النور ضعيف

**hic** · 08-10-2008 08:57 PM

انا النهارده غيرت لمبات الفوانيس بلمبات 200/260 و برضه لسه حاسس ان النور لسه ضعيف مع العلم انى مركب كتاوت يا ترى فى طريقه اخلى النور اقوى و كمان لمبة الكشاف اللى بتنور مع نور التابلوه مقاسها 5 وات هل فى لمبات اكبر من كده علشان النور الصغير حاسس انه ضعيف جدا و الف شكر

**ahmedsrs** · 08-10-2008 09:02 PM

اضبط الرجلاش بتاع الفوانيس عشان يمنع تشتيت الضوء و اغسل الفوانيس لو فيها تراب او وساخة لو نور التبلوه ضعيف غير لمض التابلوه بلمظ ذى الأصلى افضل

**hic** · 08-10-2008 09:15 PM

لا انا مشقصدى نور التابلوه انا قصدى لمبة النور الصغير اللى فى الكشاف ضعيفه جدا
و شكر

**AHMEDCAR** · 08-10-2008 09:24 PM

ماهيه لازم تكون ضعيفه دى و ظيفتها ان اللى جاى قدامك يعرف ان فى عربيه قدامه فى الاتجاه المعاكس من غير ما تروشه

**dr_abooody** · 08-10-2008 10:15 PM

المشاركة الأصلية كتبت بواسطة hic

انا النهارده غيرت لمبات الفوانيس بلمبات 200/260 و برضه لسه حاسس ان النور لسه ضعيف مع العلم انى مركب كتاوت يا ترى فى طريقه اخلى النور اقوى و كمان لمبة الكشاف اللى بتنور مع نور التابلوه مقاسها 5 وات هل فى لمبات اكبر من كده علشان النور الصغير حاسس انه ضعيف جدا و الف شكر

بخصوص اللمض ال 200 /260 انا كنت جايب لمض الماني من اللي بينوروا ابيض و بردة النور وحش اوي زي ماهو

في لمض بتبقى 360 وات واحد قريبنا جايبها عشان بيمشي على طرق سفر كتير عاملة شغل حلو معاه

بس اهم حاجة في الموضوع الرجراش بتاع الفوانيس عشان النور ما يضربش في الارض و يفرش حلو على الطريق

اما بخصوص نور التابلوه الضعيف
هات لمض جديدة بس نفس الوات عشان لو زادت ممكن تسيح العدادات
بس اسأل بردة الكهربائي
و بعدين اللمض دة بعد فترة قصيرة بترجع تسود تاني و بتبقى ضعيفة
الحل بقى انك تزود عدد اللمض عشان لما يسودوا ميرجعش نور التابلوه ضعيف زي ما هو

اهم حاجة تروح لكهربائي نضيف عشان يلحم اللمض الجديدة كويس و ما يبوظش حاجة

و يبقى طمنا عملت ايه

**Samir Elshahawy** · 08-10-2008 11:40 PM

انا برضه غيرت النور بلمبات فروسر الماني 200/260 بس الكهربائي رجلشهالي لفوق و ركزهم الاتنين بحيث يضربوا مع بعض في نقطة واحدة للامام

انا بسافر كتير في طرق ظلمة و بيقلبني عربيات نقل و بتكون ضاربة النور العالي أول مابديها العالي بتاعي بتحترم نفسها و تتلم و تطفي نورها العالي و بكون بصراحة كاشف الطريق كويس لمسافة كبيرة , بصراحة انقذتني اكتر من مرة من مفاجأت علي الطريق بالليل

عموما لو عايز ممكن اوصفلك الكهربائي بتاعي تروحله يظبطلك النور هو بصراحة شاطر و شغله نظيف

**tamera** · 09-10-2008 11:06 AM

أنا عندي نفس المشكلة راكب كتاوت ولمض 260/200 ومش حاسس النور قوي
الكهربائي قالي الأسلاك اللي موجودة ضعيفة اوي ولازم نغيرها بأسلاك 3مم
اعتقد كلامه سليم .. بس لسه معملتش الموضوع دا

**casper2010** · 09-10-2008 11:16 AM

المشاركة الأصلية كتبت بواسطة SE_coralsea

انا برضه غيرت النور بلمبات فروسر الماني 200/260 بس الكهربائي رجلشهالي لفوق و ركزهم الاتنين بحيث يضربوا مع بعض في نقطة واحدة للامام

انا بسافر كتير في طرق ظلمة و بيقلبني عربيات نقل و بتكون ضاربة النور العالي أول مابديها العالي بتاعي بتحترم نفسها و تتلم و تطفي نورها العالي و بكون بصراحة كاشف الطريق كويس لمسافة كبيرة , بصراحة انقذتني اكتر من مرة من مفاجأت علي الطريق بالليل

عموما لو عايز ممكن اوصفلك الكهربائي بتاعي تروحله يظبطلك النور هو بصراحة شاطر و شغله نظيف

يا ريت توصفه

**casper2010** · 09-10-2008 11:17 AM

المشاركة الأصلية كتبت بواسطة SE_coralsea

انا برضه غيرت النور بلمبات فروسر الماني 200/260 بس الكهربائي رجلشهالي لفوق و ركزهم الاتنين بحيث يضربوا مع بعض في نقطة واحدة للامام

انا بسافر كتير في طرق ظلمة و بيقلبني عربيات نقل و بتكون ضاربة النور العالي أول مابديها العالي بتاعي بتحترم نفسها و تتلم و تطفي نورها العالي و بكون بصراحة كاشف الطريق كويس لمسافة كبيرة , بصراحة انقذتني اكتر من مرة من مفاجأت علي الطريق بالليل

عموما لو عايز ممكن اوصفلك الكهربائي بتاعي تروحله يظبطلك النور هو بصراحة شاطر و شغله نظيف

يا ريت توصفه

**Samir Elshahawy** · 11-10-2008 01:24 PM

اسف علي تأخري في الرد لاني كنت مسافر و لسه راجع من الاسكندرية عموما خد العنوان لو هاينفع تيجي القاهرة :
القاهرة - وسط البلد - شارع الجمهورية - مخبز وسيلي - أسأل عن مختار الكهربائي

ده رقم تليفوني : 0118057400 ممكن تكلمني و اوصفلك بالظبط