من طنانى باشا لصابر برابعه

**superherocivil** · 05-05-2014 03:24 AM

امبارح كنت مسافر من بورسعيد للقاهره الجو كان حر جدا كنت قارى درجه حراره 40 في شاشه العربيه طبعا كان لازم التكييف شغلته وانا ع الطريق لقيت الحراره عدت 95 طبعا قفلته قولت استحمل شويه وخلاص بعد مدخلت القاهره وطبعا زحمه الشوارع والحراره العاليه لقيت الحراره عدت 100 درجه من غير تكييف وقفت اهدى العربيه شويه وكلمت طنانى باشا ربنا يكرمه الراجل حاول يساعد وسألنى على مكانى وقالى انى قريب من صابر الى في رابعه دلنى وقالى روحله وهو هيظبطهالك ولو فيه حاجه هيبقى معايا ع الفون رحت لصابر قالى انه مشغول وعنده عربيات كتير و......... المهم قالى عربيتك سليمه مفهاش حاجه هو الجو السبب طبعا كلام مش مقنع وكل ده عشان يخلص منى ولا نفع معاه انى على سفر وعايز ارجع ولا اى حاجه انا بس حبيت اقولكوا ع الموقف عشان ابينلكوا فرق المعامله بين واحد محترم زى طنانى باشا وواحد زى صابر وياريت اقتراحتكوا لحل المشكله الى عندى انا قررت اروح اسلك الرداتير واشوف النتيجه وكمان فيه مشكله تانيه ان الفتيس قارفنى وانا راجع الخامس بيعلق ساعات يدخل في حارته وساعات يدخل ع التالت والاقى حاره الخامس اكنها مش موجوده وكمان المارشدير عمل نفس الحركه ولما رجعت بورسعيد الامور رجعت عاديه بالنسبه للفتيس على الرغم انى لسه مغير الزيت قريب بفالفولين والخامس عملها معايا اكتر من مره في سفريات تانيه واسف ع الاطاله

**احمد فهمى** · 05-05-2014 09:15 AM

بعيداً عن معاملة صابر فى موقفك لا يعنى تقيمه بشكل عام انو مش محترم انا مثلآ حساس الكرنك باظ عندى وكلمتو بعتهولى الغردقه فى اتوبيس منغير ما ياخد تمنو حتى مع ان تعاملاتى مع صابر كانت محدوده واتعاملت معاه فى الفيكترا سي بس وصيانات محدوده وبعض المناقشات الفنيه وكان مستحيل تعرف تروح تصين غير بميعاد قبلها العربيات عندو اكتر من التوكيل والكل عارف انو لازم يحجز قبلها ولعلمك صابر احسن واحد فى مصر فى الفيكترا سي والاسترا اتش وده عن تجربه...

المهم 90% عندك مشكله فى المراوح او الترموستات وبالنسبه للفتيس المانيوال انت لو غيرت اسطوانه وديسك قريب ده ممكن يبقى السبب او اخدت خبطه جامده فى العربيه ده تظبيط وضعية فتيس وملوش دعوه بالزيت

**Abdo Taha** · 05-05-2014 10:43 AM

هو ممكن يكون عنده شغل كتيير و بالنسبة ليه مشكلتك بسيطة و لو ان ده مينفعش برضه بس العربيات عنده هناك اكتر من الهم على القلب مع ان والدي بيرحله من غير ما يقله و بيعمل صيانته عادي و كان لسة مغير مقص عنده الاسبوع اللي فات

**Gelgel2004** · 05-05-2014 11:33 AM

السلام عليكم
ممكن عنوان صابر و التليفون
الف شكر

**Abdo Taha** · 05-05-2014 12:40 PM

المشاركة الأصلية كتبت بواسطة shido

انا رحتله و العربيه مولعه و 3 عنده بصوا عليها و كله يقوللي عادي و يسبني و يمشي.. مع العلم المؤشر كان قبل الاخر بشرطه و هي عمرها ما عدت معايا النص. مشيت و انا متضايق جدا و تاني يوم العربيه ضربت كل الفبر اللي في دايره التبريد و غيرت الشجره و فصلت مدخل السخن للتكييف و غيرت رادياتير كل ده بسبب ان ترموستات الكوع كان قافش و هما ماكالفوش خاطرهم يمدو ايديهم علي الخراطيم حتي و لحد دلوقتي العربيه مش مظبوطه و كلمت استاذ محمد طناني و قاللي هتحتاج غالبا نغير جوان الوش بس مافضتش اروحله لسه و راكنها
1200 جنيه لحد دلوقتي و لسه. و حلفت ما اروحله تاني لو حتي بيصلح ببلاش رغم انه 5 دقايق من بيتي و شغلي كمان

ازاي جالهم قلب يسيبوها كده انا بدأت اقلق بصراحة هو اه شاطر بس مش كده يعني حتى التوكيل عندهم لا مبالاة , يبقى الواحد يروح لطناني حتى لو المشوار بعيد شوية على الاقل هيبقى خايف على عربية العميل اللي عنده

**فادى محمد** · 05-05-2014 02:22 PM

المشاركة الأصلية كتبت بواسطة gelgel2004

السلام عليكم
ممكن عنوان صابر و التليفون
الف شكر

مدينه نصر -شارع الشهيد فؤاد الجمل- خلف مرور رابعه
تليفون 01127728800

المشاركة الأصلية كتبت بواسطة omar elgezeiry

طبعا انا مش هعلق علي معاملة صابر علشان مجربتوش قبل كدة بس انا مرة رحت علشان اشوف عنوانه فين و قابلت اتنين من الصنايعية اللي عنده و اكدت عليهم قالوا بتيجي من غير حجز

ماهو حضرتك هتيجي من غير حجز لانك مش داخل التوكيل انما هتستني دورك طبيعي ولانه مشهور فالزحام امر طبيعي
اللي مستعجل يروح بدري او يسيب العربيه علي بيات ويصحي تاني يوم يروح يقف علي ايديهم .

الموضوع: من طنانى باشا لصابر برابعه

LinkBack

أدوات الموضوع

عرض

-

-

-

-

-

المواضيع المتشابهه

طنانى باشا , فادى باشا وكل الاوبلاوية الحقوووووونى

الى طنانى باشا

هام الى طنانى باشا

طنانى باشا هام جدا

طنانى باشا

الكلمات الدلالية لهذا الموضوع

المفضلات

المفضلات

ضوابط المشاركة