مشكلة بموتور فليشيا 96

**Mieno** · 03-05-2014 10:47 PM

أنا عندى فليشيا 96 وكنت مسافر بيها و مش عايزة تعدى ال 100 فضلت مكمل على سرعة 60 ل 90 كيلو مسافة 50 كيلو و رجعت بيها 90 كيلو لحد اسكندرية
الموتور بقى يخبط منى وانا ماشى مع ان الزيت فى المعقول
الميكانيكى قالى اويل سيل الموتور اللى ورا بيسرب و لازم يتغير و عمود الكرنك بيخبط جامد ولازم اعمل عمرة او اجيب موتور مستعمل احسن
ممكن حد يفيدنى دا حصل ليه و اعمل عمرة و لا اسأل عند حد تانى و اجيب موتور مستعمل منين و بكام تقريبا
شكرااا

**abasabnfernas** · 04-05-2014 12:19 AM

هل السيارة بتطلع اية ادخنة من الشكمان ؟ لو لا
أختمال الصوت دة من السبايك لأنه كان عندى حاجة مماثلة لوصفك و كان الصوت بيطلع عند ال 3000 لفة بالدقيقة و اتضح ان فى سبيكة من السبايك كانت متأكلة و اتغيرت السبيكة و بقت زي الفل

**حسن محمود احمد** · 04-05-2014 12:56 AM

الموتور بيعمل في حدود 3000 او3500 بادوات التعذية وموجود بكثرة في منطقة السيوف شماعة والفرهدة وصلاح الدين

**aw2100** · 04-05-2014 01:21 AM

جركن زيت مضروب يبوظ الموتور ويخليه يفوت زيي ماحصل مع حضرتك وممكن تكون طرمبة الزيت باظت
هل كانت لمبة الزيت بتنور او ترعش ؟؟؟

**Mieno** · 05-05-2014 12:11 AM

شكرا يا استاذ حسن حشوف بس الاول يمكن يكون فيه حل

**Mieno** · 05-05-2014 12:12 AM

aw2100
فعلا لمبة الزيت كانت بترعش كتير
ايه النظام كده و ممكن يكون ده ايه و اروح فين ؟

**aw2100** · 05-05-2014 02:06 AM

المشاركة الأصلية كتبت بواسطة mieno

aw2100
فعلا لمبة الزيت كانت بترعش كتير
ايه النظام كده و ممكن يكون ده ايه و اروح فين ؟

لمبة الزيت بترعش يبقى الزيت كان مضروب اوخفيف والطرمبة ضعيفة فالموتور ماوصلش لية زيت كفاية وده يبوظه عموما لو ميكانيكى متخصص فليشيا يشوف حاله الموتور ويظبطلك الموتور ولو محتاجة موتور استيراد حيقولك !!

**المنسي** · 06-05-2014 11:30 AM

انت من وصفك كده هتفك الموتور ويستحسن حد فاهم هو اللى يفكه لو حالته معقولة بالنسبة لوش السلندر والبلوكة اللى تحت ومفيهاش تنقير والوش سليم يبقى يبقى هتشوف ايه اللى باظ وتغيره او ممكن تجيب شورت بلوك بس وده هيوفر معاك فى الفلوس وكل ده اللى هيحدده الميكانيكى الفاهم وربنا معاك وابقى وافينا بالاخبار اول باول