الموضوع: إيه مخاطر شراء كاوتش ياباني وانتاج 2012

دا فيه واحد قالي إن السلك اللي في الفردة ممكن يكون داب بسبب السنتين دول ورعبني صراحة وأنا لسه شاري، مش عارف صراحة الوضع إيه أو صحة الكلام ده إيه ؟؟

انا عربيتى 2007 والكاوتش اللى راكب فيها بتاع الفبريكه بتعها وماشيه 80000 ومحصلش حاجه. انا مش قادر افيدك بس انا بنقلك تجربتى

المشاركة الأصلية كتبت بواسطة sakr1964

انقضى نصف عمر الكاوتش حتى لو كان مغلف ومحفوظ فى الثلاجة***

ازاي بس و2 كاوتشاجية قالولي إنه تمام مش وحش، وأنا حاسبب بفرق السما من الأرض والله مابين اللي كان فيها واللي انا ركبته ده، ومش عشان جديد، لأ أنا مميز الفرق فعلا

طيب هو فيه خطوره ولا الموضوع موضوع عمر افتراضي فقط، عشان فيه واحد قالي إن ممكن السلك اللي في الكاوتش يكون داب من الركنه وحاجات زي كده أول مره أسمعها.

المشاركة الأصلية كتبت بواسطة sakr1964

التاريخ بيقى عبارة عن الاسبوع ال(3512 ) دا تحسبة ازاى دا يبقى انتاج الاسبوع ال35 اللى هو تقريبا شهر اغسطس لعام 2012

يعني الراجل ضحك علي في حكاية إنه شهر مش اسبوع، لأنه قالي دانلوب بينزل التاريخ بالشهر مش بالاسبوع ومش كله بالاسبوع فيه كده وفيه بالشهر

دا الظاهر كده إني كنت زبون كويس ولا إيه ؟؟؟

المشاركة الأصلية كتبت بواسطة mahmoud_ali

انا عربيتى 2007 والكاوتش اللى راكب فيها بتاع الفبريكه بتعها وماشيه 80000 ومحصلش حاجه. انا مش قادر افيدك بس انا بنقلك تجربتى

ماشاء الله، أنا بقيت محتار والله، ومش مكذب حد بس الكلام كده متضارب وأنا ميال لأن مصانع الكاوتش بتروج شائعات حاده عشان الناس تشتري على طول

وبرده مقتنع إن لكل كاوتش حدود، بس هي نصيييييييييييب

تارخ انتاج الكاوتش مصور أهوه ياجماعة


http://nileup.com/up/uploads/nilemotors_13990345651.jpg

طيب حد يطمني ياجماعه على موضوع التارخ ده عشان انا فرحتي بالكاوتش شبه راحت رغم الفارق الرهيب في كل حاجه مابين الكاوتش الجديد والقديم

اوحتى حد يقول الفرده كانقشه أو الماركه نفسها محترمه ولا أي حاجه يعني