مشكلة جديدة سكودا فليشيا

**ابوابراهيم323** · 31-01-2014 09:51 PM

بسم الله الرحمن الرحيم
السلام عليكم ورحمة الله وبركاته
الاخوة الاكارم تحية طيبة
======================
بعد شهرين من الانسجام التام والتحول الى قصة حب مع السيارة وعدم التفريط فيها
قررت اغسلها فى المغسلة وغسلت العفشة بالزيت والجاز وغيرت الزيت وضعت شل الاحمر 50/20 وطبعا البوجيهات 3شمعه وزيت الفرامل والتاكيهات وفلتر زيت وبنزين
===============
لانى كان عندى مشوار البلد بتاع كل مره وكمان كنت عملت 1000 كيلو بعد العمرة
====================
اول الخسائر والمشاكل
1-بدون سابق انذار المساعدين بتوع الشنطة خلاص مفيش لازم حد يرفع الشنطة علشان اعرف اضع الاشياء
--------------------------------
2- وانا فى الطريق لاحظت الاتى كل اما اعطى غيار احس بخبطة تحت رجلى وبالاخص فى الغيار الثالث والرابع والخامس وبيكون جامد وبالاخص بعد ما ارفع رجلى عن الدبرياج بعد النقل
==============================
3- المشكلة الكبرى وانا ارجع اليوم من السفر مطمن على كل شىء قبل التحرك زيت وماء وتمام وكنت خارج فى الصباح والجو كان شبورة وكنت مركز جدا مع الطريق وانا دائما انظر على الحرارة ولكن الشبورة اجبرتنى على التركيز على الطريق اكثر

وللاسف فجأة لقيت بخار طالع من الكبوت نظرت على الحرارة لقيت المؤشر على الصفر وقفت على طول
وفتحت الكبوت لقيت حاجة عامله ذى الفيشة كده فوق خرطوم الماء مخلوعه والماء بيخرج من هذا المكان على الماتور وعامل بخار كتير بصيت على القربه لقيت مفيش ولا نقطة مياه طبعا الوقت مبكر وانا فى منتصف الطريق المهم قررت انتظر حتى الماتور يبرد واضع ماء وانتظرت حوالى 45 دقيقة
وبدأت فى وضع الماء اخذ منى اربع زجاجات مياه اللى هى لتر وكبست الفيشة اللى على ما اظن انها خاصة بالمروحه كويس ومشيت ولكن للاسف المروحة لم تشتغل
قررت اكمل المشوار لحد اما الاقى ميكانيكى وفعلا بعد حوالى 10 دقائق لقيت واحد لسه بيفتح
فتحت له الكبوت لقيت برده الفيشة دى مخلوعه تانى المهم ذودنا حوالى زجاجة ونصف مياه تانى وقام الميكانيكى ضغط الفيشة جات المروحة شغالة قام جايب سلك رباط وربط الفيشة كويس وقال لى بص عليها كل شوية طبعا كنت قربت من البيت قلت مفيش مشكلة
وتحركت وعينى على مؤشر الحرارة المروحة لقيتها شغالة قلت الحمد لله والحمد لله وصلت البيت

==================
المطلوب
ايه اللى حصل للشنطة
ايه اللى بيضرب فى رجلى وانا بغير السرعات
ايه اللى حصل لمؤشر الحرارة وايه اللى تسبب فى ذلك
هل حصل مشكلة فى الماتور وانا ماشى من غير مروحه ومياه

برجاء الرد باسهاب كى يطمن قلبى

الاستاذ صبحى متقلش عفريت العربية
انا مبشغلش غير قران فى العربية وجزاكم الله خيرا

**adhmmaamon** · 31-01-2014 10:11 PM

بالنسبه لموضوع مساعدين الشنطه .. ممكن يكون مساعد ضرب او خف من الاستعمال واظنك مغيرتهاش من ساعه ماجبت العربيه ..على العموم انا لسه مغير الجوز مساعدين وتركيبهم سهل جدا ..

اما موضوع الفيشه اللى بتقول عليها دى بتبقى فوق صباع الحراره وبتدى درجه الحراره للتابلوه علشان كده لما اتشالت وانت بصيت على الحراره لقيتها صفر علشان هيه مش راكبه ..واكيد التيل اللى ماسكها اتقطم او اتخلع علشان كده هيه بتخرج من مكانها وحلها انك تجيب ليها تيل جديد بحوالى 5 جنيه وبرضه تركيبه سهل جدا بس لازم جدا التيل ده علشان الضغط اللى بيبقى فى كوعه الميه بيخرج صباع الحراره من مكانه وده خطر جدا..

بالنسبه بقى لموضوع الخبطه اللى بتحس بيها تحت رجلك ممكن تكون كوبن داخلى مثلا او قواعد موتور عايزه تتربط على العموم برضه بسيطه ان شاء الله ..

ده اللى ممكن افيدك بيه دلوقتى .. وان شاء الله باقى الزملاء يطمنوك

**ابوابراهيم323** · 31-01-2014 10:14 PM

جزاك الله خيرا اخى الكريم

**المنسي** · 31-01-2014 11:53 PM

ابو ابراهيم انت كده عندك جوز مساعدين محتاجين يتغيرو وبالنسبة لمشكلة الخبط اللى بتسمعه احتمال تكون من صليبة الكوبلن وصباع الحرارة مادام شغال والكليبس اللى بيقفل عليه هو اللى بايظ يبقى هات كليبس وخلاص بس

**sakr_skoda** · 01-02-2014 07:41 AM

السلام عليكم ورحمة الله وبركاته
استاذ اكرامى انا عند كلامى المسؤل الول هو عفريت الفليشيا هههههه حتى واضح من كلامك انك بتشغل قرآن كريم على طول طيب عاوز العفريت يهدى ازاااااااااى هههههههههههههههه بعدين انتا عارف دا عفريت كافر تشيكى يعنى وعارف تاثير القرآن على الجن بيخلية فى حالة عصبية صعبة جدا يعنى ممكن يخلع فتيس العربية وانتا ماشا ههههههههه**

نيجى بقى للمشكلة الاكور اللى ماسك حساس الحرارة اتخلع ولقيت بخار كثيف خارج من مكانة طيب هنا سؤال سبب خلعانة اية لابد ان نبحث عن اصل المرض للقضاء على العرض عاوزين نعرف اى اللى بيخلى الضغط عالى جدا لدرجة انه يفك الاكور دا ببساطة مشكلة هواء داخل دورة التبريد ومن المشوار تمدد الهواء واحدث ضغط عالى جدا مما ادى الى انفكاك لاكور حساس الحرارة**

الموضوع التانى بتاع الخبطة لو فى السرعات الثالث والرابع والخامس يبقى صليبة كوبلن داخلى او ممكن يكون كوبلن دخلى انما اثرة دا مبيظهرش فى السرعات الأول والثانى بيختفى بعد ولن تجد له تاثير **

وممكن تكون المشكلة فى الديبرياجممكن تكون رجلك تقيلة على يعنى عاوز اقولك تعاملكمع الدبرياج بيختلفبين السرعاتوانا حشرح دا باستفاضة :
الانطلاقة الولى على الأول علشان يجب رفع قدمك من على دواسة الديبرياج بالتدريج وبقد ما ترفع بقدر ما تضغط بنزين بقدمك اليمين**

عند النقل للغيار الثانى يجب الضغط على دواسة الديبرياج ايضا الى اقصى درجة نهاية المرحلة يعنى ويتم رفع القدم ايضا بالتدريجكما زكرت انافا***
طيب الثالث والرابع ممكن تضغط نصف ضغطة يعنى مش مهم يتم الضغط الى نهاية الديبرياج نصف المشوار يكفى لنقل الغيار وايضا يجب ان تكون قدمك اليمنى اسرع من قدمك اليسرى والتى سيتم رفعا مباشرة وليس ببطء يعنى سريعا تسيب الشمال وتكون اليمين على دواسة البنزين**

بكدا حتريح الديبرياج ومش حتحس بالنتشة فى الغيارات الثالث والرابع والخامس**
والله الموفق::::::

**أحمد جودة** · 02-02-2014 02:55 PM

المشاركة الأصلية كتبت بواسطة ابوابراهيم323

بسم الله الرحمن الرحيم
السلام عليكم ورحمة الله وبركاته
الاخوة الاكارم تحية طيبة
======================
بعد شهرين من الانسجام التام والتحول الى قصة حب مع السيارة وعدم التفريط فيها
قررت اغسلها فى المغسلة وغسلت العفشة بالزيت والجاز وغيرت الزيت وضعت شل الاحمر 50/20 وطبعا البوجيهات 3شمعه وزيت الفرامل والتاكيهات وفلتر زيت وبنزين
===============
لانى كان عندى مشوار البلد بتاع كل مره وكمان كنت عملت 1000 كيلو بعد العمرة
====================
اول الخسائر والمشاكل
1-بدون سابق انذار المساعدين بتوع الشنطة خلاص مفيش لازم حد يرفع الشنطة علشان اعرف اضع الاشياء

موضوع مساعدين الشنطة مفيش منهم قلق هتفكهم وتجيب طاقم جديد 2 مساعد بالكتير بـ 100 جنية انا كنت شاري واح\ بس بـ 50 صناعة تركي كويس
--------------------------------
2- وانا فى الطريق لاحظت الاتى كل اما اعطى غيار احس بخبطة تحت رجلى وبالاخص فى الغيار الثالث والرابع والخامس وبيكون جامد وبالاخص بعد ما ارفع رجلى عن الدبرياج بعد النقل

كدة والله أعلم الاول تتاكد من وجود زيت فى الفتيس وانه مش ناقص واعراض نقص الزيت ((( الغيارات بتعض من العضعضة ))) اما الخبطة دي ممكن تجرب وأنتا بتنقل الغيارات من التالت للخامس بلاش تضغط دبرياج لاخر مشوار الدواسة كفاية للنص بس اعتقد ممكن الوضع يبقي فى تحسن
==============================
3- المشكلة الكبرى وانا ارجع اليوم من السفر مطمن على كل شىء قبل التحرك زيت وماء وتمام وكنت خارج فى الصباح والجو كان شبورة وكنت مركز جدا مع الطريق وانا دائما انظر على الحرارة ولكن الشبورة اجبرتنى على التركيز على الطريق اكثر

وللاسف فجأة لقيت بخار طالع من الكبوت نظرت على الحرارة لقيت المؤشر على الصفر وقفت على طول
وفتحت الكبوت لقيت حاجة عامله ذى الفيشة كده فوق خرطوم الماء مخلوعه والماء بيخرج من هذا المكان على الماتور وعامل بخار كتير بصيت على القربه لقيت مفيش ولا نقطة مياه طبعا الوقت مبكر وانا فى منتصف الطريق المهم قررت انتظر حتى الماتور يبرد واضع ماء وانتظرت حوالى 45 دقيقة
وبدأت فى وضع الماء اخذ منى اربع زجاجات مياه اللى هى لتر وكبست الفيشة اللى على ما اظن انها خاصة بالمروحه كويس ومشيت ولكن للاسف المروحة لم تشتغل
قررت اكمل المشوار لحد اما الاقى ميكانيكى وفعلا بعد حوالى 10 دقائق لقيت واحد لسه بيفتح
فتحت له الكبوت لقيت برده الفيشة دى مخلوعه تانى المهم ذودنا حوالى زجاجة ونصف مياه تانى وقام الميكانيكى ضغط الفيشة جات المروحة شغالة قام جايب سلك رباط وربط الفيشة كويس وقال لى بص عليها كل شوية طبعا كنت قربت من البيت قلت مفيش مشكلة
وتحركت وعينى على مؤشر الحرارة المروحة لقيتها شغالة قلت الحمد لله والحمد لله وصلت البيت

حمد لله علي سلامتك وسلامة العربية

أولا موضوع الضغط اللى خلي الفيشة تتخلع من مكانها دة لازم تاخد بالك منه كويس جدا وتراجع على منظومة التبريد كلها وتغسل الردياتير وتعيد تعبأته بالمياة على حسب ماحضرتك بتستخدم وكمان إحتمال وجود هواء بدائرة التبريد ياريت تراجع علي الحاجات دي عند واحد متخصص ردياتير كويس ويشوف لو فيه اى تسريب من المواسير أو ملحقاتها وانصحك ركز شوية مع الشجرة بتاع الماية اللى هيا ماسورة اسفل الموتور شكلها مايل وليها اكتر من مدخل ومخرج ومثبتة فى كارتيرة الزيت احتمال تسريب من تحت العربية وحضرتك مش واخد بالك منه كويس ((((( ملحوظة : مؤشر الحرارة على الصفر معناة ان مفيش ماية فى الدايرة علشان حساس الحرارة يقدر يحس بدرجة الحرارة ويشغل المروحة ))) ياريت لو أنا فاهم غلط حد يصححلي المعلومة

بالنسبة للطحينة على الزيت ....... للاسف هنرجع نقول جوان وش السلندر والمرة دي ممكن تفكر فى البلوك سيل كحل مبدئي يمكن الدنيا تتظبط .....

تقبل تحياتي

==================
المطلوب
ايه اللى حصل للشنطة
ايه اللى بيضرب فى رجلى وانا بغير السرعات
ايه اللى حصل لمؤشر الحرارة وايه اللى تسبب فى ذلك
هل حصل مشكلة فى الماتور وانا ماشى من غير مروحه ومياه

برجاء الرد باسهاب كى يطمن قلبى

الاستاذ صبحى متقلش عفريت العربية
انا مبشغلش غير قران فى العربية وجزاكم الله خيرا

**aw2100** · 12-02-2014 09:38 PM

المشاركة الأصلية كتبت بواسطة ابوابراهيم323

الموضوع داخل على اسبوعين
والعربيه ماشية تمام وكمان بشكل يومى مشوار الى المقطم زهاب وعوده من على الدائرى
سحب كويس
بس طبعا لون الزيت مغير على ابيض
وكمان غطا الزيت حاجات بيضه عليه وعلى فوهه الزيت
انا طبعا رحت للميكانيكى على طول وقلت عاوز اغير الوش بس هو رفض وقال لى امشى بيها مشواير كتير انا محتار وعاوز اكون مطمن على الماتور

==============
بخصوص الفرامل اصبحت بسمع صوت بسيط عندما ادوس فرامل
كمان برده مش بتمسك كويس على طول وده بيخلينى اكون قلقان وانا ماشى
كده اغير الماستر اكيد ؟؟؟

كده فيه احتمال كبير ان وش السلندر نفسة باظ علشان كده فيه اثار ميه على الزيت وفى غطاء الزيت تلاقى نقط ميه والحل المؤقت السريع البلوك سيل اللى فى الموضوع ده وان شاء الله يوقف تسريب المية !!
http://www.nilemotors.net/Nile/369421-a.html