سيات توليدو Vs سكودا رابيد

**hossamalsadik** · 06-05-2014 11:07 PM

الموضوع رائع تنسيق ممتاز ومجهود عالى يضاف لسلسلة موضوعاتك المميزه
تسلم ايدك ياهندسه وسننتظر سلسلة المقارنات كما ذكرت

مقارنة الأداء والاستهلاك غير منطقيه كما تم ذكره
هل الرابيد فى الفئة الأولى لايوجد بها وسائد هوائية ؟
من الواضح أن توليدو مهتمة بوسائل الأمان والجنوط وبوجه عام ده يفسر فارق السعر البسيط لاكن الاثنين قاربين من بعض والموضوع ازواق

**Karim Ibiza** · 06-05-2014 11:19 PM

مجهود رائع
تسلم ايدك على التقرير

**SYD** · 07-05-2014 02:42 AM

المشاركة الأصلية كتبت بواسطة karim_monir

ما شاء الله لا قوة الا بالله
ايه الجمال ده يا محمد
بجد ما شاء الله عليك
الموضوع اكثر من رائع فعلا وهايل جدا طريقة العرض والمقارنة الهايلة جدا جدا بادق التفاصيل
هاتلاقي الموضوع مسروق بكرة علي المواقع التانية من جماله
خالص تحياتي لمجهودك الرائع ويستاهل اكثر من التثبيت
النشر علي مواقع الاخبار والفيسبوك

ربنا يبارك فيك يا كريم
والله الواحد بيحب المكان فعشان كدة بيديله اقصي جهد عنده

تحياتي وشكراً علي مرورك الطيب

**SYD** · 07-05-2014 02:50 AM

المشاركة الأصلية كتبت بواسطة pharaoh8880

مجهود رائع شكرا

شكراً لتقديرك المجهود

**SYD** · 07-05-2014 03:03 AM

المشاركة الأصلية كتبت بواسطة ehab_mansour

مقارنة رائعه و مجهودك فوق الممتاز و تنسيق الموضوع جميل جدا جدا
شكرا علي مجهودك يا هندسه و نتمني المزيد

نفس التعليق اللي كنت هتكلم عنه ... بكل تاكيد فيه حد منهم غلطان لأن العربيتين بنفس المحرك و قاعدة العجلات و الوزن حتي لو اختلف فهو اختلاف طفيف لذلك استهلاك بالنزين بالتاكيد واحد و كذلك التسارع

النقطتين دول اكيد اكيد فيهم خطأ محتاج تعديل

الله يخليك يا هندسة دة من ذوقك
بص يا صديقي للأسف الشديد انت مفيش قدامك غير البورشور بتاع الوكيل
لسبب واحد فقط
ان توليدو مانزلتش بالمحرك ال1.6 دة غير في مصر
كذلك الرابيد
انا من خلال كتابتي للتقرير اكتشفت الأتي
وكيل سيات كاتب في البورشور بأختصار شديد جداً وكأنه مش عايز يبيع العربية فهتلاقيه مثلا مش جايب سيرة الوزن ولا بعض الأشياء الغاية في الأهمية زي مثلا الإيموبلايزر
في حين هتلاقي وكيل سكودا كاتب كلام كتير اوي في البورشور لدرجة انه كاتب علي حاجات ومش معلم عليها فأي فئة وكاتب حاجات مالهاش لازمة نهائي وفي حاجات مكررة وكأنه عايزك للوهلة الأولي تقول اوعي الرابيد دي فيها كماليات كتير او تزهق وماتقراش اي حاجة

وانا والله يا هندسة وانا بكتب مش مقتنع ازاي في الاختلاف الكبير دة في الأستهلاك وفي التسارع من 0-100
المفروض الأتنين واحد بمعني الكلمة - اكتر بكتير من البولو والأبيزا 98
انت تقدر بمنتهي الثقة تخلع الباب من التوليدو وتركبه في الرابيد بدون ادني اختلاف يذكر
لدرجة نفس فرش الباب الداخلي - لاحظت ذلك ؟؟

شكراً يا هندسة علي مرورك وتعليقك ولو عندك اي تعليقات اخري ياريت توضحها عشان نناقشها

**SYD** · 07-05-2014 03:13 AM

الله يسلمك ويبارك فيك
شكراً علي مرورك الطيب

انا أؤيدك الرأي
فعلا التوليدو بجميع المقاييس اعلي في التجهيز من رابيد
رغم ان رابيد شكلاً احلي ورياضي اكثر وعصري عن التوليدو اللي تحسها راجل عجوز عكس الرابيد الممتلئة بالحيوية والشبابية

تحياتي

**SYD** · 07-05-2014 03:22 AM

المشاركة الأصلية كتبت بواسطة hossamalsadik

الموضوع رائع تنسيق ممتاز ومجهود عالى يضاف لسلسلة موضوعاتك المميزه
تسلم ايدك ياهندسه وسننتظر سلسلة المقارنات كما ذكرت

مقارنة الأداء والاستهلاك غير منطقيه كما تم ذكره
هل الرابيد فى الفئة الأولى لايوجد بها وسائد هوائية ؟
من الواضح أن توليدو مهتمة بوسائل الأمان والجنوط وبوجه عام ده يفسر فارق السعر البسيط لاكن الاثنين قاربين من بعض والموضوع ازواق

يا استاذي ربنا يبارك فيك ويكرمك
دي شهادة اعتز بيها
وسعيد بمرورك

اعتقد ذلك فعلا
سكودا اعتبرت الكلاكس اللي بيشتغل علي مستويين صوت ميزة واوبشن فمش معقول ابداً هتنسي تقول ان اول فئة فيها اير باجز
هي منزلة الأير باجز في ثاني وثالث فئة فقط وكمان عددهم 2 فقط

فعلا توليدو مهتمة اكثر بعوامل الأمان ودة من وجهة نظري بسبب السوق المستهدف ليها وهو اوروبا عاماُ واسبانيا خاصاً
يعني مثلا اماكن تثبيت مقاعد الأطفال - موجود في توليدو مش موجود في رابيد
انوار التحذير (الفلاشر) بتشتغل اوتوماتيك عند الفرامل الفجائية
وعلي فكرة توليدو هي كمان عاملة موضوع الكلاكس ابو مستويين صوت

ياريت يا باشا تشاركنا بملاحظاتك ان وجدت عشان نتناقش فيها

تحياتي

**SYD** · 07-05-2014 03:24 AM

المشاركة الأصلية كتبت بواسطة karim ibiza

مجهود رائع
تسلم ايدك على التقرير

الله يسلمك يا كيمو

فين تعليقك علي العربيتين ؟؟؟
منتظر منك تقييم سريع ليهم ان امكن ذلك

تحياتي

-

-

الموضوع: سيات توليدو Vs سكودا رابيد

LinkBack

أدوات الموضوع

عرض

-

-

-

-

-

-

-

-

المواضيع المتشابهه

سكودا رابيد ام سيات توليدو ام رينو فلوانس

سكودا رابيد ام سيات توليدو ؟؟!

سيات توليدو 2013 :: التطور الطبيعى لسكودا رابيد ::

الكلمات الدلالية لهذا الموضوع

المفضلات

المفضلات

ضوابط المشاركة