , يعنى اللى هاتشوفه هيه دى القرايه الحقيقيه .
4- الوان الفلوينس كلها حلوه ما عدا الاحمر من وجهة نظرى , احلاهم الفضى و الاوف وايت و الاسود و الموكا .
5- مش بتحتاج تغير حاجه فيها نهائى , الكاوتش اللى نازل فيها بريدجستون تورينزا , جميل
6- اى عربيه حتى لو متلينه من المصنع لازم تلينها برضه للاحتياط , ما تشغلش التكييف لغاية 1500 كم .
7- بالنسبه لاعطال الرينو الوضع مختلف فى الفلوينس لانها نازله بموتور نيسان يابانى و فتيس اوتوماتيك برضه نيسان و تكييف نيسان , يعنى هاتاخد اعتمادية اليابانى باعطاله القليله و راحة و فخامة و الامان الاوروبى
ما تقلقش اتكل على الله و هاتنبسط :)

**ahmzd** · 28-04-2014 09:40 AM

جزاك الله خيرا أستاذ خالد خطاب وأستاذ ياسر

**scientist9508** · 28-04-2014 11:52 AM

بسم الله الرحمن الرحيم

الإخوه الأفاضل خبراء رينو فلوينس

لكم جزيل الشكر و العرفان على عونكم و نصائحكم. أحتاج إلى إجابات للأسئله الآتيه من فضلكم

1 - ما هى تكلفة ترخيص رينو فلوينس لمدة 3 سنين؟

2 - ما هى أفضل مراكز الخدمه و الصيانه داخل القاهره و خارجها؟

و أشكركم جميعآ

السلام عليكم و رحمة الله و بركاته

**ramymechanics** · 28-04-2014 11:14 PM

تكلفة الترخيص مش متذكرها بدقة لكنها أقل من الف جنيه (تقريبا 700 او 800)
بالنسبة للصيانة انا بعمل صياناتى الدورية فى مركز فرينش موتورز المعتمد فى الرحاب عشان بستلم العربية بعد ساعة ونصف لكن لو بتتكلم فى تصليح انا شايف مركز رينو فى العبور احسنهم على اﻹطلاق بشهادة الناس هنا

فى مالك هنا عربيته مكنتش زواياها مظبوطة نتيجة عيب تصنيع رجع العربية وخد فلوسه وفى واحد عنده مشكلة نقص زيت بيغيروا له الموتور كله حاليا ومديينه عربية فلوانس لحد ما يخلصوا التصليح مش هقولك اكتر من كدة

انا عن نفسى ملينتش العربية بس الكتاب بتاعها بيقول متزودش عن 3000 rpm اول الف كيلو وبالنسبة للتكييف شغله من اول يوم ﻷن حمل التكييف على الموتور كأنك مقعد واحد زيادة غيرك فالعؤبية فقط