اول حاجو تبص على الكارتيرات من فوق حوالين البطاحات بتاعت المساعدين و تتاكد انها سليمة لانها عادة بتشرخ و بالذات الكارتيرة اليمين
تاني حاجة تنزل تحت العربية و تبص على الفاصل اللي بين المقص اليمين و الشمال و تتاكد انه مش مفتوح ، و تبص كمان على ركب المقصات و تتاكد انها سليمة
بعدين تبص على صدر العربية و تتاكد انه سليم و بدون اي لحامات
دي عيوب الاكسيل
اما بخصوص المحرك فيتم الكشف علية مثل جميع المحركات
و لما تطلع تجرب العربيه تمشي بيها بالراحة خالص و تركز في صوت الفتيس على الاول و التاني و تتاكد ان مافيش صوت نحر في البلي
و ماتنساش تقرص على العربية و تسمع صوت الموتور كويس عند ار بي ام عالى و تتاكد ان مافيش صوت نقر في البلوك من تحت (ترزيع بس خفيف ) للتأكد من سلامة الكرنك و السبيكة
لو لغاية دلوقتي تمام ابتدي قلب بقا في الفرش و في العربية بصفة عامة و شوف اذا كانت الحالة دي تعجبك وللا لا
و توكل على الله و ان شاء الله تلاقي عربية حلوة
المفضلات