سوزوكي ماروتي جديدة ولمبة الهاند بريك فصلت مرة واحده ليها حل ولا عادي

**elpilot** · 05-05-2014 12:00 AM

السلام عليكم
تحيه لكل القائمين علي المنتدي الجميل اللي بستفيد منه كل يوم وبدعيلكم
انا عربيتي جديدة ماشية300كيلو لحد دلوقتي الحمد لله اول ما جبتها كنت لما اشد فرامل اليد الاقي لمبة في التابلوة مكتوب عليها حرف الp بتنور نور احمر المهم دلوقتي اللمبة دي مبقتش بتنور خالص مش عارف اتحرقت ولا ايه العيب فكنت عايز اعرف المشكله في ايه وهل ينفع اغير اللمبة دي خصوصا اني مبحبش الحاجه يبقي فيها عيب ومين اللي يقدر يغيرهالي ويركب لمبة جديدة ولا اروح صيانة ال1000 في التوكيل واخليهم يغيروها هناك؟؟؟
سؤال اخر اللمبة الخضراء دي جنبها مثلث كده مش عارف برضو ده بتاع ايه يمكن يكون مهم ومبينورش هو كمان ياريت توضيح المثلث ده وظيفته ايه وبينور امته؟؟؟
سؤال اخير معلش خبرتي منعدمه هي العربية لما تقرب تخلص بنزين مش المفروض بيظهر اشارة انها مثلا قربت تخلص زي اللمبة اللي في ال128 لما مثلا بتنور بيبقي فاضل10ليتر في التانك هل عربيتنا مفيهاش الخاصية دي؟؟؟

وشكرا ليكم جميعا واسف علي تفاهة اسئلتي بس هي مهمه بالنسبة لي وشكرا ليكم جميعا علي سعة صدركم

**elpilot** · 05-05-2014 03:02 PM

الحمد لله يا شباب ببص علي الدراع لقيت فيه زرار تحته كده حركت الفرش بعيد عنه والحمد لله اللمبة بتاعة الهاند بريك رجعت اشتغلت تاني شكلها كانت معلقه باين
والحمد لله بدي اشارة انتظار فلقيت المثلث ده نور قلت يبقي المثلث مخصص للانتظار
باقي بقي حاجه محيراني وهي لمبة البنزين او لمبة قرب انتهاء التانك مش لاقيها خالص ياريت الافاده في الجزئية دي وشكرا ليكم جدا

**lidosasa** · 05-05-2014 03:20 PM

المشاركة الأصلية كتبت بواسطة elpilot

الحمد لله يا شباب ببص علي الدراع لقيت فيه زرار تحته كده حركت الفرش بعيد عنه والحمد لله اللمبة بتاعة الهاند بريك رجعت اشتغلت تاني شكلها كانت معلقه باين
والحمد لله بدي اشارة انتظار فلقيت المثلث ده نور قلت يبقي المثلث مخصص للانتظار
باقي بقي حاجه محيراني وهي لمبة البنزين او لمبة قرب انتهاء التانك مش لاقيها خالص ياريت الافاده في الجزئية دي وشكرا ليكم جدا

كنت لسه هرد عليك لقيتك أكتشفت الحل لوحدك
وبالنسبة للماروتى مفيش فيها تحذير للبنزين نهائى فحضرتك حتعتمد على مؤشر البنزين لما يوصل للثلث الأخير كده يبقى العربية قربت تشطب ولاحظ إن تانك بنزين الماروتى 28 لتر بس فالتلت الأخير ده حيكون فى التانك فى حدود من 8 إلى 10 لتر