زيت الباور بتاع السيتي المفروض يتغير كل إد إيه ؟

**Bukhari** · 07-05-2014 06:58 PM

بص يا باشا أنا كنت واخد خبطة قدام شمال طار فيها الرفرف والفانوس والمقص وفردة الكاوتش، والراجل كان بيقول فيه خبطة في قنطرة الموتور ففكها عشان يستعدلها ويتأكد ان الشاسيه تمام والحمد لله طلع مفيهوش حاجة...
هو راجل معرفة كدة في السواح وأيده ماشية في الهوندا عشان قريب أوي من محل الحاج حفني اللي هناك...

أنا ظبط زوايا بعد كدة طبعا... الدنيا الحمد لله كويسة أوي دلوقتي، بس هي الفكرة مش في التقل إد ما هي في ان الحركة مش smooth كدة زي الأول...

**ahmedabeed** · 08-05-2014 12:38 AM

بص ياباشا اللى انت بتتكلم فيه ده ممكن يكون بوش فى العلبة من تأثير الخبطة هو لازم حد كويس يشوف التقل منين لو مفيش لمض منوره فى التبلوه امشى شويه ممكن تخف عشان ضبط الزويا بصراحة مقدرش احكم

**Totti999** · 12-05-2014 05:17 PM

اضبط ذوايا في التوكيل ب 200 جنيه وادعيلي
علشان كنت ظبط ذوايا كذه مره عند كذه واحد معروف وفي كل مره كان الدريكسيون بيبقى تقيل ومش بس كده كان دايما سنده علشان ميروحش يمين تحس انه بيروح يمين غصب عنك وانت سنده فبتحس بتقل في الدريكسيون غير انه مبيبقاش عدل وانت ماشي تحس انه معووج حتى لو سنه صغيره لكن لما رحت التوكيل رجع على عدلته بالملي وبقى خفيف زي الاول وسمووووس جدا