الموضوع: ضمان اجزاء السيارة 301 ... ؟؟؟

المشاركة الأصلية كتبت بواسطة abohend

يظهر الناس ترجمت الموضوع بشكل مختلف عن المتوقع
أنا يا سيدي الفاضل مهندس بترول
و لا عمري إشتغلت فتوكيل سيارات و لا كان بيني و بينهم تجارة
حتى صيانة ال2500 لسه مش عملتها...يعني محصلش بيني و بينهم أي تاتش
أنا من ملاك السيارة و بشكر في أداءها و مازلت بقول إنها أفضل سيارة في فئتها
لكن من واقع تجربتي مع السيارة السابقة 206 توكيل بيجو غالي و بيريح دماغه
و كنت بعمل الصيانات بره للسبب ده و اﻹصلاحات بقوم بيها فالتوكيل
بعد إنتشار 301 كنت عايز أغير أسلوبي و أعتمد على الوكيل بعد شراكة شركة القاهرة مع أباظة
لكن الواضح من تقارير جميع الزملاء عن الصيانات إن آداء الوكيل مازال ضعيف و لا يتماشى مع طفرة المبيعات بسبب 301 و 2008
موضوع الشكوى أنا عملته لعل و عسى الحال يتغير و نقدر نضغط على الوكيل
و كملاك نحصل على خدمة أحسن

أنا هفترض سلامة النية
أنا مش عارف حضرتك

لكن أنا برفض أي إتهام و بعتبره إهانة تستوجب اﻹعتذار
الموضوع هيظل مفتوح بإذن الله...و الحمد لله أنا عملته لوجه الله أولا زي التقرير بالضبط
و ثانيا لخدمة جميع الملاك
و هقفله لو الملاك إعتبروا الموضوع تشويه غير مبرر أو تجني على التوكيل (أقصد اﻷعضاء المعروفين من الملاك)
أي عضو الخيارات أمامه مفتوحة أنا مخدتش من حد توكيل للتصرف باسمه
حتى البيانات رفضت عرضها حتى لا تستغل إستغلال سئ

كمالك للسيارة مازلت شايف آداء التوكيل ضعيف و فيه نوع من اﻹستغلال و عشان كده هعمل الصيانات بره
و لو التوكيل ظلمني في أي تصرف
هعمل شكاوى ﻷعلى مستوى و هنشر الفواتير و التجربة للناس
و لو رحت الصيانة و أرتحت..برضه هقول برافو و هنشر الموضوع للناس

للعلم بالنسبة لي حتى اﻵن لا توجد شكوى من السيارة من حيث اﻵداء أو التقفيل أو غيره
و على العكس التوكيل كان حريص في مرحلة المبيعات على تسليمي في أقرب فرصة و أنا قلت الكلام ده قبل كده
و إضافة لكده عمل معايا واجب تاني بس مقدرش أقوله بناءا على طلبهم

تحياتي

المهندس ابو هند
اهلا بحضرتك مبدئيا وباعتذر عن التاخر فى الرد لانى لسه شايف رد حضرتك حالا لما وصلنى على الميل انا سالت على تاريخ بيجو لانى مكنتش عميل ليهم ودى اول مرة وكنت متردد جدا عشان اللى الواحد بيسمعه من اسعار بس الحمد لله توكلت على الله وخدت القرار وندمت شوية لان كان فى سوء تفاهم لكن الموضوع عدى فانا مقدر جدااا لكل اللى حضرتك بتقوله وبرضه لو حضرتك قرات المشاركة كلها هتعرف انى شكرت جدا فى متابعة حضرتك لحقك وطرقك فى الحصول عليها ومساعدتك للاعضاء هنا ومجهود من حضرتك واستاذ اشرف لا ينكره احد.
بالنسبة لنقطة الاتهام ارجو انك تحط نفسك مكانى لما الاقى حد بيحاول يساعد الاعضاء هنا ومعاه العربية وعدى عليه نقاط بسيطة لكنها محورية فى رد على احد الاعضاء لازم اقلق لانى عرفت ان فى حملات الكترونية مضادة للعربية لانى شايف انها اثرت على مبيعات شركات تانية وفى نفس الوقت فى حملات من الشركة نفسها فانا قلقت خليك مكانى بقى واحكم فمفيش سوء نية بقدر ما هو حذر لان اللى اهم من العربية راحتى فيها ولا لا ودى كانت من عوامل اختيارى لها.
ارجو ان متكونش لحضرتك اى شكوى من السيارة نهائيا وربنا يديك خيرها ويكفيك شرها.
ويمكن فى حاجة بسيطة حضرتك انت مش هتمر بيها لكن انا مريت بيها انا رحت بعربيتى التوكيل اربع مرات وباتت كتير قبل ال7000 كم فلك ان تتخيل ان عربية هاى لاين لسه جديدة والاقى فيها مشاكل لكن لما استخدمت حقوقى بطريقة ايجابية كل حاجة مشيت تمام (ودى ان شاء الله هاستعرضها فى موضوع قريب )وانا باقول لحضرتك لو تسمحلى تكلم الخط الساخن وتعمل شكوى ومع مسئول خدمة العملاء فى المركز تعمل شكوى ولو محدش رد كلم حماية المستهلك وابعت لفرنسا ده حقك واللى يمنعك عنه تعمل فيه اللى انت عايزه.
وانا مستنى تقرير حضرتك لما توصل ل 10.000 كم