الموضوع: من طنانى باشا لصابر برابعه

المشاركة الأصلية كتبت بواسطة ameros

انا الومك انت عشان سمعت كلامهم ومشيت وضغطت علي عربيتك اللي انت اكتر واحد عارفها كان لازم تروح لاي حد بيصلك عليها ويعالج العيب لان الحراره مؤذيه لاي عربيه بس قدر الله وما شاء فعل.

والله مالحقتش اصلا دا كان يوم سبت اصلا. وانا والله من النوع اللي لو في صوت تكه ولا اي حاجه غريبه مش بسكت عليها و مش بستخسر فيها و انا رحتله بعد ما ميكانيكي بص عليها تحت البيت و قاللي روح بيها احسن لحد شغال اوبل و مارداش يفتي.
و انا مش متضايق علي المصاريف قد ما متضايق علي الوقت و علي العربيه نفسها. عشان هي عمرها ما عملت معايا اي حركه نداله و بقدرها جدا
رأيي اللي عايز يروح لصابر يروحله هو شخصيا الاول و يكون فاضي حبتين

المشاركة الأصلية كتبت بواسطة abdo taha

كلامك مظبوط فعلا يعني لو هروح لطناني مش هروح غير و هو موجود لان انا رايحله هو

محمد طناني ده بقي عسل. انا عرفته من المنتدي و سمعته الالماظ من قبل مايفتح مركزه اصلا. و اول مره اكلمه كانت من اسبوع و حكتله علي اللي حصل معايا.
قمه في الزوق والادب و قعد اتكلم معايا كاننا نعرف بعض من سنين.

المشاركة الأصلية كتبت بواسطة Mr.Lawyer

بصوا انا معرفش صابر دا الا عن كلام الاعضاء عنه ولكن هحكى موقف قريب منه

بعد الشتا اللى فات خدت العربيه على البنزينه ورفعتها ونضفتها من تحت ومن برا ومن جوا وظبتها ولما الميه نشفت لقيت صوت تزييق جامد فى العفشه قدام فرفعتها وبصيت تحت العربيه على العفشه لقيت بيض المقصات الجلده بتعته مقطوعه وناشف من جوا فعرفت ان العيب منه ، فسألت على اشهر عفشجى فى طنطا لحد ما كل الناس شكرتلى فى اتنين ، روحت لاول واحد لقيت قدام المحل حوالى خمس عربيات فروحتله وقولتله تعالى شوفلى العربيه فيها ايه قام قالى لا فوت عليا بكرا واشوفلك اللى فيها ، سبته وروحت على التانى مكنش عنده شغل وجيه بص عليها قالى بيض مقص ، طب هتشتغل فيها امتى قالى كمان يومين !! ليه يعم !! يقولى اصل عندى شغل كتير وشوف دى حاجات زبون ودى معرفش ايه ، اقوله تركيب البيض مش هياخد نصايه ، وهو ابداً فمشيت من عنده وبالصدفه بكلم واحد صحبى قالى على عفشجى بتاعه ، فروحتله وطلع معايا على الطريق وكشفلى على كل حته ف العفشه وقالى دا عيب بيض مقص يا بيه ، طب هتشتغل فيها امتى قالى هات البيض وكلمنى ، جبت البيض وتانى يوم الصبح روحتله وعملها وبالمره كشفلى على العفشه كلها لما رفع العربيه والحمد لله حالتها تمام وكان عندى سفر فى نفس اليوم والحمد لله عدى على خير

الخلاصه اللى اتعلمتها ، اى نعم فى ناس متخصصه وبتفهم عن غيرها بس للاسف لما يبقى واحد بس اللى مشهور وغيره كتير بيفهموا ومش مشهورين ، بالتالى المشهور دا دايما بيشتغل على مزاجه وفى العربيات اللى تعجبه والزباين اللى بيروحوله كتير ، اما لو جاله زبون جديد فبينفضله او يرمى اى صبى يعك ف عربيته لانه بيعتبره زبون طيارى مش زى الزبون الدايم ، نفسى الصنايعيه يراعوا ضميرهم شويه ويعاملوا الكل معامله واحده مش على حسب غزاله البيه

للاسف كل المشهورين فشله عشان في حاجه اسمها customer satisfaction مايعرفوهاش ولا عمرهم سمعوا عنها مع انها سهله جدا و مش محتاجه علم
حتي لما اشتغل مع عميل جديد لو رضي عن شغلي و معاملتي هيجبلي هو علي الاقل واحد تاني معاه. بس ناس مابتفكرش ومش عايزه تكبر و عايزه تفضل طول عمرها زي ما هي

انا كان نفسي اروح لطناني بس وقتي مش سامح و هو مش فاضي فحجزت بكره في اوتو ماستر في مدينه نصر و ربنا يسترها

انا لو مكانك مكنتش مشيت طالما العربيه مش مريحاك اسال مجرب ولاتسال طبيب وانت المجرب وعارف

صابر ممتاز وبيصرف على صنعته ومش بيستخصر. ...
بالرغم ان عنده تيك 2 وعنده mdi خلاني اجبله تيك 2 تاني اصلي وانا مسافر...
وجاب جهاز علشان يقدر يفك الكودز بيه..
هو بس محتاج يظبط المكان وينظم وقته ويبقى فعلا افضل واحد بيشتغل في الاوبل في مصر

طناني باشا طبعا محدش يقدر يقول حاجه غير الله يباركله ويزيده من علمه ويوسع باب رزقه..راجل محترم بالفطرة