مشكلة الطقطقة في تكييف شارب، حد عنده حل؟

السلام عليكم، كنت اشتريت تكييفين شارب من اقن من شهر و بعد كام مرة من الاستخدام لاحظت صوت طقطقة جامدة فى البلاستيك، لدرجة انى مبعرفش انام بالليل من الصوت عشان التكييف فوق راسى، فكلمت الموزع اللى باعهولى و باعتلى ناس بصوا عليه و قالوا انه تمام مفيهوش مشكلة فى تركيبه ولا فى التبريد و ان دى مشكلة عامة موجودة فى شارب و حتى مذكور فى الكتالوج انه صوت الطقطقة دة عادى.. بس الراجل قال انه بعد شهر استخدام كدة المفروض الطقطقة دى هتروح.. فكنت عايز اعرف لو حد حصل معاة الكلام دة قبل كدة و هل فعلا الطقطقة دى بتروح مع الوقت و لا إيه.. شكرا مقدما و آسف على الإطالة

مصر كلها يتشتكى من طقطقة شارب
ياترى ده فى ال2.25 فقط ولا ال 3 حصان كمان

شكرا على ردك، الجهازين 2.25 . هل قصدك إني خلاص كده لازم أتعود على اﻷصوات دي و مش هتتصلح بالوقت زى ما قالولي؟

دي مشكلة منتشرة في شارب فعلا وحلها صنايعي تكييف محترف وعنده ضمير أهم حاجة هيفكهولك حتة حتة ويظبطه لكن متجيبش حد من التوكيل لأنهم كفتجية وهيلصموه ويمشوا
كلامي عن تجربة ومعاناة مريرة مع تكييف شارب 1.5 حصان لحد ما جبت صنايعي بيفهم صلحهولي ب50 جنيه على حسابي

متابع لانى عندي نفس المشكله وقريت فى الكتالوج ان صوت تمدد أجزاء المروحه طبقا للحراره ، والتكيف فى اوضه النوم وبصحي على الصوت ده للاسف بصوره متكرره

أ ستاذ أبو أسر ممكن تقولنا الراجل اللي جالك ده عملك ايه بالظبط فى التكييف ، يعنى غيرلك حاجه ولا عمل ايه بالظبط ؟

عندى التكييف الشارب اتنين وربع حصان
وبقيت اثبت الريش من الريموت ومخليهاش تتحرك علشان مسمعش السيمفونية دى

اقتباس:

---

المشاركة الأصلية كتبت بواسطة moatazbunny

متابع لانى عندي نفس المشكله وقريت فى الكتالوج ان صوت تمدد أجزاء المروحه طبقا للحراره ، والتكيف فى اوضه النوم وبصحي على الصوت ده للاسف بصوره متكرره

أ ستاذ أبو أسر ممكن تقولنا الراجل اللي جالك ده عملك ايه بالظبط فى التكييف ، يعنى غيرلك حاجه ولا عمل ايه بالظبط ؟

---

هو قعد يحاول فيه كتير لحد ما فكه تقريبا حتة حتة وقعد يلعب في حاجات جوة ويقفل مسامير وفي الآخر بعد مجهود ساعة تقريبا الصوت راح للأبد والحمد لله
لو مدينة العبور قريبة من حضرتك ممكن أديك تليفونه لأنه من مدينة العبور

طبيعى جدا وبتسمعها اكتر مع الساخن

لكن هى بتحصل بعد اطفاء الجهاز عندى مش بتحصل وقت التشغيل

وفيه ملحوظه هو المفروض اعمل له صيانه امتى تقريبا من خمس سنوات مااتعمل له صيانه

الطقطقه دى نتيجه اختلاف درجه الحراره لما التكيف يبتدى يسقع يعنى الفبر بيتمدد بالسخونه وده طبيعى فى كله مش شارب بس

اقتباس:

---

المشاركة الأصلية كتبت بواسطة eleanor

الطقطقه دى نتيجه اختلاف درجه الحراره لما التكيف يبتدى يسقع يعنى الفبر بيتمدد بالسخونه وده طبيعى فى كله مش شارب بس

---

انا عندي lg ومفيهوش المشكلة دي ومسمعتش عن حد اشتكى من الموضوع ده غير اللي عندهم شارب بس
ده عيب صناعة أو تقفيل لأن مفيش حد هيشتري تكييف بـ 3000 جنيه مثلا علشان يسمع صوت خبط ورزع وطقطقة مزعجة متخليش الواحد ينام ولا يركز في شغله الواحد يجيب مروحة أحسن

اقتباس:

---

المشاركة الأصلية كتبت بواسطة أبو آسر

انا عندي lg ومفيهوش المشكلة دي ومسمعتش عن حد اشتكى من الموضوع ده غير اللي عندهم شارب بس
ده عيب صناعة أو تقفيل لأن مفيش حد هيشتري تكييف بـ 3000 جنيه مثلا علشان يسمع صوت خبط ورزع وطقطقة مزعجة متخليش الواحد ينام ولا يركز في شغله الواحد يجيب مروحة أحسن

---

و الله ال 2 ب 10000 جنيه و الواحد مش طايق نفسه! و المضحك إن موظف الصيانة أطول حاجة عملها و هو عندي هى إنه فتح الكتالوج و قعد يدور على الجزء اللي مكتوب فيه إن الصوت ده طبيعي!
فا طبعا لو جيت أشتكي إن الجهاز فيه عيب و عايز أرجعه هيقولولي مفيش عيوب.
أنا للأسف ساكن في أكتوبر فطبعا الفني بتاع حضرتك ده مش هيرضى يجيلي. هحاول أسأل على حد جنبي و لو إني حاسس إنه حرام أبوظ الضمان بتاع الجهتز و هو لسه جديد كده لكن ما باليد حيلة.

عندي شارب بريميم بلاس 3 حصان .. من 4 سنوات تقريباً
وفعلاً الريش بتعمل طقطقه وهي بتتحرك .. خاصة الريش الأفقيه ( يمين وشمال )
بالنسبالي مش شايفها مشكله لأني بثبت الريش في جميع الأحوال .. ومن يوم ما جبته وانا مثبت الريش

انت بتقول انك حاطت التكييف فوق راسك وانت نايم .. طيب بعيد عن صوت الطقطقه بتاعة الريش

بتقدر تتحمل صوت مروحة التكييف واندفاع الهوا وانت نايم ( مهما كان صوته هادي )
بتحس براحه والهوا الساقع بيخبط في جسمك مباشرة ( كده غلط على صحتك والعضم خاصة وانت نايم )

بخصوص الضمان .. الضمان مهم جداً .. ولك صيانه دوريه مجانيه كل 3 شهور .. انت اللي بتتصل بيهم مش هيجوا من نفسهم او يتصلوا بيك يقولولك .. وبتتصل بيهم يجولك تاني يوم على طول .. والصيانه عباره عن تنظيف للجهاز ( الوحده الداخليه والخارجيه تنظيف عادي بدون فك الوحده )

تقدر تجيب فني من برا .. لكن ممكن مايقدرش يحللك مشكلة الطقطقه دي بردو .. لانها سمه من سمات الجهاز .. فممكن يعالجهالك على حساب حاجه تانيه في الجهاز .. او يصلحلك مشكله ويسبب مشكله اخرى .. او يفسد شىء في الجهاز بدون قصد وبدون ما تعرف ويظهر العيب بعد شهور او موسم كامل

وعموماً الجهاز مش متبرشم علشان يخرج من الضمان .. يعني تقدر تجيب فني ويفضل في الضمان بردو

رأي .. تكييف شارب ممتاز كقوة تحمل وأداء وتبريد وضمان وخدمة ما بعد البيع
طقطقة الريش مش مشكله خالص .. لأنك تقدر تستمتع بتبريد التكييف مع تثبيت الريش ( وأعتقد تثبيتها أفضل )
وخليك مع الضمان .. لأن الفني في الشركه هو نفس الفني اللي فاتح محل في الشارع .. الفرق انك بتتعامل مع شركه وهي مسؤله عن الجهاز .

ومبروك عليك التكييف .. التكييف زي الفل وافضل من ال جي واغلى منه

انا بثبت الريش علشان الاصوات دي

اقتباس:

---

المشاركة الأصلية كتبت بواسطة dreamo

عندي شارب بريميم بلاس 3 حصان .. من 4 سنوات تقريباً
وفعلاً الريش بتعمل طقطقه وهي بتتحرك .. خاصة الريش الأفقيه ( يمين وشمال )
بالنسبالي مش شايفها مشكله لأني بثبت الريش في جميع الأحوال .. ومن يوم ما جبته وانا مثبت الريش

انت بتقول انك حاطت التكييف فوق راسك وانت نايم .. طيب بعيد عن صوت الطقطقه بتاعة الريش

بتقدر تتحمل صوت مروحة التكييف واندفاع الهوا وانت نايم ( مهما كان صوته هادي )
بتحس براحه والهوا الساقع بيخبط في جسمك مباشرة ( كده غلط على صحتك والعضم خاصة وانت نايم )

بخصوص الضمان .. الضمان مهم جداً .. ولك صيانه دوريه مجانيه كل 3 شهور .. انت اللي بتتصل بيهم مش هيجوا من نفسهم او يتصلوا بيك يقولولك .. وبتتصل بيهم يجولك تاني يوم على طول .. والصيانه عباره عن تنظيف للجهاز ( الوحده الداخليه والخارجيه تنظيف عادي بدون فك الوحده )

تقدر تجيب فني من برا .. لكن ممكن مايقدرش يحللك مشكلة الطقطقه دي بردو .. لانها سمه من سمات الجهاز .. فممكن يعالجهالك على حساب حاجه تانيه في الجهاز .. او يصلحلك مشكله ويسبب مشكله اخرى .. او يفسد شىء في الجهاز بدون قصد وبدون ما تعرف ويظهر العيب بعد شهور او موسم كامل

وعموماً الجهاز مش متبرشم علشان يخرج من الضمان .. يعني تقدر تجيب فني ويفضل في الضمان بردو

رأي .. تكييف شارب ممتاز كقوة تحمل وأداء وتبريد وضمان وخدمة ما بعد البيع
طقطقة الريش مش مشكله خالص .. لأنك تقدر تستمتع بتبريد التكييف مع تثبيت الريش ( وأعتقد تثبيتها أفضل )
وخليك مع الضمان .. لأن الفني في الشركه هو نفس الفني اللي فاتح محل في الشارع .. الفرق انك بتتعامل مع شركه وهي مسؤله عن الجهاز .

ومبروك عليك التكييف .. التكييف زي الفل وافضل من ال جي واغلى منه

---

شكرا على نصيحة حضرتك بخصوص الصيانة و الضمان، أنا فعلا صعبان عليا إنه جهاز جديد و أجيبله فني من برة..
المشكلة يا سيدي الفاضل، إن الجهاز بيعمل الصوت ده من نفسه كده من غير ما السوينج يكون شغال يعني الريش ثابتة، صوت زى ما تجيب قزازة بلاستيك و تقعد تدوس عليها كل 15 ثانية. الصوت مش عالي جدا لكن لما بيفضل شغال فوق دماغي طول الليل و أنا نايم مبعرفش أنام منه.

اقتباس:

---

المشاركة الأصلية كتبت بواسطة ahmedmedhat86

شكرا على نصيحة حضرتك بخصوص الصيانة و الضمان، أنا فعلا صعبان عليا إنه جهاز جديد و أجيبله فني من برة..
المشكلة يا سيدي الفاضل، إن الجهاز بيعمل الصوت ده من نفسه كده من غير ما السوينج يكون شغال يعني الريش ثابتة، صوت زى ما تجيب قزازة بلاستيك و تقعد تدوس عليها كل 15 ثانية. الصوت مش عالي جدا لكن لما بيفضل شغال فوق دماغي طول الليل و أنا نايم مبعرفش أنام منه.

---

صوت الطقطقه ( كأنك بتطبق ازازه بلاستك ) دة عندي والريش شغاله فقط

لكن والريش ثابته مفيش اي صوت طقطقه .. ومش فاكر كان في صوت اول ما اشتريته واختفى بعد كده ولا لأ

كده يبقى الصوت نتيجه تأثير الحراره على جسم وخامة التكييف ( الوحدة الداخليه ) وهو دة اللي منبهيين عليه في الكتالوج

ومتهيألي دي بقى مفيش اي فني يقدر يعالجها ( لأن دي في خامة التصنيع نفسها )

على كل حال اتصل بيهم تاني وتالت .. كل مرة بيجيلك فني غير التاني .. وفي فني اشطر من التاني

و ممكن اوي الصوت ده يختفي فعلاً بعد فتره .

وشغله على اقل سرعه للمروحه .. مفيش داعي للسرعه العاليه

على فكرة يا جماعة في نوعين من الأصوات
صوت الريشة فعلا وهي بتتحرك وده حله سهل جدا مفيهوش مشكلة
وصوت الفانة اللي جوة ودي هي اللي أخونا بيعاني منها وأنا كنت زيه وملهاش حل فعلا غير فك الجهاز تماما وتصليحها من جوة

عندنا فى الشغل برضوا كاريير وبيعمل الطقطقه دى بس مش اوى كده

شارب من افضل المكيفات فى مصر
افضل مكونات وقوة اداء وصوت هادىْ
وضمان حقيقى خمس سنوات

مشكلة صوت الطقطقة
ده موش عيب تصنيع ولا عيب تقفيل

ده عيب تركيب لان معظم الفنيين لايستخدمون ميزان مياه

عند تثبيت الوحدة الداخلية وده بياثر على صوت الفانة للوحدة الداخلية وكمان عمرها الافتراضى لعدم اتزان محور الفانة وممكن يكون سطح الحائط موش مستوى تماما اى به انبعاج وعند تركيب الشاسيه الصاج اللى بيركب عليه الوحدة الداخلية واحكام رباطه قد يتعوج الشاسيه الصاج اللى بيركب عليه الجهاز قليلا وبالتالى يكون حمل على مفصلات ريش الهواء ويسبب صوت الطقطقة
كمان الفنى قدلايقوم بتثبيت الشاسيه الصاج اللى بيركب عليه الفانة باكتر من ثلاث او اربع مسامير
لانه بيكون مستعجل وده ممكن يسبب زنة للوحدة الداخلية

علاج الطقطقة سهل وبسيط
عود كبريت وتغمس منه جزء من كريم للوجه
وتدهن به مفصلات ومحاور ريش الهواء سيختفى الصوت

اذا لم يختفى الصوت هات فنى يتاكد من استواء سطح الحائط خلف الوحدة الداخلية وعدم وجود انبعاج به بميزان مياه اذا طلع فيه انبعاج
العلاج انك تركب على الحائط قطعة خشب كونتر 10 مللى اكبر قليلا من مقاس الشاسيه ثم تقوم بتركيب الشاسيه الصاج اللى بيركب عليه الوحدة الداخلية وبكده يختفى الصوت
اسف للاطالة وارجو ان اكون افدت الجميع

اقتباس:

---

المشاركة الأصلية كتبت بواسطة ahmed12345678

عندى التكييف الشارب اتنين وربع حصان
وبقيت اثبت الريش من الريموت ومخليهاش تتحرك علشان مسمعش السيمفونية دى

---

هو ده الحل الوحيد

حتى اﻵن جربت كل الحلول و ولا حاجة نفعت. الشركة جاتلي مرتين كمان و ولا حد فادني بحاجة. حد عنده فكرة جهاز حماية المستهلك ممكن يساعدني ولا ﻷ؟

ودى من الاسباب ال خلتنى اكرة الشارب بقالى 4 سنين فى الموضوع دة (2.25 بريمر بلاس) و كان عامل 4900ج ودة ال خلانى اجيب lg art coolمستورد بالكامل علشان مشفش كلمة صنع فى مصر اى نعم سعرة غالى 5050ج 1.5ب/س علشان اريح دماغى من الصداع و من الفنين ال مفيش رد عندهم غير العيب دة مذكور فى الكتالوج و امتداد بلاستيك

اقتباس:

---

المشاركة الأصلية كتبت بواسطة almohaor

شارب من افضل المكيفات فى مصر
افضل مكونات وقوة اداء وصوت هادىْ
وضمان حقيقى خمس سنوات

مشكلة صوت الطقطقة
ده موش عيب تصنيع ولا عيب تقفيل

ده عيب تركيب لان معظم الفنيين لايستخدمون ميزان مياه

ده نفس اللى حصل معايا

عند تثبيت الوحدة الداخلية وده بياثر على صوت الفانة للوحدة الداخلية وكمان عمرها الافتراضى لعدم اتزان محور الفانة وممكن يكون سطح الحائط موش مستوى تماما اى به انبعاج وعند تركيب الشاسيه الصاج اللى بيركب عليه الوحدة الداخلية واحكام رباطه قد يتعوج الشاسيه الصاج اللى بيركب عليه الجهاز قليلا وبالتالى يكون حمل على مفصلات ريش الهواء ويسبب صوت الطقطقة
كمان الفنى قدلايقوم بتثبيت الشاسيه الصاج اللى بيركب عليه الفانة باكتر من ثلاث او اربع مسامير
لانه بيكون مستعجل وده ممكن يسبب زنة للوحدة الداخلية

علاج الطقطقة سهل وبسيط
عود كبريت وتغمس منه جزء من كريم للوجه
وتدهن به مفصلات ومحاور ريش الهواء سيختفى الصوت

اذا لم يختفى الصوت هات فنى يتاكد من استواء سطح الحائط خلف الوحدة الداخلية وعدم وجود انبعاج به بميزان مياه اذا طلع فيه انبعاج
العلاج انك تركب على الحائط قطعة خشب كونتر 10 مللى اكبر قليلا من مقاس الشاسيه ثم تقوم بتركيب الشاسيه الصاج اللى بيركب عليه الوحدة الداخلية وبكده يختفى الصوت
اسف للاطالة وارجو ان اكون افدت الجميع

---

جبت اتنين شارب من سنتين 1.5 حصان واحد حصل فيه كده والتانى لآ بس طلع العيب فى التركيب
مش كده وبس ده كان حصل عيب عندى من اول ما اتركب ان الجهاز بيسقع وزى الفل اول ما يوصل لدرجه الحراره الطلوبه للغرفه يفصل ما يشتغلش تانى !!!!!
وطلع برضو عيب اللى بيركب بعد محاولات اكتر من اسبوع