الموضوع: اول تقرير كامل ومصور لسيات ابيزا 2014 بعد الاستلام حصري للمنتدي

المشاركة الأصلية كتبت بواسطة SYD

ألف مبروك العربية
ربنا يارب يباركلك فيها

شوف يا سيدي
السيات زي انت بنفسك ما لاحظت كدة
ألماني بالكامل - فيما عدا الهيكل وبعض الأجزاء الكهربائية هتلاقيها اسباني (وعلي فكرة هتلاقي نفس الأجزاء الكهربائية دي في كل المجموعة اسباني)
بمعني
في اجزاء هتلاقي عليها العلامات الأربعة (فولكس - اودي - سيات - سكودا) ودي هتلاقي مكتوب عليها Made in Germany
واجزاء أخري هتلاقي عليها العلامات الأربعة (فولكس - اودي - سيات - سكودا) وهتلاقي مكتوب عليها Made in Spain
وهتلاقي اجزاء أخري عليها علامة سيات فقط ودي هتلاقي مكتوب عليها Made in Spain
طبعاً كدة وضح الفرق
الألماني مشتركة في المجموعة كلها - الأسباني لسيات فقط - الأسباني والعلامات للمجموعة كلها (بس دي قطع قليلة اوي في العربية ومستخبية ومش هتوصلها ان شاء الله الا بعد ما عربيتك تقعد أد عربياتنا)

بالنسبة للمحرك
المحرك دة 1.6 MPI بيخرج 105 حصان ألماني علي ابوه بالتمام والكمال لا حصان زيادة ولا حصان ناقص
ينفع تشغله ببنزين 92 عادي - مش هيقول لا - بس لو تبره ولو مرة في الشهر بتفويلة 95 يبقي كتر خيرك
هتلاقي مكتوب علي غطا التانك 95/91 وطبعا دي خدعة وجت في مصلحة المصريين
الخدعة في ايه ؟؟؟؟!!!!
ال95 هتلاقي مكتوب تحتها RON ودي المعيار اللي بيتقاس بيه البنزين في مصر
ال91 هتلاقي مكتوب تحتها ROZ ودة المعيار المستخدم في ألمانيا وبعض الدول الأخري ودة بيعادل 98 بالRON
الخدعة هنا ان التوكيلات بتقول للزبون ان العربية بينفع تشتغل ببنزين 95 و91 كمان يا عم مش 92
وهذا الكلام لا اساس له من الصحه

[COLOR="rgb(154, 205, 50)"]مم تمام معلومات جديده بالنسبالي


وعلي فكرة احنا كمان عربياتنا (موديلات 94-2001) مكتوب عليها نفس الكلام وزي مانت شايف بنشغلها ب92 وزي الفل
لكن لو عايز توصل لأعلي أداء واقل معدل استهلاك يبقي لازم تشغلها 95
وعموماً انت لو مشاويرك معتدلة بواقع 800 كم في الشهر هتفولها مرتين بس "الله اكبر"

اما عن ناقل الحركة (الفتيس DSG) يستحسن بلاش الكيكات والقرص دة
انا عارف انك بتجربها وفرحان بيها (ربنا يارب يملهالك بركة) بس الفتيس دة لو عايزه يعيش معاك يبقي تعامله زي الكتاب ما بيقول
لقيت زحمة اطلع علي المانيوال وافضل اتعامل معاه مانيوال لحد لما تخرج من الزحمة وابقي اقلبها اوتو او شغلها سبورت في الزحمة ودة هيخليها تحرق شوية ومش هتغير علي طول وبالتالي هتوفر الكلتشات بتاعتك وهطول زمن النقلة - فهمت قصدي ؟؟

[COLOR="rgb(154, 205, 50)"]معني كده كل م الغيارات تقل يبقي بريح الفتيس.. عشان كده الفتيس بيجيب السابع علطول عشان يريح نفسه[/COLOR]

ودي عموماً مشاركة فيها بردو نفس الكلام من أخ لينا في قسم سكودا بيشرح سواقة الDSG




بالنسبة للتلين والزيوت وصيانة ال500
في فترة التليين يستحسن تحسس عليها وبلاش تكييف لو أمكن
والزيوت حاول بجد تستخدم كاسترول زي ماهما قايليين وهجيبلك لينك بالكلام دة
الأحسن كاسترول ايدج 5W/40 ثمنه غالي شوية بس علي الأقل هتغيره كل سنة مرة
وبالنسبة لصيانة ال500 فهيتم فيها مراجعة علي السوائل (زيوت وسائل تبريد ومساحات وفرامل)

[COLOR="rgb(154, 205, 50)"]لا دي غلطه مني ٥٠٠٠ وليس ٥٠٠[/COLOR]
بالنسبة لصوت المحرك العالي
اولا انت الأن مركز معاها شوية فهتلاقيك حاسس بدبة النملة فيها
ثانياً بعد اول 1000 هتلاقي الصوت نعم وهينعم اكتر مع تغيير الزيت والصيانات

ربنا يارب يباركلك فيها ونصيحة بلاش تمشي بيها قبل ماترخص وتعلق نمر
ولو في اي شئ عايز تستفسر عنه او تسأل عنه انا تحت امرك

الف مبروك مرة تانية
وتحياتي لشخصكم الكريم
ورجاء بلاش كتابة بالأحمر لأنه مخالف :-)
[COLOR="rgb(154, 205, 50)"]علم وينفذ ومتشكر جدااا[/COLOR]
والله المستعان
،
،
[/COLOR]

المشاركة الأصلية كتبت بواسطة mahmoud_afifi

ماشاء الله لا قوة الا بالله
ربنا يباركلك فيها ويحفظهالك
التقرير الوافي ده حببني في العربيه اكتر من الاول رغم الفتيس اللي الناس مخوفانا منه

انا كنت زيك خايف برده بس لما شوفتها ارتحتلها

المشاركة الأصلية كتبت بواسطة hazem_ahmed

مشاء الله ولا قوه الا بالله

والف مبروك وربنا يكفيك شر الطريق

العربيه محترمه وتستاهل كل تقدير واهتمام :)

الله يبارك فيك وشكرا لذوقك