كنت بفضله على الليبتون بس الفرق مش خرافي حاليا ahmed tea
حد جرب الشاى بالقرفه؟؟؟؟؟؟؟؟
ده اسمه اختراع يا كوتش
جيب قطعه شاش صغيره وحط فيها كميه شاى اسود وحط على الشاى نصف ملعقه قرفه وصب المياه السخنه عليها والميه طبعا تنزل فى الكوبايه
دوووق وادعيلى
فية ان شاء الله من اول 15-5-2014 بس انا مستنى لحد الجمعة الجاية عشان انا كبرت من كل الشواطى اللى فى السخنة ورايح استكشف شواطى نائية قرب الزعفرانة فيها حيود مرجانية بكر محدش شافها قبل كدة
وخصوصا بعد الموقف البايخ اللى عملة الغفير معايا وانتوا معايا من بعدها وانا اعتمدت منظومة كاملة مستقلة (خيمة + دش + حمام) ومبقتش مرتبط باى شاطى يعنى اى حتة تعجبنى انزل اعسكر فيها واشد الخيمة والتجهيزات
وهستأذن صاحب الموضوع انى ارفع صورة الخيمة بس
http://www10.0zz0.com/2014/05/06/09/589790063.jpg
إنت برنس يا مصطفى باشا
أخبار الأسرة إيه بعد اللف دا كله...مفيش خناقات وإنت بتسيبهم لوحدهم وتطلع طلعاتك الحلوة دي!
ياسلام بقي صورة الخيمة دي في جو غروب وجنبك كباية الشاي بالقرنفل وقاعد علي الرملة وقدامك البحر ومفيش صوت جنبك...صوت الموج بس وحوليك هسسسسسسسسسسسسسسس بس
:Bravo:
بالنسبة للاسرة انا بوازن الامور فى موضوع الخروجات عشان يبقى فيها عدل لانى هتسأل يوم القيامة فى العدل مع الزوجة
لكن اول ما يدخل الصيف هما عارفين ان الموضوع بالنسبالى شغل صرف مش خروجة
وبالنسبة للمنظر التخيلى بتاع الخيمة ممكن تضيف علية من ارض الواقع فعليا ويحدث شواية فحم على شمالك بتشوى عليها فراخ او لحمة متبلة وعلى يمينك كوباية شاى فواكة كدة (احمد تى) بعد ما تاكل عشان نبقى مخرجناش من سياق الموضوع الاصلى
ياباشا ارفع اي صوره براحتك مفيش مشكله
الانواع الجديده الي جربتها من الي وصا عليها الاعضاء في الموضوع
الشاي بالقرنفل اديله 8 من 10 = منعش ولو بتحب دكتور السنان عليك بيه ههههههههه
شاي بالقرفه = خدت بق من هنا وحسيت كأني في الامام الشافعي باكل عيش رحمه مش عارف ليه = 2 من 10
شاي بافراوله وكذا نوع فاكهه = احبووووش d: ( بحس الي بيششرب شاي بنكهة الفاكه ده @#^# )
شاي بالريحان = 9 من 10 لو بتحب جو شم النسيم اشربه حيعيشك اللحظه بس ميتشربش الا في البلكونه
شاي ماركة الريد لايبل لسى جايبه من كام ساعه جامد وشديد اديله 9 من 10
وطبعا تم تجربة حجات تانيه زي شاي بالزعتر وشاي بالياسمين بس مليش تعليق عليهم
بعد المشاركات دي كلها اكتشفت اني مش بعرف اشرب شاي
والله يا باشا فكرت موضوعك جميلة
وهتخليني اجرب الشاي البلاك