الموضوع: تقيم فورد فوكاس 2014

المشاركة الأصلية كتبت بواسطة toola

انا لسه مسقتش العربية رغم انها مع كذا صديق ليا, و هقولك انطبعاتى و السمعتوا سواق منهم او من السوق:

العربية ديه بصراحة اول مانزلت كنت منبهر بيها, خصوصا لما شفت واحد بيجرى بيها على طريق الاسكندرية من سنة باسلوب جزارة, غرز شديدة و على 160 بيكبس لقيته فرق جامد , فأعتقد ان مقارنة بالمواتير ال 1600 غير المتربنة فالماتور ادائه مرضى جدا.

صديقى شد مع صاحبه معاه مرسيدس c 180 2010 او 2011 و طلع منوا بالفوكاس.

العربية يعيبها فى نظرى الشنطة الخلفية ضيقة الى حد كبير, و الكنبة نص و نص.

المشكلة الحقيقة بأه والعليها كلام فعلى هو الفتيس.

زميلة عمل جابت العربية ديه اول مانزلت 2012, و بالفعل قابلت مشاكل بالفتيس و عملت صيانة هناك على حساب التوكيل, بس معرفش تفاصيل المشكلة و لكنها كانت موضوع كبير مش حاجة بسيطة.

زميل و صديق جاب موديل 2013 (ده الطلع من المرسيدس), و لغاية دلوقتى معندهوش شكوى غير احساسه بنقلات الفتيس بوصف قريب من الناس بتوصفه فى المنتدى هنا.

صديق لسه جايب 2014 من شهر ,لسه بيحكم عليها بس فى انطباع عام بالارتياح منها, انا كنت قلقته من موضوع الفتيس, و ليه صديق كان قله ان حصل تعديل فى الفتيس فى موديلات 2014 لتلافى الشكوى الفى الموديلات الأقدم.

مع سؤالى لفرج (اشهر ورشة للفورد العند الجراج), و سامى فخرى و هو من اشهر محلات قطع غيار فورد, ال 2 مشكروش فى الموديل ده عشان حوار لفتيس و بيقولوا الموديل الأقدم (المعايا) أكثر اعتمادية و الله أعلم.

ديه معلوماتى عن العربية, و هعمل محاولة لقيادتها قريب ان شاء الله

اللى انا سمعته برده نفس اللى انت قلته و الكلام دلوقتى ان 2014 الفتيس كويس و 2013 برده كان كويس بس لازم تتعود عليه. على فكره ده ده مفس فتيس الفولفو

ايوه كده يا جماعه ياريت التفاعل يزيد عشان الكل يستفيد

المشاركة الأصلية كتبت بواسطة k.ossama

الكتالوج بتاع العربية مكتوب فيه ان الفوكاس فيها esp كتجهيز اساسى.
انا رأيى لو مافيهاش يبقوا هنا هم إللى طالبينها كدة مش سياسة فورد

واالله يادكتور خالد انا حاسس ان العربيه فيها esp وهم مش عارفين للان اصلا لما اتكلمت مع كذا واحد من المبيعات مبيبقاش عارف يعنى ايه اصلا esp
ده غير انا لما شوفت اعلى فئه اللى فيها ال esp زى مابيقولو ملقتش فيها الزرار اللى بيخليك تشغله او تقفله وده معناه ان انت بتتحكم فيها من السوفت وير بتاع العربيه نفسه
المصيبه بأه ياباشا ان اكيد فورد مش عامله سوفت وير للعربيات اللى فيها esp وسوفت وير تانى للى مفيهاش اكيد سوفت وير واحد بس لكله وبالتالى حتلاقى العربيه ممكن يبقى مفيهاش esp اصلا بس سوفت وير العربيه فيه الاوبشن انك تشغله او تقفله

المشاركة الأصلية كتبت بواسطة k.ossama

اهو ده بقى مش ممكن أبداً يا باشا
لو فيه الاوبشن فى السوفت وير لازم يبقى موجود فى العربية.
مستحيل شركة تعمل الحركة دى ولا تتقفل بفضيحة على طول.
يا باشا ده احنا لو عندك تكييف بارد بس بيبقى معاه نفس الريموت زى بتاع البارد/ساخن، ولكن ما يفيش الاوبشن التسخين فى السوفت وير بتاعه.....

والله ياباشا انا مش عارف بس عاوز اقوللك على كام ملحوظه كده ممكن تأيد كلامى
1- برشور العربيه بيقول انها واخده 5 نجوم فى اختبارات السلامه وده مش ممكن يحصل الا لو العربيه فيها esp والمعرف ان العربيه اللى مفيهاش esp بتنقص نجمه فى الاختبار
2-هو المفروض ان الشركات اللى زى فورد دى بتهتم بعوامل السلامه والامان دى اول حاجه فمش عارف بأه تفتكر لو الوكيل قالهم شيلو ال esp حيشيلوه
انا اللى حعمله انى حروح اى معرض ليهم واطلب انهم يدوروا العربيه واشوف ال اوبشن بتاع ال esp موجود فى كل العربيات ولا فى اعلى فئه وساعتها نتكلم

المشاركة الأصلية كتبت بواسطة K.Ossama

١- بس خلى بالك العربية اللى واخدة الخمس نجوم حتلاقى على الموقع السلامة الأوروبي مواصفات الأمان الموجودة إللى اخدت على أساسها التقييم
٢- أظن ان الشركة مش المفروض توافق على إنها تشيل حاجات زى دى

انا كنت بعمل تست درايف من يومين وكانت عربية التست القئة قبل الاخيرة و فضلت ادور فى السيتنج مش لاقيت esp لقيت traction control بس فهل دة هو دة ؟؟؟

الغريب بقى ان كان فى واحدة تايتينيوم معروضة بعد مل خلصت روحت اشوف السيتنج لقيت برضة traction control بس مفيش esp و بتاع المبيعات مصمم ان الاتنين واحد ؟؟؟ظ ارجو الافادة ؟؟؟؟