الكلاكس باظ من خبطة فى العربية وعايز كلاكس رجالى

**gadoo30** · 30-04-2014 03:43 PM

مساء الفل
انا عربيتى افيو 2006 شاريها مستعملة من حوالى سنة ولقيت الكلاكس صوتة بسكوتة خالص
قلت مش مهم مع ان كان عندى جواز كلاكسات فى الشاهين يودى فى داهية
المهم عملت حادثة صغيرة بالعربية من حوالى اسبوع والحمد لله جت سليمة اكصدام وجزء فى الكابوت وفانوس شمال والكلاكس بقى بيقطع
اولا: اية نوع وسعر ومكان اجيب منة كلاكس كويس بس يكون رجالى يعنى يخض الجماعة اللى بتحدف ويصحى الناس اللى سايقة وهى نايمة
ثانيا : انا سمعت ان الافيو الكلاكس بتاعها فردة واحدة هل دة صحيج وموجودة فين بنت التيت دى انا دورت عليها معرفتش الاقيها
ثالثا : ينفع اركب الكلاكس دة بنفسى ولا شغلانة
وعلى فكرة انا شغلى فى وسط البلد يعنى سهل اجيب اى حاجة من التوفيقية بس عند مين ؟
شكرا ليكم واتمنى انى اكون عملت الموضوع فى المكان الصح

**amr khater** · 30-04-2014 08:03 PM

عند حضرتك تلات اختيارات ياتجيب كلاكس تويوتا كورولا جديد من عند بتاع قطع غيار تويوتا(Denso)

٢-كلاكس امريكاني Fiamm (موجود في التوفيقيه وشارع احمد سعيد)

٣-Mixoفرنساوي خلي بالك في منه مضروب(موجود في التوفيقيه وشارع احمد سعيد)

التلاته صوتهم عالي و نوعيه كويسه وليك حريه الاختيار

**Elawany13** · 01-05-2014 12:52 PM

انسى انك تجيب حاجه تصحى النايمين
الناس فى مصر سواء فى العربيات او المشاة فى غيبوبه

Sent from my GT-S6500D using Forum Runner

**Elawany13** · 01-05-2014 03:26 PM

الدنسو اليابانى بحوالى 120 جنيه طبعا الفردتين
الفيام الايطالى ب 60 جنيه (بس ده مستحيل يكون ايطالى)
الميكسو الفرنساوى دورت عليه كتير ولم اجده وكل البياعين قالولى ان الى فى السوق كله صينى مضروب
جبت واحد صينى مقعدش شهرين وباظ

لما تعبت روحت جبت جوز كلاكسات فيام استيراد بـ 50 جنيه
وشغالين معايا بقالهم كام شهر
وده صوتهم

‫صوت كلاكس فيام Faim ايطالى‬&lrm; - YouTube