ميتسوبيشي لانسر أسوأ سيارة في العالم من ناحية العزل

**limo** · 09-10-2008 04:18 PM

انت تقصد عزل ايه عن ايه
عزل العربيه عن الارض ؟ عزل الماتور ؟ ولا عزل العربيه عن العربيات الى حواليها ؟
اولا عزل العربيه عن الارض انا معاك انه كانت المفروض يكون احسن من كده بس مش مزعج ممكن بيكون فى عربيه تانيه احسن منه بس هوه دافع وانا دافع كام
ومحدش يقول ان الانسر مفيهاش عزل من تحت لانى شوفت العزل ده بنفسى وكان عباره عن تبطين من طبقه الفل اسفل شاسيه العربيه .مش عارف تحت الارضيه عوازل تانيه ولا لأ
ثانيا :عزل الماتور فى عوازل فى الانسر بين الكابينه من جوه العربيه والماتور وبرضو لو بصيتوا على جوه الماتور هتلاقوا ان فى عزل من ناحيه الكابينه
والحاله الى بتخلينى احسن ان صوت الماتور عالى هى لما تكون العربيه بارده او بشد بالعربيه
ثالثا :عزل العربيه عن العربيات المجاوره وده فى راى كويس جدا لانى مجرد ما بقفل الزجاج الاصوات الى بره العربيه بتقل بشكل كبير جدا

على فكره انا لما ركبت الياريس حسيت ان عزلها زى الانسر مفيش اى اختلاف

**Qamar** · 09-10-2008 04:30 PM

رجاء عدم الانحيازية!!!!

**khaledmekawy2008** · 09-10-2008 08:25 PM

عنوان الموضوع مش ملائم للموضوع نهائيا بتاتا وكمان تكنولوجيا البومة ديه من 2003 حرام تقارنها بموديلات 2008 يا جماعة فى فرق اكيد عشان التكنولوجيا احدث لكن لو قارنتها بعربيات موديلات 2003 نفس الفئات شوف يقه هى هتكتسح عربيات كتير اوى

**Rsarabia** · 09-10-2008 10:58 PM

يعنى انا عاوز افهم هو فرق التلاتة ديسيبل دول يخليك تقول لا خلاص مش جايب لانسر مثلا ؟؟ الكلام دا فى الدول الهادية اللى مبتسمعش صوت و انت ماشى و اعصابك هادية مش بتاع اللبن معدى و بتاع الانابيب بيقول انابيب و اتنين بيتشاكلو و ببيب بيبيب بيب كل شوية
صباح الفل

**beebahly** · 10-10-2008 03:55 PM

الكلام ده هياس مع احترامي يعني لان اللانسر عربية محترمة جدا وكمان لو على عزل الصوت علي الكاسيت

**nobody** · 10-10-2008 06:09 PM

المشاركة الأصلية كتبت بواسطة SAbuhashem

الانسر واخواتها الاقل والأعلى قليلاً في الفئة السعريه ولكن ليس في نفس الفئة الحجميه من السيارات الغير مطلوب منها الوصول لدرجة عالية من الرفاهيه والجوده وخصوصاً في العزل اللي بيتطلب إستخدام خامات وتصاميم مكلفه هتخرج العربيه عن هدفها كعربية صغيرة إقتصادية للعائلة

في مصر بس دايماً ندي العربيات أكتر من حجمها ونحملها وننتظر منها أكتر من طاقتها وكأنها أفخم عربية في الوجود

دي لانسر يعني مش C280! هو دة اخرها إن كانت هيا أو غيرها من نفس الفئة
كلهم فهم عيوب لكن كلهم لهم هدف

إقتصادية التشغيل للعائلة المتوسطة مع أرخص التكاليف في الإنتاج لخفض السعر

Thanks
Eng.Sherif Shaker

ازي حضرتك يا بشمهندس شريف
انا مش بقارتها ب c280 ولاحاجة انا باقارنها بالعربيات اللي في الفئة بتاعتها

أو أقل بص كده على العربيات الكوري

الأفيو عزلها أحسن من اللانسر
على فكرة كلما زاد الصوت 3 ديسيبل كلما تضاعف مقدار الاحساس بالضجيج(حقيقة علمية)

**nobody** · 10-10-2008 06:10 PM

المشاركة الأصلية كتبت بواسطة Rsarabia

يعنى انا عاوز افهم هو فرق التلاتة ديسيبل دول يخليك تقول لا خلاص مش جايب لانسر مثلا ؟؟ الكلام دا فى الدول الهادية اللى مبتسمعش صوت و انت ماشى و اعصابك هادية مش بتاع اللبن معدى و بتاع الانابيب بيقول انابيب و اتنين بيتشاكلو و ببيب بيبيب بيب كل شوية
صباح الفل

كلما زاد الصوت 3 ديسيبل كلما تضاعف مقدار الاحساس بالضجيج(حقيقة علمية)

**nobody** · 10-10-2008 06:13 PM

المشاركة الأصلية كتبت بواسطة khaledmekawy2008

عنوان الموضوع مش ملائم للموضوع نهائيا بتاتا وكمان تكنولوجيا البومة ديه من 2003 حرام تقارنها بموديلات 2008 يا جماعة فى فرق اكيد عشان التكنولوجيا احدث لكن لو قارنتها بعربيات موديلات 2003 نفس الفئات شوف يقه هى هتكتسح عربيات كتير اوى

ما هو ده اللي أنا قصدي عليه مادام تكنولوجيا بتاعتها من 2003 ليه بنشتريها أغلى مع ان في عربيات تكنلوجيا من 2007 و بنفس السعر
انا رأيي ان الشكل القديم للانسر كان المفروض ينتهي ببداية نزول الشكل الجديد من 2008

**abo samra** · 10-10-2008 07:22 PM

يا جماعه بالله عليكم العربيات فى السرعات العاليه بيبقى صوتها عامل ازاى
العربيات بجد صوتها صداع جدا جدا على السرعات العاليه
على فكره الجين 2 عزلها افضل من الللانسر

**khaledmekawy2008** · 10-10-2008 07:45 PM

المشاركة الأصلية كتبت بواسطة nobody

ما هو ده اللي أنا قصدي عليه مادام تكنولوجيا بتاعتها من 2003 ليه بنشتريها أغلى مع ان في عربيات تكنلوجيا من 2007 و بنفس السعر
انا رأيي ان الشكل القديم للانسر كان المفروض ينتهي ببداية نزول الشكل الجديد من 2008

لا يا باشا الواحد مبيشتريهاش عشان عزلها او تكنولوجيا اقل او اى حاجة لا انا اشتريتها عشان انا شايف ان شكلها حلو اوى بالسبويلر والعتب والكساحات والفوج لايت وكمان تكنولوجبا مش قديمة اوى يعنى متفرقش الا فى حاجات بسيطة اوى اوى كمان مش كفيلة انى اغير رأييى ومجبهاش لا يا باشا اللانسر حافظة مكانتها لغاية دلوقتى والدليل كله بيشترى لانسر بوما وكمان يابانى معمرة جد اوتكنولوجيا البوما قريبة جدا جدا من تكنولوجيا 2007 وتقفيلها ممتاز اوى وفتيس اتوماتيك متطور cvt وتسارع جبار والله جبت بيها من 0 الى 100 فى 10 ثوانى بالظبط كمان لما تيجى تبيع هتلاقيلها الف شارى ومتخسرش فلوسك من الاخر انا عمرى ما ندمت فى يوم من الايام انى اشتريتها او اى حاجة ولو رجع بيا الزمن كنت هشتريها برده وانا كان قدامى اجيب الشارك فى الاول بس ولله غيرت رايى وجبت البوما السوبر اكشن

الموضوع: ميتسوبيشي لانسر أسوأ سيارة في العالم من ناحية العزل

LinkBack

أدوات الموضوع

عرض

-

-

-

-

-

-

المواضيع المتشابهه

أسوأ يوم في حياتي في أسوأ توكيل في العالم... المقطم

سيارة ميتسوبيشي لانسر -كريستاله- للبيع بحالة ممتازة جدا

مطلوب سيارة ميتسوبيشي لانسر 1998 : 2000

عرض خاص جدا جدا جدا سيارة ميتسوبيشي لانسر 2007

الكلمات الدلالية لهذا الموضوع

المفضلات

المفضلات

ضوابط المشاركة