الموضوع: تعليق عن الفتيس CVT xtronic فى الفلوينس

المشاركة الأصلية كتبت بواسطة ramymechanics

أنا عاوز البى ام الفئة السابعة وهمشى بيها على 60 مش هزعل خاااااااااااااااالص
ههههههههههههه

ههههههههههههههههه ربنا يرزقنا و يرزقك

و الله عندك حق كلام عاقل جدا
تحياتي

المشاركة الأصلية كتبت بواسطة adel1212

و الله عندك حق كلام عاقل جدا
تحياتي

اهلا بك :)

المشاركة الأصلية كتبت بواسطة yasser100

انا شوفت تعليقات كتير هنا عن الفتيس ده و كان ملخصها انه فتيس مش للشد و الحرق و التسارع انا عايز اقول حاجه انه العربيات اللى زى الفلوينس هيه مش عربيات رياضيه اصلا لا حجمها و لا وزنها و لا ابعادها تقول انها عربيه رياضيه دى عربيات عائليه من الدرجه الاولى يعنى مش بتاعت غرز و حرق زيها زى الاوكتافيا و الاسترا و الجيتا و الباسات , اللى بيتجه للفئات دى هو بيكون اصلا عارف هو عايز ايه من العربيه و طريقة استعماله عليها ازاى , الفتيس مريح جدا للسواقه الناعمه و داخل المدن و موفر جدا للبنزين و مش بيسخن و ممتاز على الطرق السريعه المفتوحه و فتيس معمر يكفى انه نيسان منزله عليه ضمان 10 سنين و ده بره مش عندنا و عل موقعها الرسمى , ما عليش يا جماعه لو بنقيم حاجه نقيمها فى فئتها و اختصاصها علشان ما نحملش الامور اكتر من وضعها و غرضها اللى اتعملت علشانه , لو عايز عربيات شد و حرق فيه كتير زى الكورولا و السيفيك و الجولف و الانسر و الهيونداى و الكيا بس مش الفلوينس و لا الجيتا و لا الاسترا و لا الكروز ولا الباسات و البيجو ما تقوليش مثلا هاروح اشترى المرسيدس و لا البى ام الفئه السابعه علشان احرق و اغرز بها و تيجى تقول لى لأ اصل فتيسها طلع وحش مش بتاع شد

ومين قال أن الجيتا مش بتاعت شد أنت جربت ال-dsg؟ وبعدين بالنسبة للسيفيك هي اه رياضية وفي نفس الوقت شيك و تمشي عائلي وهو ده اللي المفروض العربية اللي فوق ال-170 ألف توفرهولي

كلام جميل و 10/10

خلاص يعنى راحين شغلنا على 140 وبنروح على 180 :)
دا احنا عمرنا كله بيضيع فى الزحمه والاشارات .... حتى السريع فى بلدنا حفر ومطبات !!!

المشاركة الأصلية كتبت بواسطة mando_07

ومين قال أن الجيتا مش بتاعت شد أنت جربت ال-dsg؟ وبعدين بالنسبة للسيفيك هي اه رياضية وفي نفس الوقت شيك و تمشي عائلي وهو ده اللي المفروض العربية اللي فوق ال-170 ألف توفرهولي

ههههه لا يا باشا مش عايز اشوف ال dsg و لا اجربه الله يكرمك , انا باتكلم دى مش عربيات مناورات , لا الحجم و لا و الوزن هايساعد فى كده , ال 128 و الفيرنا بتعدى من ال بى ام فى الاشاره و تعدى من الجيتا كمان و من الفلوينس , و هيه فولكس عملت الجولف ليه ؟ و يمكن سعرها كان بيعدى الجيتا و رينو عامله الميجان 3 الهاتشباك ليه و الكابتشر ؟ اقصد انه كل فئه و لها استخدامها , الهوندا عائليه و رياضيه زى ما انت بتقول و بتاعت شد و حرق و انا باتكلم عن السيفيك بالتحديد لانه الاكورد مش بتاعة الكلام ده بس على حساب ايه ؟ على حساب وزن العربيه و على حساب ارتفاعها عن الارض و على حساب صاج و خامات العربيه

المشاركة الأصلية كتبت بواسطة dr__ahmed

كلام جميل و 10/10

خلاص يعنى راحين شغلنا على 140 وبنروح على 180 :)
دا احنا عمرنا كله بيضيع فى الزحمه والاشارات .... حتى السريع فى بلدنا حفر ومطبات !!!

كلام موزون :) , و الله حتى فى اوروبا لا بيعرفوا يشدوا ولا يحرقوا , ده كل 500 متر هناك اشاره ده غير القوانين اللى بتجيب شلل رعاش لو وقعت تحت ايديهم , يبقا انا اللى يهمنى استهلاك البنزين و القياده الناعمه المريحه و فخامة العربيه