الموضوع: أزاى أعرف ان العربيه بتحدف ؟

تحدف وانت ماسك الدركسيون ده لو الزوايا في الضياع خالص ، وساعتها طول مانت ماشى تقعد تجيب الدركسيون يمين وشمال عشان تفضل ماشى مستقيم وطبعا العربية في الحالة دى ما ينفعش تمشى اصلا كتير لان سواقتها في الحالة دى خطر جدا

اما الحدفة الاعتيادية واللى بتحصل لاغلب العربيات لما تبقى الزوايا مش مظبوطة برضه بس بدرجة معقولة ، انك تسيب الدركسيون والعربية تروح يمين او شمال ، مهما كانت تضاريس الطريق دايما تحدف في نفس الاتجاه

بيكون السبب الزوايا او لوحة في الكاوتش او عوجة في الجنط او حاجة تانية في العفشة وخاصة باراات الدركسيون

اما لو العربية مظبوطة للو الطريق مستوى تماما والعربية ماشية بسرعة معقولة او حتى في تعريجات بسيطة بس العربية ماشية بسرعة المفروض ما تروحش يمين ولا شمال لما تسيب الدركسيون وتبقى الطارة ثابتة في النص بالظبط

المشاركة الأصلية كتبت بواسطة amrelsaqqa

تحدف وانت ماسك الدركسيون ده لو الزوايا في الضياع خالص ، وساعتها طول مانت ماشى تقعد تجيب الدركسيون يمين وشمال عشان تفضل ماشى مستقيم وطبعا العربية في الحالة دى ما ينفعش تمشى اصلا كتير لان سواقتها في الحالة دى خطر جدا

اما الحدفة الاعتيادية واللى بتحصل لاغلب العربيات لما تبقى الزوايا مش مظبوطة برضه بس بدرجة معقولة ، انك تسيب الدركسيون والعربية تروح يمين او شمال ، مهما كانت تضاريس الطريق دايما تحدف في نفس الاتجاه

بيكون السبب الزوايا او لوحة في الكاوتش او عوجة في الجنط او حاجة تانية في العفشة وخاصة باراات الدركسيون

اما لو العربية مظبوطة للو الطريق مستوى تماما والعربية ماشية بسرعة معقولة او حتى في تعريجات بسيطة بس العربية ماشية بسرعة المفروض ما تروحش يمين ولا شمال لما تسيب الدركسيون وتبقى الطارة ثابتة في النص بالظبط

تمام كده
شكرا يا باشا عالرد والاهتمام

انا برضه عربيتي بتحدف لو سبت الدريكسيون على طريق مستوي وعلى سرعة عالية غير ان الدركسيون بيرعش على 120 فبالتالي ظبط الزوايا والترصيص وجب

بس عاوزة اسأل .. لو حبيت ارصص واظبط زوايا افضل مكان فين ؟؟ بنزينة موبيل الي عند شارع العريش في الهرم انا بتعامل معاها كتير فهل الظبط والترصيص عندهم كويس ؟؟

المشاركة الأصلية كتبت بواسطة احمد المصرى

بترعش على 120 تاكد من ان الكاوتش عندك كويس

لسة مغيرة طقم الكاوتش كله من 3000 كيلو تويو ياباني بعتت اجيبه من برة وبظبطه كل يومين في البنزينة