الى عصابة الاوبل الاعزاء

**ramyfawzy** · 09-10-2008 04:06 PM

السلام عليكم من بلد الكفاح
وكل عام وانتم بخير وسعادة و .............. نخش في الموضوع بقه
واحد صديق عزيز عارض علي عربية اوبل كورسا سيدان - موديل 2004
رشه برة وفابريكة دواخل
وطبعا جميع الكماليات ولونها فزدقي ميتاليك
عاملة 145 الف كيلو متر (معظمهم سفر وده متأكد منه)
تفتكروا 50 الف جنيه سعر كويس ليها ولا كتير (هوه بيقولي ان السعر ده ليا انا بس) ؟؟؟؟؟؟

ارجو الافادة

ملاحظات عامة على العربية:
التكييف ضعيف شوية
الطنبورة بتاعت الدينامو فيها بوووووش (مش رئيس امريكا ها)
ساعة الدوارة بترجف شوية (زي التسقيف) بس لما بيكبس بنزين بتختفي على طول

رامي (ابو احمد و يوسف)

**Ahmad Allawy** · 09-10-2008 06:22 PM

شوف يا سيدي الفاضل..
هو من ناحية السعر.. فهو بالنسبة للتجار.. يعتبر كتير..
ليه..؟؟ عشان العربية لو فبريكة بالكامل.. و ماشية اقل من 100 الف كم.. بنتكلم في 55 لو حد هيشتريها يركبها.. يبقي دي لو واحد هيشتريها يركبها.. هنتكلم في 50 فعلا.. لكن لو هاشتري و امشي بيها شوية و ابيع.. بيتهيألي انك هتحتاج تصرف عليها شوية.. و الصرف ده ممكن متعوضوش..
يعني اللي هتصرفه مش هييجي..
لو عايز تاخدها انت منه... انزل بيه لحد 47 مثلا ولا حاجة.. ليه..؟؟
عشان الحالات اللي قولتلك عليها متاحه و في منها كتير ف السوق.. و سيبك من كلام الناس اللي بتلب فيها 60 وكده.. ده كله مش بيبيع بالسعر ده..
موضوع ضعف التكييف.. ديته 250 جنيه خن و توضيب في ديافيا و هيرجع احسن من الجديد.. :) :)
(متستغربش عشان هما اللي بيركبوه جديد وهي بتتجمع في مصر.. :) )
و بوش الطنبورة و الكلام ده..برضه اعتقد مش خطير يعني..
بس برضه خلي بالك ان الحاجات دي ممكن تقلب بزعل. يعني لو لا قدر الله احتجت انك تغير جينامو.. هتتلسع في فلوس كتير..
و هتجيب استيراد.. عشان هتزعل من تمنه جديد.. و التكييف لو فيه حاجة خطيرة.. هتدفع كتير برضه..
انا رأيي تأمن نفسك.. و انزل بيه للأربعينات..