الموضوع: إيه مخاطر شراء كاوتش ياباني وانتاج 2012

السلام عليكم ورحمة الله

إيه مخاطر شراء كاوتش انتاج 2012 وهو دانلوب ياباني، ومن عند أكبر تاجر في المكان اللي أنا فيه وهو سمعته كويسه جدا وفاتح 4 محلات.

والفردة مش معرضة للشمس ومغلفة بالكامل
نقشتها حلوه وعجباني والفرده مش باين فيها أي عيوب.

أرجو الرد يكون عن تجربة أو معرفة حقيقية وليس نقلا من مواقع.

وأرجو سرعة الرد ضروري مشكوريييين

عمر الكاوتش من3 الى 6 سنوات من تاريخ الانتاج
طبعا الكاوتش ده ممشاش وفات سنتين من عمره بدون استخدام اعتقد ينفع تشتريه لانه فاضله4 سنين او 40 الف كيلو مشى يعنى لو متوسطق 10الاف فى السنه يشتغل معاك والله اعلم

المشاركة الأصلية كتبت بواسطة rotanamasoud

عمر الكاوتش من3 الى 6 سنوات من تاريخ الانتاج
طبعا الكاوتش ده ممشاش وفات سنتين من عمره بدون استخدام اعتقد ينفع تشتريه لانه فاضله4 سنين او 40 الف كيلو مشى يعنى لو متوسطق 10الاف فى السنه يشتغل معاك والله اعلم

من غير زعل

كلامك غلط وملوش اى اساس من الصحة

انا لس بايع فى عربيتى السيفيك فرده راكبه ورا انتاج 1998 منمتش ولا مرة مضربتش ليه

المشاركة الأصلية كتبت بواسطة carrier

من غير زعل

كلامك غلط وملوش اى اساس من الصحة

انا لس بايع فى عربيتى السيفيك فرده راكبه ورا انتاج 1998 منمتش ولا مرة مضربتش ليه

مش معنى ان فرده عند حضرتك عمرها16 سنه يبقى كلامى غلط او صح
لا تجعل صدفه كلام علمى مصدق به
ومفيش اى زعل دى مناقشه

المشاركة الأصلية كتبت بواسطة rotanamasoud

مش معنى ان فرده عند حضرتك عمرها16 سنه يبقى كلامى غلط او صح
لا تجعل صدفه كلام علمى مصدق به
ومفيش اى زعل دى مناقشه

شكرا لحضرتك على تحملى

بقى يا راجل فى فرده بتقعد 16 سنه بالصدفة

والعربية تتباع بيها

الفردة دى كانت الاسبوع 22 لسنة 1998

احنا مغيبين باكاذيب مصانع الكاوتش اللى عايزة تبيع وكاوتشك زى الفل لس

المشاركة الأصلية كتبت بواسطة carrier

شكرا لحضرتك على تحملى

بقى يا راجل فى فرده بتقعد 16 سنه بالصدفة

والعربية تتباع بيها

الفردة دى كانت الاسبوع 22 لسنة 1998

احنا مغيبين باكاذيب مصانع الكاوتش اللى عايزة تبيع وكاوتشك زى الفل لس

عموما ليها حسبه عمليه عن طريق الاستعمال الجيد والطرق الجيده
ممكن تمشى بنظريه طول ما الفرده سليمه مفيهاش تشققات او خوابير كتير فهى جيده لاكن كاى شيئ له عمر افتراضى فلا تهمل العمر ابدا لان الامان كله(بعد التوكل على الله)مرتبط بالكاوتش والفرامل

المشاركة الأصلية كتبت بواسطة carrier

الكاوتش الجديد تخزين جيد ولو اكتر من 3 سنيين مش مهم

بلاش تقعوا فى اكذوبتين ملهمش تالت

تاريخ الانتاج / الفرده بتقعد كام الف وبعد كده تضرب

طول عمر المصانع المنتجة بتروج اكاذيب - تاريخ انتاج وعمر افتراضى - علشان تبيع

اتوكل على الله اشترى على طوول

دى حاجة لقطة وممتازة ومتتسبش

لما تركب وترصص وتغير البلوف كمان ابقى طمنا

مبرووك

على فكره أنا عندي من الدليل الواقعي على ذلك هو إن الكاوتش اللي كان في العربية الأصلي هو كومهو سوليس "الزفت" اللي العربية عملت حادثة بسبب زحفه وغيرت فيها اكصدام، طلعت عينه وكان عامل 61500 كيلو وكان ممكن أكمل عليه وهو طبعا من سنة موديل العربية اللي هي 2010.

بس برده ده مايمنعش أن الكاوتش ليه عمر افتراضي وحاجات من دي، الكاوتشات نصيييييييييب، بيكون جديد ويروح في ثانية بسبب اي حاجة. فهي نصيب مش أكتر.

المشاركة الأصلية كتبت بواسطة carrier

من غير زعل

كلامك غلط وملوش اى اساس من الصحة

انا لس بايع فى عربيتى السيفيك فرده راكبه ورا انتاج 1998 منمتش ولا مرة مضربتش ليه

مش غلط أوي ولكن هو ليس فيصل، بل الموضوع فيه نظر زي مابيقولوا
وربنا يباركلك في الكاوتش أبو شوية سنين ده هههههههه

تاريخ انتاج الكاوتش بيكون بالاسبوع ولا بالشهر ولا فيه كده وكده (أقصد الأربع أرقام 2 للسنة و2 ؟؟) ؟؟؟؟

على العموم أنا كنت بطمن ياجماعة، لأن أنا اشتريت بالفعل أمس، وكان نصيبي في الكاوتش الجميل ده

SP SPORT LM702 - Summer tires - For motor cars - Tires catalogue - Dunlop Tire CIS LLC
تفاصيل أكتر
Tires Dunlop SP Sport LM702 - a description of the characteristics of tires

لكن مازلت عايز أعرف حكاية قراءة التاريخ دي، هل فيه بالشهر وفيه بالأسبوع ولا الرجل ثبتني

المشاركة الأصلية كتبت بواسطة rotanamasoud

عمر الكاوتش من3 الى 6 سنوات من تاريخ الانتاج
طبعا الكاوتش ده ممشاش وفات سنتين من عمره بدون استخدام اعتقد ينفع تشتريه لانه فاضله4 سنين او 40 الف كيلو مشى يعنى لو متوسطق 10الاف فى السنه يشتغل معاك والله اعلم

أشكرك على المتابعة والرد شكرا جزيلا
ومعلومتك على العين والرأس وأنا اطمنت من كلامك كده.