الموضوع: ياريت رد قاطع

التكييف ممتاز لو مشغله من اول ما طلعت بالعربية مهما كانت درجة الحرارة وتلاجة بالليل ولو مسافر بالليل بيبقى تلاجة حتى على 1 هتبقى مش طايقه ، في الحالة دى تأثير لا يذكر على العربية ممكن تحس كأن واحد راكب معاك زيادة في العربية في الطلعة على التانى بس ، انما على 120 و 140 بدوس والعربية بتجمع تجيب 160 170 وعادى جدا

بيقل اداءه جوة البلد وانت ماشى بالنهار بس لو العربية اصلا وصلت لدرجة الحرارة المطلوبة من بدرى مش هتحس بحاجة

اسوأ اداء واعتقد عربيات كتير كدة بس بدرجات ومنهم كورولا 2013 ركبتها مع واحد صاحبى ، لو ركنت العربية في الشمس في عز الظهر لمدة ساعة مثلا وخرجت بعدها على طول تمشى في زحمة الدقى او المهندسين مثلا ، من غير ما تدى فرصة للعربية تجري او تبرد ، هنا ممكن تحس لفترة كأن التكييف مالوش لزمة لحد ما تمشى في مكان مفتوح شوية يبدأ يبرد تانى وتأثير على العربية في الحالة دى عندى مجرد ان العربية نعومتها اقل في الطلعة مش لدرجة رجرجة جامدة او فرهدة
الكلام ده خلال تجربة اليوم العصيب امس 4 مايو في حرارة القاهرة 45 درجة على شاشة العربية التجربة تضمنت التحرك بالعربية صباحا بالتكييف (جيد جدا) والمشى على الصحراوى في اتجاه القاهرة (ممتاز) والمشى جوة القاهرة بعد الوصول مباشرة جيد ، ثم ركن العربية ساعة في الشمس ، ثم التحرك مرة اخرى وتشغيل التكييف داخل القاهرة في الزحام ( اقل من مقبول ) ثم الخروج من الزحام ( جيد ) ثم الطريق الصحراوى مرة اخرى ( ممتاز )

المشاركة الأصلية كتبت بواسطة medo-312

نصيحة لوجه الله .. العربية حسب الفئة السعرية تعتبر صفقة رابحة وماحدش يفتكر انه هايركب عربية خالية من العيوب .. حد يدخل عندنا منتدى نيسان ويشوف كمية الفتاوى بخصوص نيسان صنى الجديدة وهو هايكره نفسه بالرغم من نجاح العربية وعاملة انتشار غير مسبوق فى شوارع مصر وأنا احد ملاك العربية من السنة اللى فاتت ماشفتش منها اى حاجة من اللى بيقولوا عليه نهائى .. وارد تحصل مشكلة عادى جدا حتى لو اشتريت مرسيدس .. محدش يسلم دماغه لغيره وبصوا ياجماعة على الهبل فى اسعار العربيات وانتوا تعرفوا قيمة ال 301 والصنى

عندك حق