نكهة البرغموت ده ليبتون نزّلت منه في فترة من الفترات وكان مكتوب عليه "لفترة محدودة",
كان طعمه خرافي فعلاً.
نكهة البرغموت ده ليبتون نزّلت منه في فترة من الفترات وكان مكتوب عليه "لفترة محدودة",
كان طعمه خرافي فعلاً.
احلى شاي يتشرب بتاع الاردنيين ومتسالنيش ايه الخلطة عشان معرفهاش بس طعم انسى نفسك
كنت مدمن شاى بالمسامير وفعلا كنت بحط 3 مسامير فى الكوباية بس بعد ما جربت الريحان بقيت مدمن ريحان لأن تأثيره ونكهته فى الشاى اعلى كتير.
انا بزرع الريحان يا باشا عندى فى البلكونة عشان اضمن يبقى الريحان فريش :) وفى ناس بتجيبه ليا بردو لما الشجر عندى بيموت :(
انا بحط الورق دايما ولما اكون عايز دماغ قوية احط العود اللى فيه الزهر
بس عايز اقولك طالما مزاجك راح للقرنفل فاحب اقولك ان الريحان اقوى كتير خصوصا لما الورق يكون فريش وتسيبه كده دقيقتين تلاتة وتبص للكوباية تلاقى الزيوت بتاعت الريحان على وش الكوباية تعرف انه بقى شاى كده :tumb:
هو اية اسم النوع من شاى احمد القريب من شاى العروسة
الباشا بتاع الريحان
هو حضرتك بتتكلم علي نوع معين من الريحان
يعني الريحان اللي بيحطه الشيف شربيني و لا ريحان تاني
انا عندي حديقه مليانه ريحان بس لاحظت ان اوراقه صغيره عن الل بتيجي في التليفزيون فقولت يمكن في اكتر من نوع
تاني حاجه، اعتقد ان الريحان بيمرر في الطعم، صح و لا انا غلطان
الشاى بالقرنفل ممتااااااااااااااااااااز بس أنا بطحنه وأضيفه على الشاى وطبعا بشرب الشاى كشرى لدرجة أنى لو شربت 4 كوبايات فى اليوم 2 منهم ساده و2 منهم بالقرنفل جميييييييييييييييل جدا وليه فوايد كتير خصوصا لللأسنان
على فكره الريحان أنواع كتير جدا
من فترة جربت شاى twinings كان كويس بس لازم يتغلى ما ينفعش كشرى ح يبقى زى الميه المغليه
و بالنسبة لاحلى شاى كنت بشربه فى مطروح اسمه ميزة و بيجبلك براد الشاى و كوبايه صغيرة و بيبقى بالنعناع
و فيه شاى تانى شربته كان كويس برضه فى سفارى عند البدو فى شرم الشيخ فى كوبايه صغيرة و كان برضه بالنعناع
بعد ما قرأت الموضوع دا
ولا كباية شاي عارفة أستطعمها في المكتب - رغم الأوفس بوي أستاذ
وعايزة أرجع البيت بسرعة علشان أجرب الشاي بالقرنفل أو بالريحان
لأن الأثنين عندي في بالبيت
وأول عملية تسوق أجيب شاي بالمرمية أو البرغموت
طيب سمعتوا عن الشاي الأبيض ؟
دا الورق الصغير في شجرة الشاي
ودا فوائده كتير للجسم والتخسيس والكولسترول والكبد وحاجات كتير مش فاكرها
قالتها لي صديقة كنت عندها وقدمت الشاي الأبيض دا لي ، وكان لونه أبيض كأنه جنزبيل أو أفتح شويه .