الموضوع: ### لكيفية الشاي تبادل خبرات خش روق مزاجك ( اصحاب النسكافيه والفربتشينو يمتنعوا )

المشاركة الأصلية كتبت بواسطة omaranes77

باشا هو يا احمد تي يا ربيع حاجة منهم
باذن الله يوم اثلاثاء هاقول لسعتك علي نوعة

جربت شاي ربيع معجبنيش للأسف مش عارف ليه مبيعملش دماغ ده عايزله واحد مبتدأ

المشاركة الأصلية كتبت بواسطة anaslbda

نكهة البرغموت ده ليبتون نزّلت منه في فترة من الفترات وكان مكتوب عليه "لفترة محدودة",
كان طعمه خرافي فعلاً.

حتلاقي منه في كارفور اسمه ليبتون بلاك تي جامد بردوا جرب

المشاركة الأصلية كتبت بواسطة zeco

احلى شاي يتشرب بتاع الاردنيين ومتسالنيش ايه الخلطة عشان معرفهاش بس طعم انسى نفسك

الشاي ده تقيل جدا وتحسه كده بينشف البق بس بيخليك كانك نايم بتاع 4 تيام ههههههههههههه

المشاركة الأصلية كتبت بواسطة damasry

كنت مدمن شاى بالمسامير وفعلا كنت بحط 3 مسامير فى الكوباية بس بعد ما جربت الريحان بقيت مدمن ريحان لأن تأثيره ونكهته فى الشاى اعلى كتير.

جرب الريحان جامد بس ده عايزله وقت معين بحسه شاي عصاري ينفع وقت العصريه d: والشاي بالقرنفل جربته جامد هههههههههههه بحس كاني لسى عامل حشو سنان d: وجاي من دكتور السنان


انا بزرع الريحان يا باشا عندى فى البلكونة عشان اضمن يبقى الريحان فريش :) وفى ناس بتجيبه ليا بردو لما الشجر عندى بيموت :(

انا بحط الورق دايما ولما اكون عايز دماغ قوية احط العود اللى فيه الزهر

بس عايز اقولك طالما مزاجك راح للقرنفل فاحب اقولك ان الريحان اقوى كتير خصوصا لما الورق يكون فريش وتسيبه كده دقيقتين تلاتة وتبص للكوباية تلاقى الزيوت بتاعت الريحان على وش الكوباية تعرف انه بقى شاى كده

هو الريحان ايه نظام زرعه لو جبت البثور بتعته ازرع ازاي وطريقة الري ؟ انا جربت الريحان جامد ومنعش والقرنفل مش حقولك كاني لسه جاي من دكتور الاسنان هههههههههه

المشاركة الأصلية كتبت بواسطة الاستاذ

هو اية اسم النوع من شاى احمد القريب من شاى العروسة

حتلاقي نوع لشاي احمد تي اسمه شاي لونه اخضر تقريبا مش حتلاقي عليه اي اضافات وعلى فكره شاي العروسه ده دماغ بردوا بس الفتره الاخير مبقاش يعجبني اشربه من هنا احس كاني صنايعي من هنا ههههههههههههههه

المشاركة الأصلية كتبت بواسطة hhhhhm

الشاى بالقرنفل ممتااااااااااااااااااااز بس أنا بطحنه وأضيفه على الشاى وطبعا بشرب الشاى كشرى لدرجة أنى لو شربت 4 كوبايات فى اليوم 2 منهم ساده و2 منهم بالقرنفل جميييييييييييييييل جدا وليه فوايد كتير خصوصا لللأسنان
على فكره الريحان أنواع كتير جدا

جربت القرنفل جامد زي ما قلت فوق بس بحس انه بيهضم الاكل بسرعه بردوا

المشاركة الأصلية كتبت بواسطة canner

من فترة جربت شاى twinings كان كويس بس لازم يتغلى ما ينفعش كشرى ح يبقى زى الميه المغليه

و بالنسبة لاحلى شاى كنت بشربه فى مطروح اسمه ميزة و بيجبلك براد الشاى و كوبايه صغيرة و بيبقى بالنعناع
و فيه شاى تانى شربته كان كويس برضه فى سفارى عند البدو فى شرم الشيخ فى كوبايه صغيرة و كان برضه بالنعناع

تصور يمكن عشان كده مكنتش بحس بطعم توينجز تي عشان مكنتش بغليه ؟؟؟؟؟؟؟؟؟ جاري تجربة الغلي ومتقوليش الشاي بتاع البدو الي بيعملوه على الفحم صح ؟؟؟؟؟؟ شفت الشاي الي بيحطوه تحس لونه اخضر شويه وعلى فكره ده بينفع جدا في الشمس بيخليك متعرقش كتير وتعطش

المشاركة الأصلية كتبت بواسطة friendship7897

بعد ما قرأت الموضوع دا
ولا كباية شاي عارفة أستطعمها في المكتب - رغم الأوفس بوي أستاذ
وعايزة أرجع البيت بسرعة علشان أجرب الشاي بالقرنفل أو بالريحان
لأن الأثنين عندي في بالبيت
وأول عملية تسوق أجيب شاي بالمرمية أو البرغموت
طيب سمعتوا عن الشاي الأبيض ؟
دا الورق الصغير في شجرة الشاي
ودا فوائده كتير للجسم والتخسيس والكولسترول والكبد وحاجات كتير مش فاكرها
قالتها لي صديقة كنت عندها وقدمت الشاي الأبيض دا لي ، وكان لونه أبيض كأنه جنزبيل أو أفتح شويه .

ههههههههههههه ولسى لما تجربي بقيت الانواع لو مجربتش مش حتعرفي معنى كلمة شاي لازم تجربي وانصحك ب ليبتون روسيان ايرل جراي بناتي وزي الفل والشاي الابيض جربته ايام ما كنت في الجيم كان بيدي عضله بيور في وقت قصير بس عيبه انه كان بيأثر على البروتينات فا لازم الواحد ميخدوش بعد اي نوع بروتينات بياخدها