تغير موتور سيفيك ٢٠٠٩ من ١٦٠٠ سى سى الى ٢٠٠٠ سى سى ستبترونيك

**Waleed maher** · 13-05-2014 06:34 AM

صباح الفل انا اعرف حد كان مسقط الموتور ده علي عربيه ٢٠٠٩ بسبب حادثه سلمكم الله بس فرق كتير جدا جدا و بس كان بيشتكي انو بيغير تيل كل كام اسبوع فأنصح اللي ناوي اتكل علي الله و مش هتندم بس لازم تعدل الفرامل عشان تحل مشكلتها بعد تسقيط الموتور ده لان العربيه بيزيد تسارعها جامد و بتطلع من ال ٣٢٠ البي ام بسهوله و تحياتي الراجل ده معرفه شخصيه و لو عاوز أساله عن حاجه تحت أمرك و السلام لكل المنتدي

**hany63** · 13-05-2014 10:49 AM

المشاركة الأصلية كتبت بواسطة waleed maher

صباح الفل انا اعرف حد كان مسقط الموتور ده علي عربيه ٢٠٠٩ بسبب حادثه سلمكم الله بس فرق كتير جدا جدا و بس كان بيشتكي انو بيغير تيل كل كام اسبوع فأنصح اللي ناوي اتكل علي الله و مش هتندم بس لازم تعدل الفرامل عشان تحل مشكلتها بعد تسقيط الموتور ده لان العربيه بيزيد تسارعها جامد و بتطلع من ال ٣٢٠ البي ام بسهوله و تحياتي الراجل ده معرفه شخصيه و لو عاوز أساله عن حاجه تحت أمرك و السلام لكل المنتدي

الف شكر للمعلومات القيمه طب يا ترى الموضوع كلفه كام بالظبط و يا ترى غير الموتور بالفتيس و لا موتور فقط ؟

بيني و بينك الواحد عين في الجنه و عين في النار عشان لو موضوع التسقيط ده لو تم العربيه قيمتها هتقل لسببين اولا ضريبه هتزيد ده غير موضوع البنزين لو شالوا الدعم ثانيا مش هتبقى ستوك فعشان كده صاحبك عمل الموضوع مضطر
بس اي واحد مش ناوي يبيع لمدة اربع خمس سنين ممكن يعمله على اساس ان بعد المده دي الفرق مش هيبقى جامد

**inspiron** · 14-05-2014 03:02 AM

يا رجالة

ده الموتور الـ 1800

https://www.youtube.com/watch?v=dx0VcOhgCI8

ده الموتور الـ 1600

httpsj://www.youtube.com/watch?v=PaLPFNLWmm8

أنا شايف إن الفرق مش مستاهل علي فكرة !!

بخصوص موضوع طلوعها من الـ 320

https://www.youtube.com/watch?v=6pWi51gXyN4

نلاحظ إن العربية وصلت للـ 200 في 38 ثانية..بسم الله ما شاء الله..ربنا يحفظها للأستاذ ياسر زميلنا في قسم كيا ودي عربيته

علماً بأن السيفيك الـ 1800 بتوصل للـ 200 في 68 ثانية :)

الكبير كبير يا شباب

تحياتي

**mhoreya** · 15-05-2014 06:29 PM

الموتور ال 1800 مش بياكل التيل ولا حاجة .. والفرامل زى الفل الحمدلله طول ما التيل و الطنابير هوندا اصلى مش تقلق من حاجة
و الموتور ماشاء الله عفى جدا و بيخلى العربية تطلع من التخييين ..
وكل الناس اللى شديت معاهم قالولى انتا مستحيل تكون 1600 لان ال 1600 مش قوى كده ..
العيب الوحيد فيه ان استهلاك البنزين عالى جدا .. وده انا مش عارفله سبب لحد دلوقتى ..
ممكن فيه تظبيط على الكمبيوتر العربية محتاجاه ..
بس غير كده نمسك الخشب الحمد لله

**ehab_ramez** · 19-05-2014 05:33 PM

هو حضرتك لما سقطت المكنة غيرت الكناستر ولا لا وسقطتها فين وغيرتها كامله بالضفيرة والكونترول ولا غيرت المكنه بس ممكن يكون الحل عندي

**mhoreya** · 19-05-2014 10:01 PM

شورت بلوك 1800

**hany63** · 19-05-2014 11:09 PM

المشاركة الأصلية كتبت بواسطة mhoreya

شورت بلوك 1800

كلفتك كام و خدت وقت قد ايه ؟

**mhoreya** · 20-05-2014 03:13 PM

كلفتنى ولا مليم .. دخلت الموتور ال 1600 بتاعى راس فى راس فى موتور 1800 كان راكب فى عربية ستوك خليجى عاملة حادثة و أخدت منو 3 الاف جنيه.. و الوقت اخدت حوالى 3 ايام .. و التجربة رائعة

**Waleed maher** · 21-05-2014 01:06 PM

انا سالت صديقي يا باشا اللي كان مركب الموتور ده و قال انو كان شاري نص كامل لانها كانت حادثه سلمكم الله و بالنسبه لموضوع تيل الفرامل ده نسبي حسب طريقه السواقه بس معروف عن العربيه استهلاكها العالي الفرامل و اعتقد قوه الموتور اكيد هتاثر برده علي الفرامل