الموضوع: ممكن المساعده من ملاك a7 ضرووووووووووورى؟؟!!!!!!

المشاركة الأصلية كتبت بواسطة inspiron

غلط يا باشا....في الزحمة منوال عشان تتفادي أي نسبة إحتمال حدوث مشكلة لا قدر الله

أحب انقل ليكم تجربه صديق لي في العمل لسه كنت بتكلم معاه النهارده على موضوع الفتيس لأنه راكب جيتا 2011 والحقيقة هو سواقته هادئه جدا و بيحافظ على العربيه المهم لقيته بيقولي كلام انا اول مره أعرفه عن توكيل vw
العربيه خليجي عند 25 الف ابتديت اعراض الفتيس تبان عنده راح التوكيل ابورواش قالوله مش هنقدر نعمل حاجه الا لما نبعت لألمانيا العربيه فضلت اسبوع رده عليه قالوله ان التوكيل في ألمانيا اخطرهم ان العربيه دي مش متباعه لحد وده كان سببه أنها قطري والوكيل لم يسجل العربيه اونلاين انها تم بيعها المهم قعد يزعق و سبلهم العربيه و بعت ايميلات التوكيل في ألمانيا ورده عليه أنه تم ارسال الشكوي للوكيل في مصر المهم كلموه راح عمله سوفت وير وتنكري وحاول تمشي مناويل بعديها لأسبوعين الفتيس ضرب راح رملهم العربيه وبعت شكوى تاني كلموه وطبعا اداهم اللي في النصيب المهم المفاجأة أنهم غيرة طقم دبرياج بدون ما يدفع جنيه و قالوله ان الفتيس المانيا عملت عليه ضمان عشر سنوات او 150 الف كم و لو حصل فيه اي حاجه هما المسئولين المهم أنهم كمان قالوله ان التوكيل في ألمانيا بيتحمل اي التكلفة أكثر من 10 آلاف دولار لو أقل الوكيل في مصر اللي بيتحملها
العربيه رجعت كويسه بعديها هو عرف أن vw غيرت زيت الفتيس لمجموعه من العربيات من تخليقي إلى معدني أو العكس مش فاكر الحقيقة راح لهم ياجماعه انا دخلت رقم vin بتاع عربيتي وعرفت أنها مفروض يتغير ليها زيت فأبى قالوله مفيش الكلام ده راح زهق كالعادة وطبع ان عربيته من ضمن العربيات اللي مفروض يتعملها تغيير زيت فتييس وفعلا تم تغييره وقالوله ان طقم الدبرياج اللي تم تغييره له مجانا تكلفته بالمصنعيه 11 الف وأنه لا قدر الله بعد انتهاء فتره الضمان للفتيس 10 سنوات لو الطقم باظ تاني كالعادة هيدفع 4 آلاف فقط عشان بيعمل الصيانه في التوكيل وحاجه اسمها جود ويل


المهم انا بنقل التجربة دي لحاجتين ان التوكيل ابتدى يحس انه لازم يعمل حاجه للعملاء لأن المبيعات وإعادة البيع بقيت ضعيفة ثانيا ان السواقة مانوال أو اوتوماتيك كده كده طقم الدبرياج هيبوظ وبيتغير في الضمان

توكيل اسكودا الموضوع لسه جديد عليه فقرر أنه يغير الموتور والفتيس والكلام ده وانا بشتري a7 اتقالي من مدير مبيعات في ارتوك صديق لي أنه هيتغير واصبر شويه

في النهاية أحب اوضح ان ممكن تكون تجربه صديقي كويسه أنه عرف ياخد حقه ولكن في ناس مش بتعرف تزعق خاصه انه رمالهم العربيه اسبوعين في التوكيل وكان شغال شكاوى في المانيا الله ينور


عشان كده إللي عايز يشترى dsg لازم يتقبل المخاطرة و السبب في زحمة مصر عشان كده انا عملت استطلاع في قسم المقارنات بين البيجو و الانسيجنيا والباسات والاوكتافيا والأعضاء كلهم استبعدوه الباسات و الاوكتافيا بالرغم باقتناعي ان الباسات الفئة التانيه ثمنها 255 الف أحسن من البيجو الانسيجنيا الفئة الأولى في الكماليات والعزل والعفشه