اقتباس المشاركة الأصلية كتبت بواسطة tutankhamoun مشاهدة المشاركة
السلام عليكم
يا رجالة
الأبيزا مش ألماني
و لا الجين 2 أنجليزي أو حتى موتورها انجليزي

الأبيزا عربية أسباني و موتور فولكس فاجن ألماني
و الجين 2 تصميم لوتس الإنجليزية لسيارات السباق و لكن صناعة ماليزية بالكامل

و الإبيزا مش أحسن من الجين 2 كعربية
مفيش حاجة أسمها نازل من ألماني و تركب عربية ماركة تاني
أنت مش نازل من بي ام أو مرسيدس أو أودي

أنت نازل من عربية هاتش باك صغيرة عادية زيها زي أي عربية في مستواها ( عن تجربة )


طيب نيجي نتكلم عن العربيتين

الأثنين ممتازين .......... الأثنين جامدين و بتوع جري
الأبيزا تتميز أنها مفيهاش مشاكل تقفيل زي الجين 2
بس فرق السعر مش صغير
و لذلك
الجين 2 كعربية و ثبات و جري و سعر .......... مع حجم الكماليات و إنتشار العربية تعتبر صفقة أفضل من الإبيزا

و لتأكيد حاجة بس
الجين 2 لم يظهر فيها أي مشاكل نهائي في العفشة أو المحرك أو الحاجات الأساسية و تنحصر مشاكلها في الآتي
زرار معلق نتيجة أن سلك فالت أو ما شابه
نور الصالون يعلق

حاجات زي كدا و بيتم تصليحها في التوكيل مجانا و بيتم تغيير أي قطعة تالفة بواحدة مكانها

في النهاية
لو فرق السعر مش فارق معاك و عايز تركب عربية ممتازة أشتري الإبيزا

لو فرق السعر فارق معاك و برضه عايز تركب عربية ممتازة و تستحمل مشاكل بسيطة ممكن تظهر و ممكن لاءة و بيتم حلها في التوكيل في الصيانات الدورية هات الجين 2






أولا شكرا يا توت علي رأيك وبصراحة أنت أكتر واحد حببني في ال Gen2
من كلامك عنها ... بس لما قريت مواضيع الأعضاء والمشاكل اللى بتقابلهم الكتيره
وخصوصاً المعاملة السيئة للتوكيل بتاعها مخليني متردد كتير

.. أنا بصراحة عايز أركب عربية وأنساها وأكبر دماغي من إني كل شوية حاجة تبوظ
من الأخر عايز أركب حاجة وأنساها ... وتكون محترمة
مش ألاقيها إتفككت من بعضها بعد سنتين تلاته
وفي نفس الوقت عايز أركب عربية رياضيه وعاجبني أوي الGen2