حاجة حصلت محتاج اخد رايكوا فيها

**amrseif** · 08-05-2014 09:27 AM

امبارح وانا بفتح كبوت الساجا وببص على قربة المية لقيت مية خضراء على القربة من برة وكان واضح انها لسة مانشفتش .. المهم مسحتها بمنديل وفتحت القربة لقيت المية فى الطبيعى ( يعنى مش ناقصة ) وحددت منسوبها
بعد كدة قفلت كبوت العربية وروحت مشوار صغير حوالى 20 دقيقة وجيت فتحت العربية تانى لقيت المياة زايدة عن المنسوب اللى حددته بحوالى مقدار 8 سم كدة ! بس المية موصلتش لرقبة القربة

حد عنده تفسير يا جماعة او موقف مشابه حصل معاه ؟؟

**abdoumahros** · 08-05-2014 09:43 AM

المشاركة الأصلية كتبت بواسطة amrseif

امبارح وانا بفتح كبوت الساجا وببص على قربة المية لقيت مية خضراء على القربة من برة وكان واضح انها لسة مانشفتش .. المهم مسحتها بمنديل وفتحت القربة لقيت المية فى الطبيعى ( يعنى مش ناقصة ) وحددت منسوبها
بعد كدة قفلت كبوت العربية وروحت مشوار صغير حوالى 20 دقيقة وجيت فتحت العربية تانى لقيت المياة زايدة عن المنسوب اللى حددته بحوالى مقدار 8 سم كدة ! بس المية موصلتش لرقبة القربة

حد عنده تفسير يا جماعة او موقف مشابه حصل معاه ؟؟

طبيعي ان منسوب المياه يرتفع في القربه لما الميه تكون سخنه بعد مشوار بالعربيه
نصيحتي ليك في الصباح والعربيه بارده تماما اضبط منسوب المياه في القربه
اعتقد ان المياه اللي وجدتها علي القربه بسبب زياده المياه في القربه او ان غطاء القربه لم يكن مقفول كويس لان تلف الغطاء مستبعد لان العربيه لسه جديده

**م أحمد** · 08-05-2014 09:47 AM

عنك تسريب فى دورة المياه و كدا هى واخدة هواء ، ممكن يكون خرم فى الراديراتير

روح لميكانيكى عنده عدة كبس الهواء يكبس و يقيس الضغط و يشوف فين مكان الترسيب

**tameem2010** · 08-05-2014 11:35 AM

ده طبيعي جدا ان منسوب المياه في القربه يزيد مع سخونه العربيه لان ضغط المياه في الراديتير بيزيد فبيزود المياه في القربه وده طبيعي جداااا
المنسوب الطبيعي للمياه في القربه يتقاس والعربيه بارده تماما والمفروض يكون بين min و max عشان لما يزيد الضغط مع التشغيل يوصل لعلامة max
المياه الزياده اللى لقيتها على القربه ده الفايص لانك واضح انك زودت المياه كتير فطبيعي القربه بترمي المياه الزياده عن طريق خرطوم الفايس او صمام الفايس في غطاء القربه ده حسب تصميم العربيه
الموضوع ده طبيعي جدااااااااااااا ومفيش اي مشكلة