لو سمحتم ايه افضل زيت فتيس لكورسا 1600 موديل 2005

**mamdouh.raft** · 08-05-2014 11:43 AM

بعد إذنكم ياجماعة انا عايز اغير زيت الفتيس العربية اوبل كورسا 1600 موديل 2005 مانيوال لان عندى الغيار الأول والثانى بدأ بكون ثفيل والميكانيكى قالى هنغير زيت الفتيس فقولت اخد رايكم احسن نوع زيت اشتريه ايه ؟
وشكرا مقدما

**فادى محمد** · 08-05-2014 12:46 PM

-شل لزوجه 80 - 90 بس تجيبه من بنزينه شل اللتر ب25ج - ممكن تصرف شويه هات فالفولين نفس اللزوجه ب45ج اللتر تقريبا..
-الفتيس هياخد 1.9 لتر
-في حاجه بتحسن اداء الفتيس وهي انك تحط 200 مل oil treatment (بيسموه الصنايعيه زيت شنبر والعبوه 450مل ب20ج) علي زيت الفتيس اللي بتحطه بحيث يبقي الكميه كلها 1.9 لتر . جرب وادعيلي

**hammad2010** · 09-05-2014 01:34 AM

بيتحطلها زيت من اللى لونه احمر زى زيت الباور كده انا حطيته من 10 الاف كيلو والحمد لله كويس

**فادى محمد** · 09-05-2014 01:57 AM

المشاركة الأصلية كتبت بواسطة hammad2010

بيتحطلها زيت من اللى لونه احمر زى زيت الباور كده انا حطيته من 10 الاف كيلو والحمد لله كويس

سيدي الفاضل...
زيت الفتيس الهدف منه تزييت التروس وبنستخدم زيت متعدد اللزوجه علشان الفتيس يبقي متجاوب معاك في درجات الحراره المنخفضه والمرتفعه..اما
زيت الباور اللي هو زيت الفتيس الاوتو فده زيت ذو معامل لزوجه ديناميكي . يعني ايه ؟ يعني لزوجته بتتغير بارتفاع الضغط وهي خاصيه مطلوبه في زيت الباور والفتيس الاوتو لانها زيوت بتستخدم لنقل الطاقه سواء من طرمبه الباور للاسكاترا او من الموتور للجير بوكس الاوتو
الضرر بقي ييجي منين؟؟
مع تشغيل الموتور علي احمال عاليه , ترتفع لزوجه زيت الباور في الفتيس المانوال مما يشكل حمل عليه غير مصمم له .وده راي مهندسنا الكبير سبعاوي