هل عندك رعشه فى عربيتك زي عندى ؟

**A.Elsheikh.01** · 10-03-2009 01:31 PM

انا عربيتي للاسف كل ما اروح لميكانيكي ناصح او فالح اسأله على الرعشه الاقيه بيقولى مفيش حاجه يا بييييييييييه
اقوله دى طيب بتحصل معاياا يقولى منا مجربها ادامك اهو ومفيش حاجه
تلاقيك انت الى رجلك مش راسيه على الدواسات
وانا بعمل المظبوط مع الدواسات
وبات الكلام على كده
جيت قريت فى جرنال الاهرام فى عدد من بتوع الجمعه فى شهر يناير بيتكلم على رعشه العربيه وكده
وكان بينصح فى الموضوع بأنه لو ربطنا قواعد الماتور مش هتسمع الرعشه

المهم
انا اعراض العربية عندى لما بطلع بيبقى فيه رعشه
وانا ماشى لو الارض مش متمهده وكلها مطبات صغيره زي عين القط بسمع رعشه من جناب العربيه او فى كل العربيه ( رعشه صاج وحاجات تانيه نفسى استكشفها مش عارف )
والحاجه الى اكتشفتها والكلام دا وانا ماشى على سرعه من بعد ال100 والاقى العربيه بترعش وتحس بيها اكتر من عند الراكب الامامى الى جمب السايق والكراسى الى ورا هما الى يحسو بالرعشه جامد ومن عند كرسى السايق مفيش الا رعشه بسيطه
ودا لان الكاوتشات فيهم واحد مش زيهم ولان كلهم بقو شنابر
لحد كده مفيش اى مشاكل
ايه الموضوع دا ؟؟

**Ahmad Allawy** · 10-03-2009 02:02 PM

انا مش فاهم حاجة..!!!!

**samirayad** · 10-03-2009 03:08 PM

المشاركة الأصلية كتبت بواسطة Ahmad Allawy

انا مش فاهم حاجة..!!!!

+111

**A.Elsheikh.01** · 10-03-2009 04:04 PM

بصراحه الى كتب الموضوع واحد صاحبي :)
انا بما انى صاحب المشكله هحكيها بالتفصيل الممل
كل ما فى الامر انا لما بكون طالع بالعربيه العربيه بتترجرج ودا كنا بنقول عليها فى الاول من اسطوانه الديبرياج
بعد ما رحنا للميكانيكى وقالنا لا مفيش فيها حاجه خالص صاحبي قالى على الخبر بتاع الجرنان وقالى يمكن دا السبب والى هو ان القواعد بتاعه الماتور هى الى فيه المشاكل دى

دى حاجه
الحاجه التانيه ان العربيه لما بكون ماشى فى شارع مكسر شويه بلاقى صوت خبط صاج وجوه الصالون وكده
معناها ان فيه حاجات مش متثبته وانا مش عارف ايه هى
هل دا بره العربيه فى الصاج ولا جوه الصالون

**samirayad** · 10-03-2009 04:09 PM

أيوه كده.......أكشف بقه على قواعد المكنه والفتيس.......وبرضه شوف حالة جلب المقصات (والمشاكل اللى عندك مش حتخرج عن حاجه من دول ).....طالما أنت مطمن للدبرياج

**Ahmad Allawy** · 10-03-2009 04:29 PM

و ممكن صوت الطقطقة مع المطبات الرفيعة دي يكون من علبة الدركسيون..
محتاجة حد خبرة يسمعها بس و هيقولك علي اللي فيها..

**samirayad** · 10-03-2009 04:50 PM

نسيت برضه أقولك على بيض المقصات (ممكن يكون خفيف ويعملك نقر خفيف أو خبط زى صوت دقه شاكوش خفيفه ) مع الحركه على أرض مش مظبوطه

**A.Elsheikh.01** · 10-03-2009 06:56 PM

معلش امسحوها فيا بقى صاحبي خفيف خفيف على المنتديات :)
انا ان شاء الله بكره مش هكدب خبر وهعمل لسته بالاماكن الى قولتلولى عليها دى وهاروح بيها ليه وهو يكشفلى عليهم واحده واحده وعلى اقل اقل من مهله وهبعت اجيبله شاى ولأحمد بك علاوى مج نسكافيه و سمرمر باشا شوب موز باللبن

**samirayad** · 10-03-2009 07:02 PM

الله يخليك......ووصل الواجب وكلك زوق وربنا يصلح لك الحال وتكون حاجه بسيطه أن شاء الله

**tamertamer** · 10-03-2009 07:39 PM

بص ياباشا احدا هذة الشياء تسبب الرعشة على السرعات
1- الكوتشات بعد 50 الف كيلو
2- قواعد المتور (2 اعدت متور ووحدة فتيس وشداد المتور )
3- الرجرجة مع الفرامل طنبير
4- ترصيص الجنوط
5-لو التيش والبيض فيهم حاجة تتعداء 60 %
بالنسبة للخبط جوة الصلون دية ياباشا دائما بتبقا بطحات لان وظيفة البطحات بتستقبل جذا كبير من ردت الفعل بدل الشاسية العربية

الموضوع: هل عندك رعشه فى عربيتك زي عندى ؟

LinkBack

أدوات الموضوع

عرض

هل عندك رعشه فى عربيتك زي عندى ؟ - انشر الموضوع فى :

-

-

-

-

-

المواضيع المتشابهه

عندك تجربة مع عربيتك ومنتج معين ...طيب ادخل هنا

هل عربيتك بتسف بنزين عندى الحل

هل عربيتك بتسف بنزين عندى الحل

عندك جولف ؟؟ هاتجيب جولف ؟؟برافو و خد عندك

لو عربيتك صغيره وعايز مقطوره عندى الحل

الكلمات الدلالية لهذا الموضوع

المفضلات

المفضلات

ضوابط المشاركة