ساعدوني .. عاوز أكلة سمك معتبرة

**msafa** · 06-05-2014 02:26 PM

صباح الفل يا شباب

انا من القاهرة .. و كنت عاوز أكلة سمك معتبرة بدل البلاستيك اللي بناكله هنا انا و المدام

انا في العادي كنت بروح اسكندرية عند ابو اشرف او الكتعة و بالمرة منه فسحة

المرة دي فكرت اروح السويس .. اسماعيلية او اي مكان

عاوز نصايحكم ايه احسن مكان مش شرط القاهرة طبعا و هكون شاكر ليكم

**ahmedteam** · 06-05-2014 03:12 PM

ابو على فى الاسماعيليه

**ahmedtohamy** · 06-05-2014 03:23 PM

بص يا باشا فى عندك حلين الاول تنزل السويس 120 كيلو بس وتكون هناك وتروح حلقة السمك فى الاربعين حتلاقى احلى سمك ممكن تشوفة هناك بس تكون هناك بالكتير على الساعة 9 او 10 علشان تاخد حاجة طازة واليومين دول فى كابوريا كتيرررررر ظبط الايس بوكس وعيش وحاول تجيب سمك من الستات الى قاعدين على الارض من غير محلات علشان حاجتهم طازة يوم بيوم وهناك بيببعوا تلج علشان السفر ....
الحل التانى ودة انا ماجربتوش بص أصحابى بيعملوا كدة انك تكون الساعة 6 او 7 صباحاا قدام ميناء الاتكة طريق السخنه بعد ماتوصل البجر تاخد شمال اكنك راجع على السويس دة ميناء السمك الوحيد فى ناس بتكون لسة خارجة من البحر ومعاها سمك طازة بالطاولة يعنى تفاصل معاة بتكون تشكيلة 2 كيلو بورى على كيلو جمبرى وكدة حسب ظروف البحر وكل وادعيلى يا معلم