الموضوع: وبعدين قيكوا يا صنايعيه؟؟؟!!!

المشاركة الأصلية كتبت بواسطة mahmoud mohamd

ربنا يباركلك فى رزقك واولادك

ربنا يسترها معاك و مع حبايبك كلهم يا استاذ محمود

الله ينور يا حازم باشا

مقصر والله يا عم محسن بس معلش ...حقكم عليا\

نسيت احكى لكم على اللى حصل مع الزبون ده :
زى مانتوا عارفين كان جاى فى اربع كاوتشات طعميه للمساعدين اللى ورا وابص له على الحوض فلقيت الدنيا زى الفل ازاى اقلكوا ازاى: الباشا كان شاريها من واحد من الدقى ودافع في العربيه8.5 الف جنيه ( يعنى قارص على الزبون ) رغم انه مقالش السعر ليه بس انا عرفت من بعيد عنه
العربيه نتغير لها مكنه ومركب ماتور بفتيس 9 بس الدنيا مش ظابطه مع بعضها ( ولدلوقت مش عارف ايه السبب) الله اعلم بقى قواعد ال 9 غير الداتشا ولا ايه المهم ان القاعده الخلفيه اللى ماسكه القتيس كاسره القنطره والماتور كان محمل على الكوبلن وعلى قاعده الماتور فقط و متجمع القاعده الاماميه للفتيس مع القنطره مباشر ( حديد على حديد زى ما قولت سلفاً) المهم سهرت ليلتين بكاملهم اظبط النسب واعدل الماتور لانه كان مايل فى اتجاه الخلف من اتجاه يمين العربيه ورينا وفقنى بس استغنيت عن القاعده بتاعة الفتيس من الامام لا لسبب الا انى حسيت ان قاعدة الماتور محتاجه تطول عن القاعده بتاعة الداتشا المتركبه على ماتور ال 9 حتى يستقيم الماتور فى حوضه.
واجريت بعض الظبط للتاكيهات وظبطت الكهرباء وخليته يروح يلحم الشكمان وعصاية الفتيس لان الداتشا فيها مفصلتين فى الدراع بتاع الفتيس وده غير ال9 قكان الغيار بيهرب لما تاخد الغيار التانى ( والغريب ان الباشا بيخلف انه جاى بالعربيه مظبوطه فى كل غيارتها فقلت له انا اكيد بقى اللى بوظت الغيارات بعد ما كانت مظبوطه ) وياريته قالى الله ينور على صوت العربيه بعد الظبط لا !!! راجع يقول الراجل لحم المفصله وخد 20 جنيه !!!!
المهم انى لاقيت المساعد الامامى اليمين بايظ وفاضى من الزيت فبعته الوكاله جاب واحد ب 80 جنيه وغيرته له بالزرجينه وجربته بعد التركيب و طلوع العين العربيه بقت عروسه صوت وصوره المهم قالى بكام قولت له اللى تدفعه فدخلى فى حوار كده مالوش لزمه قولت له مش عايز منك حاجه وانا شغالها بمزاجى مش لحاجه .....بس انا مبسوط بجد لانى صحيت العربيه وفوقت الاداء بتعها وبعد ما كان بيشتم وبيلعن على الشوره السوده بتاعتها قريت فى عينه الفرحه بيها

والله انت برنس ياعم حازم واجمل حاجه في الموضوع انك بتعمل الشغل بمزاج ،، الله ينور كمان مره

طبعا موضوع رائع وجميل من مهندس الداتشيا نوفا والاخر الاكبر حازم بك عواض

طبعا عايز احجز عندك واجيلك تلقى نظرة على العربية بتاعتى وبرضة تقول كلمتك عنها وايه الى ممكن نعمله فيها

بس انا مستنى اشوف اجازاتى واشوف يوم تتوافق فيه الاجازات مع بعض لان اجازاتي بتتغير كل اسبوع فياريت تقولى ممكن تكون اجازاتك امتى وهتلاقينى بكلمك واجيلك ان شاء الله

تنورونى يا bnoqo انت و mohsen128 وكل الاخوه الاقاضل وصدقونى حبى للعربيه دى استقر فى قلبى بكل قرفها وحلاوتها وعلى قناعه انها اصيله وحمالة اسيه ومابتزعلنيش وواقفه جنبى فى مصالحى ومابتقلش معايا الا وانا جنب بيتى .
وعلى العموم اجازتى الجمعه والسبت وتشرفونى كلكم حبايبى يا بتوع الداتشا نوفا حبيبتى
بالمناسبه يا bnoqo انا اتعرفت على صاحبك Asr Art من على موقع النوفا كلوب الرومانى واضقته عندى على الفيس بوك وبصراحه معاه عربيه قوره ابن الايه لونها ابيص زى السحاب ومركب لها ماكينه رينو 1400 تحفه وده عنوان صفحته على الفيس بوك
https://www.facebook.com/MariusBike