لو غيرت لون العربيه لنفس اللون بس ميتاليك لازم اروح المرور؟؟؟

**SHNORY** · 08-10-2008 07:41 PM

السلام عليكم ورحمه الله وبركاته
انا باذن الله نويت ادخل العربيه عمره كامله في مركز صيانه
فالراجل قالي انا حعملك لونها احمر ميتاليك وهي لونها مثبوت في الرخصه احمر
وبما ان العربيه مش راشه دواخل فحنرش بره بس
يا تري لازم اروح اثبت اللون علي الرخصه ولا كله احمر والسلام وهل دا ياثر علي بيع العربيه بعد كده علشان من بره ميتاليك ومن جوه عادي؟؟؟؟
ولو حثبته ايه الاجرائات اللي حتتعمل الموضوع ساهل ولا اخليها احمر زي ماهي واريح دماغي

**MoToRiZeR** · 08-10-2008 09:00 PM

يا باشا في المرور حافظين مش فاهمين و غالباَ ميعرفوش الفرق أصلاَ
مفيهاش أي حاجة .. طالما مكتوب أحمر يبقي أي أحمر ماشي

**KoDaK_Gti** · 08-10-2008 11:31 PM

المشاركة الأصلية كتبت بواسطة Nour_Peugeot

عادي مش فرقة كله احمر و السلام بس لو انت بتفكر في اعادة البيع خليها احمر عادي احسن
علشان متعبش العربية و تقلل من سعرها

ياراجل عمر الميتاليك ما بيقلل من سعر العربية
اتوكل على الله ورشها وفى المرور مفيش حاجة اسمها ميتاليك وعادى هو اهم حاجة اللون وخلاص

**SHNORY** · 09-10-2008 12:42 AM

الف شكر لردودكم الجميله واهتمامكم بالموضوع انا باذن الله حعملها ميتاليك وححاول اصورلكم العربيه قبل وبعد الشغل اللي فيها مع اني دلوقتي بدخل في اي حد مش بيهمني الخرابيش انما بعد كده حعيط لو حد مسك مسمار وجه جنبها
ولو حد خربشها حروح اعمل عمره واحط ايدي علي الكعبه وادعي عليه وعلي اهله كلهم وعلي اللي اداله المسمار

**chihab18** · 09-10-2008 03:11 PM

مش شرط مالم يكن مثبت علي الرخصة نوع اللون عادي ام ميتاليك وده غالبا لايتبث الا اللون بس

**MMamdouh** · 09-10-2008 03:27 PM

معتقدش ان الميتالك بيبقى من بيانات اللون... و معتقدش ان بتاع المرور بيدقق على كل عربية يشوفها ميتالك ولا لا

يعنى لو واحد عربيتة ميتالك و مش مكتوب فى الرخصة ووقف فى لجنة حيدولة مخالفة "تركيب ميتالك"؟؟ معتقدش تفرق خالص يا جماعة

و للعلم فيه عربيات مبتبانش خالص انها ميتالك اساسا... انا واحد صاحبى قاللى ان عربيتى ميتالك (هى اصلا سودة) و قولتلة لا ازاى؟... قاللى لما تغسل العربية فى المحطة بص على حتة تكون بتلمع فى الشمس حتلاقى اللون الاسود بقى ذهبى ميتالك و فعلا لقيت كلامة صح... و انا رخصة عربيتى مكتوب فيها اللون اسود فقط... و معتقدش اجدع واحد بتاع فحص يعرف قصة انها ميتالك دى خالص

MMamdouh

**Karim_Monir** · 09-10-2008 03:51 PM

خالص يا شنوري اديها ميتالك وبعد كدة عيط جنبها لو بتوع المشروع غلسو عليك
مش هايخافو منك بعد كدة
نصيحة
قول لبتاع البوية يديهالك ميتالك محبب
بيدي لمعة بشعة وحلوة
بس الله يكرمك بلاش الاحمر المارلبورو
اديه احمر غامق سنة مع التحبيب البرونزي ده ابقي ادعيلي وانت بتعمل عمرة تدعي على اللي يخربشهالك
نيهههههههههههههه

**SHNORY** · 09-10-2008 05:59 PM

المشاركة الأصلية كتبت بواسطة karim_monir

خالص يا شنوري اديها ميتالك وبعد كدة عيط جنبها لو بتوع المشروع غلسو عليك
مش هايخافو منك بعد كدة
نصيحة
قول لبتاع البوية يديهالك ميتالك محبب
بيدي لمعة بشعة وحلوة
بس الله يكرمك بلاش الاحمر المارلبورو
اديه احمر غامق سنة مع التحبيب البرونزي ده ابقي ادعيلي وانت بتعمل عمرة تدعي على اللي يخربشهالك
نيهههههههههههههه

الف شكر لكل اللي اهتموا بالموضوع وردوا عليا
وطبعا انا حسمع كلامكم في اللون والحاجات دي
كيمو حبيبي شرفت موضوعي وانا علي فكره حنجد الاكصدامات واحطلها مخدات من قدام علشان لما تركن قدامي والعربيه تريح علي اكصدامك وتبوسه زي ما حصل قبل كده متخربشهوش ههههههههههههههههههههه
وعلي فكره دا حب من عربيتي لعربيتك مش عيب فرامل او اني نسيت اشد الهاند بريك علشان متفهمنيش غلط ولا حاجه
ولو فيه اي افتراحات لحاجه اعملها في العربيه بس متكونش مكلفه اوي يا ريت تقولوهالي
انا حغير بابين ورا واكصدامين ورفارف وكلهم حييجوا استعمال خارج ونفس لون العربيه وحعمل سمكره ودوكوا وسروجي وكهربا
وعلي فكره يا كيموا خبطات العربيه كلها بتوع المشاريع ملهمش علاقه بيها
كلها جايه من عربيات نقل هههههههههههههههه

-

-

الموضوع: لو غيرت لون العربيه لنفس اللون بس ميتاليك لازم اروح المرور؟؟؟

LinkBack

أدوات الموضوع

عرض

لو غيرت لون العربيه لنفس اللون بس ميتاليك لازم اروح المرور؟؟؟ - انشر الموضوع فى :

-

-

-

-

-

-

المواضيع المتشابهه

لازم اروح الارجا

رخصة العربية سنتين وهنقلها بأسمي لنفس المرور

سيارة لانسر فضى ميتاليك مكتوب ذهبى ميتاليك فى الرخصة

العربيه بتعوم منى بعد ما غيرت عفشه العربيه كلها fiat 128

أرش العربيه دهان عادي ولا ميتاليك

الكلمات الدلالية لهذا الموضوع

المفضلات

المفضلات

ضوابط المشاركة