عندك مشكلة في عربيتك الرينو و سايبها ؟ شاركنا و نفيد بعض

**تامر.محمد** · 08-05-2014 12:59 AM

سلام عليكم
اوقات الواحد فينا بتحصل مشكلة في عربيته و بتبقى مش مؤثرة اوي على الاداء العام للعربية , او مش جوهرية
فبيسيبها

انا مثلا عندي
- قاعدة الشكمان اللي في النص طريت , و قطعت الخيط بتاعها و ماشي بيها كده , بس طبعا العربية صوتها عالي و فيها حتة vibration , حتى انا مش متأكد انه بسببها

- جوان الكرنك الخلفي :( , مش بس اللي موقفني ان تكلفة تغييره 1000 جنيه , انا كمان شايل هم ان العربية تقعد اسبوع في التوكيل و مش عارف هاتنقل من غيرها ازاي

- الكليبس اللي بيمسك ستارة باب من البابين اللي ورا مكسور , ولا لاقيه في التوكيل ولا لاقيه استيراد :(

شاركنا تجربتك

**تامر.محمد** · 08-05-2014 02:34 AM

المشاركة الأصلية كتبت بواسطة محمود سامح

كليبسات الستائر موجودة فى صقر قريش عند المهندس مصطفى فهمى استيراد انا لسة مغيرهم الواحد بى 25 جنية

لما انزل ان شاء الله هاسأل مصطفى عليهم
انا فاكر اني سألته من فترة و ما كانوش عنده , واضح انه جابهم كده بقى :)

**M.Radwan** · 08-05-2014 09:52 AM

خد عندك واحد جوان كرنك خلفي.. ومش راضي أغيره لنفس الأسباب
المصفحة قالولي في التوكيل انها عايزة لحام للمسامير ومش عارف يتعمل فين أو مثلا المسامير تتغير ازاي!

**تامر.محمد** · 10-05-2014 02:57 AM

حدش تاني عنده مشاكل ؟

**Ahmed Koller** · 10-05-2014 10:31 AM

انا عندي كلبس واحد من بتاع الستارة بتاعة البربريز الخلفي هي ال واقعه ومش عارف اجبها منين وسألت عليها كل بتوع الاستيراد ال عندنا وملقتهاش

وزرار التحكم بتاع المرايات عاوز اغيره علشان الدراع ال بيظبط المرايا طلع من ظكانه ومكسل لاني خايف يكون محتاج فك فرش الباب

**tito32** · 10-05-2014 11:28 AM

متابع

**محمد عفيفي** · 10-05-2014 03:26 PM

شريط الاير باج وطبعا معاه مثبت السرعة ومحدد السرعه بس مش هغيره علشان هو عيب في الرينو كل ما حد يغيره بيتقطع برده خلاص مش مهم مثبت السرعه علشان ما انمش وانا مسافر