الموضوع: محتاج مساعدة في رينو سينيك 2005

السلام عليكم ورحمة الله وبركاته
كنت محتاج رأيكم في رينو سينيك 2005
العربية ماشية 38000 كيلو متر فابركية بره وجوة بس باب السواق كان واخد ورنيش وفيه خبطة صغيرة ورا الباب الخلفي شمال وصاحبها عملها بمعجون ولم ترش لسه
العربية كانت مرفوعة 5 سنين واتغيرلها كويلات وجلب ولسه فيها مقصين محتاجين يتغيروا
لمبة الايرباج منورة بس صاحبها بيقول انه كان بيشوف الفرش في محل ورفع كرسي السواق فاتكسر سن من فيشة تحت الكرسي
طبعاً أنا إن شاء الله هكشف في التوكيل بس كنت محتاج رأيكم في السعر بناءً على الحالة دي
هو طالب 67 نهائي ان شاء الله وأنا حاسس انها هتحتاج مصاريف من 5 لأكتر
السؤال الثاني ومعلش استحملوا رذالتي
في عربية فورد فوكس 2006 فابريكة بره وجوة ماشية 50000 كيلو متر ومطلوب فيها 73 الف
هل الفوكس احسن من حيث الاعتمادية ولا السينيك
معلش زهقتكم
شكراً مقدماً :)

مشكلة الفورد انها ممكن نكون تركى وقطع غيارها عاليةجدااا وممكن تجيب ميجان 2 موديل 2007 جميلة ورائعة