استفسار بخصوص لمبة البنزين

**drmomoking** · 05-05-2014 03:20 PM

كنت عاوز اعرف لمبة البنزين فى ال f3 بتنور على كام بالضبط من التنك ؟
وهل تانك البنزين فى احتياطى ولو اة بيكون كام لتر؟

شكرا

**drmomoking** · 06-05-2014 11:45 AM

اية يا رجالة هو السؤال صعب للدرجة دى؟

**A7med AlMaGiC** · 06-05-2014 03:34 PM

علي حد علمي ان لمبة البنزين بتنور عند اخر 5 لتر تقريبا لأن انا محصلتش معايا غير مره واحده يوم ما استلمتها من المعرض وكان فيها 5 لتر بالظبط وكانت اللمبة لسه منوره ده اللي اقدر افيدك بيه ويارب يكون صح ومعتقدش ان فيه احتياطي لأن هو كله علي بعضة 50 لتر وده كلام دليل الاستخدام يارب اكون قدرت افيدك

**moh_rag_abd** · 06-05-2014 05:13 PM

معرفشي بالظبط الاحتياطي كام كان نفسي حد يرد علينا في الموضوع ده

بس من يومين اللمبة عندي نورت ومشيت حوالي 40 كيلو لحد ما رحت وفولت من البنزينة فولت 51.5 لتر
ازاي معرفشي ؟؟؟ علي الرغم ان التنك 50 لتر فقط

وحصلت معايا مرتين قبل كدا بس فولت 52 لتر ووقتها اللمبة كانت لسه منورة وفولتها علطول
منهم مرة بنزينة موبيل ومرة تانية وطنية

فمش عارف هو التنك كام لتر ؟
وازاي اول مرة مشيت واللمبة منورة 40 كيلو وفولت 51.5 لتر
وومرتين اول ما اللمبة نورت مكملتش 10 كيلو وفولت وخدت 52 لتر؟

حد فاهم حاجة؟

**mody112** · 07-05-2014 10:21 AM

متهيالى ال 50 لتر سعة التنك دى هى السعة الاساسية للتنك فقط بعيدا عن الزور .
يعنى التنك ياخد 50 لتر والزور ياخد بتاع 3 او 4 لتر كمان .

**MuslimMeskeen** · 07-05-2014 05:05 PM

ههههههههههههههههه.. أنا مرة حطيت فيها 57 لتر بالزور.. وكنت ماشي بعد اللمبة حوالي 60كم يعني استهلكت أكتر من 5 لتر واللمبة منورة.. بس مرة رحت الصيانة وهي منورة، فالمهندس قاللي ياريت متستناش عليها بعد ما تنور عشان متجبش طرمبة بنزين (مع الوقت وترسب الشوائب فيها طبعاً).. وأنا مقتنع ماشي على كلامه.

**MuslimMeskeen** · 09-05-2014 06:54 PM

المشاركة الأصلية كتبت بواسطة emad habib

سعه التانك 60 لتر واللمبه تضاء تقريبا وفى التانك حوالى 15 لتر حسب عوامه الطلمبه ونصيحه للجميع لا تنتظر حتى تضاء اللمبه لتموين السياره بسبب تبريد البنزين لطلمبه البنزين التى تكون ساخنه جدا اثناء التشغيل

مرحباً أستاذ عماد، معلومة محترمة من شخص خبير محل ثقة.. لكن لم أفهم الفرق في تبريد البنزين للطلمبة في حال امتلاء التانك أو بعد إضاءة اللمبة.. ممكن توضيح؟ وشكراً مقدماً